ການຊ້ອມຮົບຮ່ວມອາເມລິກາ ແລະ ອິດສະຣາແອນ
(ພາບ: dantri.com.vn)
(TTXVN)- ທະຫານອາເມລິກາ ປະມານ 1000 ຄົນຫາກໍ່ເດີນທາງໄປອິດສະຣາແອນ ເພື່ອເຂົ້າຮ່ວມການຊ້ອມຮົບຮ່ວມປ້ອງກັນລູກສອນໄຟໃນໄລຍະທີ່ຈະມາເຖິງ. ທ່ານພົນຕີກອງທັບອາກາດ Craig Franklin ຜູ້ສ້າງແຜນການຊ້ອມຮົບຮ່ວມດັ່ງກ່າວໃຫ້ຮູ້ວ່າ, ການຊ້ອມຮົບຈະແກ່ຍາວໃນເວລາ 3 ອາທິດດ້ວຍຊື່ເອື້ນວ່າ “ການທ້າທາຍອັນຮ້າຍແຮງປີ 2012“ ແມ່ນການຊ້ອມຮົບຄັ້ງທີ 6 ໃນການຊ້ອມຮົບຮ່ວມຄັ້ງຕ່າງໆທີ່ມີຂອບຂະໜາດໃຫ່ຍ ແລະ ໄດ້ຮັບການສ້າງແຜນການໃນຮອບເວລາກ່ວາ 2 ປີ. ນາຍພົນ Franklin ຖືວ່າ: ການຊ້ອມຮົບຄັ້ງນີ້ແມ່ນມີລັກສະນະປ້ອງກັນ, ບໍ່ກ່ຽວຂ້ອງເຖິງບໍ່ວ່າການຜັນແປລະອຽດໃດໜຶ່ງໃນພາກພື້ນ. ມີທະຫານອາເມລິກາ ຢ່າງໜ້ອຍສຸດ 3500 ຄົນຕັ້ງທັບຢູ່ອິດສະຣາແອນ ແລະ ເອີລົບ ດ້ວຍລູກຈະຫຼວດ, ປືນໂຄກ ແລະ ລູກສອນໄຟນຳວິຖີໄລຍະສັ້ນຈາກສະໜາມຮົບຫຼາຍແຫ່ງ. ການຊ້ອມຮົບຄັ້ງນີ້ຖືກພັນລະນາວ່າມີຂອບຂະໜາດໃຫ່ຍກ່ວາໝູ່ໃນປະຫວັດສາດແຫ່ງການພົວພັນດ້ານການປ້ອງກັນຊາດລະຫວ່າງສອງປະເທດ ແລະ ພິສູດໃຫ້ແກ່ການພົວພັນດ້ານການທະຫານນັບມື້ນັບໜັກແໜ້ນກ່ວາລະຫວ່າງອາເມລິກາ ແລະ ອິດສະຣາແອນ.