ທ່ານ ຫງວຽນທ້ຽນເຍີນ ໄດ້ໃຫ້ການຕ້ອນຮັບທ່ານ ໄຊສົມພອນ ພົມວິຫານ (ພາບ: ອິນເຕີແນັດ)

ທ່ານເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍີນ ຢັ້ງຢືນວ່າ ໃນແງ່ມູມທ້ອງຖິ່ນ ນະຄອນ ໂຮ່ຈີມິນ ຍາມໃດກໍ່ຖືເປັນສຳຄັນການກໍ່ສ້າງ, ຊຸກຍູ້ການພົວພັນມິດຕະພາບ, ການຮ່ວມມືກັບ ລາວ ແລະ ບັນດາທ້ອງຖິ່ນຂອງ ລາວ ໃນທຸກດ້ານ. ການນຳສູນກາງ ແລະ ນະຄອນຈະມານະພະຍາຍາມພ້ອມກັບ ລາວ ຮັກສາ, ເພີ່ມພຸນຄຸນສ້າງສາຍພົວພັນມິດຕະພາບແບບພິເສດ ຫວຽດນາມ - ລາວ ໃຫ້ນັບມື້ນັບພັດທະນາ, ແລະ ເຂົ້າສູ່ລວງເລິກ, ຊຸກຍູ້ການພັດທະນາຂອງທັງ 2 ປະເທດ.

        ສ່ວນທ່ານປະທານສູນກາງແນວລາວສ້າງຊາດ ໄຊສົມພອນ ພົມວິຫານ ໄດ້ສະແດງການແບ່ງເບົາຄວາມເສົ້າສະຫລົດໃຈຢ່າງເລິກເຊິ່ງຕໍ່ພັກ, ລັດ ແລະ ປະຊາຊົນ ຫວຽດນາມ ກ່ຽວກັບການເຖິງແກ່ມໍລະນະກຳຂອງທ່ານອະດີດນາຍົກລັດຖະມົນຕີ ຟານວັນຂາຍ. ທ່ານ ໄຊສົມພອນ ພົມວິຫານ ສະແດງຄວາມເຊື່ອໝັ້ນວ່າ ໃນໄລຍະຈະມາເຖິງ ການພົວພັນ 2 ປະເທດຈະສືບຕໍ່ໄດ້ຮັບການຊຸກຍູ້, ຮັດແໜ້ນການພົວພັນຮ່ວມມື, ມິດຕະພາບແບບພິເສດໃຫ້ພັດທະນາກ່ວາອີກ. ໃນນັ້ນ, ນະຄອນ ໂຮ່ຈີມິນ ສືບຕໍ່ຊຸກຍູ້ການຮ່ວມມືກັບບັນດາທ້ອງຖິ່ນ ລາວ ພ້ອມກັນປະຕິບັດບັນດາແຜນການ, ເປົ້າໝາຍຮ່ວມ, ການຮ່ວມມືລະຫວ່າງ 2 ລັດຖະບານ.