ກະຊວງຕຳຫຼວດ ຫວຽດນາມ ຈະສືບຕໍ່ຊຸກຍູ້ຫວ່າເກົ່າການພົວພັນຮ່ວມມືກັບບັນດາອົງການທີ່ມີໜ້າທີ່ຮັບຜິດຊອບຂອງ ອາເມລິກາ ໃຫ້ຫຼາຍກວ່າເກົ່າ ເພື່ອແນໃສ່ຮັບປະກັນສະພາບແວດລ້ອມແຫ່ງການລົງທຶນໃຫ້ດີທີ່ສຸດ ເພື່ອໃຫ້ບັນດານົກລົງທຶນຕ່າງປະເທດເວົ້າລວມ, ບັນດາວິສາຫະກິດອາເມລິກາເວົ້າສະເພາະ ມີການພັດທະນາຢ່າງປອດໃສ, ບັນລຸປະສິດທິຜົນສູງ ຢູ່ ຫວຽດນາມ. ນີ້ແມ່ນຄຳຢືນຢັນຂອງທ່ານ ພົນເອກ ໂຕເລິມ ລັດຖະມົນຕີກະຊວງຕຳຫຼວດ ຫວຽດນາມ ກ່າວໃນການຕ້ອນຮັບຄະນະສະພາທຸລະກິດ ອາເມລິກາ - ອາຊຽນ ໂດຍທ່ານ Alexander Feldman ປະທານທັງເປັນຜູ້ອຳນວຍການໃຫຍ່ ສະພາດັ່ງກ່າວເປັນຫົວໜ້າຄະນະ.

ການເຮັດວຽກລະຫວ່າງ   ກະຊວງຕຳຫຼວດ ຫວຽດນາມ ແລະຄະນະສະພາທຸລະກິດ ອາເມລິກາ - ອາຊຽນ (ພາບ: cand.com.vn)

ທີ່ການເຮັດວຽກ, ທ່ານລັດຖະມົນຕີ ໂຕເລິມ ປາຖະໜາວ່າ ໃນໄລຍະທີ່ຈະມາເຖິງ, ກະຊວງຕຳຫຼວດຫວຽດນາມ ແລະ ບັນດາວິສາຫະກິດ ອາເມລິກາ ຈະສືບຕໍ່ຮ່ວມມືໃນບັນດາຂົງເຂດຄົມມະນາຄົມ; ປ້ອງກັນ ແລະ ດັບເພີງ, ກູ້ໄພ, ກູ້ຊີບ; ເຕັກໂນໂລຊີ ຂໍ້ມູນຂ່າວສານ…

ສ່ວນທ່ານ Alexander Feldman ກໍ່ປາຖະໜາວ່າໃນໄລຍະທີ່ຈະມາເຖິງ, ລັດຖະບານຫວຽດນາມ ເວົ້າລວມ, ກະຊວງຕຳຫຼວດ ຫວຽດນາມ ເວົ້າສະເພາະ ຈະສືບຕໍ່ເອົາໃຈໃສ່, ສ້າງເງື່ອນໄຂສະດວກໃຫ້ບັນດາວິສາຫະກິດ ອາເມລິກາ ມາລົງທຶນຢ່າງໝັ້ນຄົງ, ຍາວນານຢູ່ ຫວຽດນາມ.