ທີ່ການເຈລະຈາ, 2 ຝ່າຍໄດ້ເຫັນດີນຳກັນເພີ່ມທະວີການສົມທົບກັນລະຫວ່າງສະຖານທູດ 2 ປະເທດ ເພື່ອຈັດຕັ້ງບັນດາການເຄື່ອນໄຫວສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດໃຫ້ບັນລຸຜົນສຳເລັດ.

      2 ຝ່າຍກໍ່ແລກປ່ຽນກ່ຽວກັບບັນດາບັນຫາສາກົນ ແລະ ພາກພື້ນ, ໃນນັ້ນມີບັນຫາທະເລຕາເວັນອອກ; ເຫັນດີນຳກັນເພີ່ມທະວີການສົມທົບກັນຢູ່ບັນດາເວທີປາໄສສະຫະປະຊາຊາດ, APEC, ບັນດາກອງປະຊຸມທີ່ກ່ຽວຂ້ອງຂອງອາຊຽນ… ທ່ານລັດຖະມົນຕີການຕ່າງປະເທດ Taro Kono ຕີລາຄາສູງເລື່ອງຫວຽດນາມ ຈັດຕັ້ງປີ AEPC ຢ່າງສຳເລັດຜົນ, ຂອບໃຈການສົມທົບກັນຢ່າງແໜ້ນແຟ້ນ ແລະ ຕັ້ງໜ້າຂອງຫວຽດນາມ ໃນການເຈລະຈາ ແລະ ລົງນາມໃນສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ແລະ ປາດຖະໜາວ່າ 2 ຝ່າຍຊຸກຍູ້ບັນດາເນື້ອໃນພາຍໃນເພື່ອສັນຍາໄດ້ຮັບການປະຕິບັດໂດຍໄວ. ທ່ານຮອງນາຍົກລັດຖະມົນຕີ ຟ້າມບິ່ງມິງ ຢືນຢັນວ່າ, ຈະສົມທົບກັນກັບຍີ່ປຸ່ນ ໃນບົດບາດເປັນປະເທດປະສານງານການພົວພັນອາຊຽນ - ຍີ່ປຸ່ນ (2018 - 2021), ເພື່ອຊຸກຍູ້ການຮ່ວມມືລະຫວ່າງອາຊຽນ ແລະ ຍີ່ປຸ່ນ ໃຫ້ແທດຈິງ, ມີປະສິດທິຜົນ.