ຮອງນາຍົກລັດຖະມົນຕີ,ລັດຖະມົນຕີວ່າການກະຊວງການຕ່າງປະເທດຟ້າມບີ່ງມິງຢ້ຽມຢາມແລະເຮັດວຽກຢູ່ແຂວງອານຢາງ
ທ່ານຮອງນາຍົກລັດຖະມົນຕີ ຟ້າມບີ່ງມິງ ກວດກາຫຼັກໝາຍ 275
(ພາບ: bienphong.com.vn)
(vovworld) - ຕອນບ່າຍວັນທີ 14/4, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດຫວຽດນາມ ຟ້າມບີ່ງມິງ ໄດ້ລົງຢ້ຽມຢາມ ແລະ ເຮັດວຽກກັບການນຳແຂວງ ອານຢາງ. ນະທີ່ນີ້, ທ່ານຮອງນາຍົກລັດຖະມົນຕີ ຟ້າມບີ່ງມິງ ເນັ້ນໜັກວ່າ: ແຂວງ ອານຢາງຄວນກະກຽມໃຫ້ດີເພື່ອຮັບເອົາບັນດາກາລະໂອກາດຈາກການເຊື່ອມຕໍ່ເສດຖະກິດພາກພື້ນໃນສະພາບການ ອາຊຽນ ພວມມຸ່ງໄປເຖິງການສ້າງຕັ້ງປະຊາຄົມ ອາຊຽນ ໃນທ້າຍປີ 2015; ພ້ອມທັງໃສ່ໃຈທ້ອງຖິ່ນຄວນມີການຕີລາຄາຢ່າງລະອຽດ ກ່ຽວກັບປະສິດທິຜົນຂອງບັນດາດ່ານຊາຍແດນກ່ອນທີ່ສະເໜີລັດຖະບານຍົກລະດັບດ່ານຊາຍແດນຫຼັກເປັນດ່ານຊາຍແດນສາກົນ.
ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີ, ລັດຖະມົຕີວ່າການກະຊວງການຕ່າງປະເທດ ຟ້າມບີ່ງມິງ ໄດ້ລົງຢ້ຽມຢາມເຂດແມ່ນ້ຳ ບີ່ງກີ, ຫຼັກໝາຍ 246; ດອນຫຍໍໃນແມ່ນ້ຳ Bassac; ຢ້ຽມຢາມ ແລະ ມອບຂອງຂວັນໃຫ້ປ້ອມປ້ອງກັນຊາຍແດນ ລອງບີ່ງ ແລະ ດ່ານຊາຍແດນສາກົນ ຕິ້ງບຽນ; ກວດຕາທີ່ຕັ້ງຫຼັກໝາຍ 275 ຢູ່ດ່ານຊາຍແດນສາກົນ ຕີ້ງບຽນ. ທ່ານຮອງນາຍົກລັດຖະມົນຕີ ຮຽກຮ້ອງພະນັກງານ, ນັກຮົບປ້ອງກັນຊາຍແດນສືບຕໍ່ເສີມຂະຫຍາຍບົດບາດ, ໜ້າທີ່ຂອງຕົນໃນການຮັກສາ, ກໍ່ສ້າງເຂດຊາຍແດນສະຖຽນລະພາບ, ສ້າງເງື່ອນໄຂໃຫ້ປະຊາຊົນທ້ອງຖິ່ນອຸ່ນອ່ຽງໃຈທຳການຜະລິດ, ພັດທະນາເສດຖະກິດ; ພິເສດແມ່ນສ້າງກຸ່ມກ້ອນສາມັກຄີບັນດາເຜົ່າ, ຮັກສາຄວາມສະຫງົບປອດໄພຢູ່ເຂດຊາຍແດນ ແລະ ປົກປັກຮັກສາເຂດຊາຍແດນແຫ່ງຊາດຢ່າງຄົບຖ້ວນ.