ທ່ານ Hayashi Motoo ແລະ ທ່ານ ຫງວຽນຊວນຟຸກ
(ພາບ: VGP/Lê Sơn)
|
(vovworld) – ຕອນບ່າຍວັນທີ 19/3, ຢູ່ສຳນັກງານລັດຖະບານ, ທ່ານ ຫງວຽນຊວນຟຸກ, ຮອງນາຍົກລັດຖະມົນຕີ ຫວຽດນາມ ໄດ້ໃຫ້ການຕ້ອນຮັບທ່ານ Hayashi Motoo, ລັດຖະມົນຕີວ່າການກະຊວງເສດຖະກິດ,ການຄ້າ ແລະ ອຸດສາຫະກຳ ຍີ່ປຸ່ນ ທີ່ພວມຢ້ຽມຢາມແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານຫງວຽນຊວນຟຸກ ສະເໜີວ່າ: ໃນໄລຍະຈະມາເຖິງ, 2 ປະເທດຈະສຸມໃສ່ແກ້ໄຂບັນດາສ່ິງທີ່ຍັງຄົງຄ້າງ, ຍູ້ແຮງວຽກງານສົ່ງເສີມການຄ້າ ເພື່ອແນໃສ່ເພີ່ມທະວີວົງເງິນສົ່ງອອກຜະລິດຕະພັນກະເສດ, ສິນໃນນຳ້ຂອງ ຫວຽດນາມ ໄປຍັງ ຍີ່ປຸ່ນ, ໜູນຊ່ວຍ ຫວຽດນາມ ພັດທະນາອຸດສາຫະກຳສຳຮອງ, ກໍ່ສ້າງໂຮງງານຜະລິດໄຟຟ້ານິວເຄຼຍຢູ່ແຂວງ ນີງທ້ວນ ແລະ ພັດທະນາແຫຼ່ງຊັບພະຍາກອນມະນຸດ… ທ່ານ Hayashi Motoo, ລັດຖະມົນຕີວ່າການກະຊວງເສດຖະກິດ,ການຄ້າ ແລະ ອຸດສາຫະກຳ ຍີ່ປຸ່ນ ຫວັງວ່າ, 2 ຝ່າຍຈະສືບຕໍ່ເພີ່ມທະວີການພົວພັນແລກປ່ຽນດ້ານເສດຖະກິດ, ການຄ້າ, ພະລັງງານ ນຳກັນ ແລະ ຜັນຂະຫຍາຍການໂອ້ລົມສົນທະນານະໂຍບາຍທີ່ກ່ຽວຂ້ອງເຖິງການຕຳ່ແຜ່ນຕັດຫຍິບ, ແນະນຳເຕັກໂນໂລຢີຮັບປະກັນຄວາມປອດໄພໃຫ້ແກ່ໂຮງງານໄຟຟ້ານິວເຄຼຍ, ພັດທະນາແຫຼ່ງຊັບພະຍາກອນມະນຸດ.