ທີ່ການເຈລະຈາ

ຕອນເຊົ້າວັນທີ 06 ກັນຍາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີງມິງ ໄດ້ເຈລະຈາກັບທ່ານລັດຖະມົນຕີການຕ່າງປະເທດ ຢູແກຼນ Pavlo Klimkin. ທີ່ການເຈລະຈາ, ລັດຖະມົນຕີ 2 ທ່ານໄດ້ປຶກສາຫາລືບັນດາມາດຕະການຢ່າງລະອຽດ ເພື່ອແກ້ໄຂຄວາມຫຍຸ້ງຍາກ, ຍູ້ແຮງການຮ່ວມມືໃນບັນດາຂົງເຂດເສດຖະກິດ - ການຄ້າ, ການສຶກສາ - ບຳລຸງສ້າງ, ແຮງງານ, ວັດທະນະທຳ…ບົນພື້ນຖານເສີມຂະຫຍາຍທ່າແຮງ ແລະ ຕອບສະໜອງຄວາມຕ້ອງການຢູ່ແຕ່ລະປະເທດ. ລັດຖະມົນຕີ 2 ທ່ານເຫັນດີເປັນເອກະພາບນຳກັນວ່າ ຈະສືບຕໍ່ເສີມຂະຫຍາຍມູນເຊືື້ອການຮ່ວມມືຢ່າງມີປະສິດທິຜົນ ລະຫວ່າງ 2 ກະຊວງການຕ່າງປະເທດ ບົນພື້ນຖານບັນດາຂໍ້ຕົກລົງຮ່ວມມືທີ່ໄດ້ລົງນາມ, ສົມທົບກັນຢ່າງແໜ້ນແຟ້ນ, ໜູນຊ່ວຍບັນດາກະຊວງ, ຂະແໜງການ, ທ້ອງຖິ່ນ ເພື່ອຊຸກຍູ້ການຮ່ວມມື 2 ຝ່າຍໃນໄລຍະຈະມາເຖິງ. ລັດຖະມົນຕີ 2 ທ່ານກໍ່ແລກປ່ຽນບາງບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ.

        ສິ້ນສຸດການເຈລະຈາ, 2 ຝ່າຍໄດ້ອອກແຈ້ງການກ່ຽວກັບໝາກຜົນການມາຢ້ຽມຢາມ ສສ ຫວຽດນາມ ຢ່າງເປັນທາງການ ຂອງທ່ານລັດຖະມົນຕີການຕ່າງປະເທດ ຢູແກຼນ Pavlo Klimkin.