(ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ)

ຕອນເຊົ້າວັນທີ 08 ພຶດສະພາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ໂອ້ລົມທາງໂທລະສັບກັບທ່ານລັດຖະມົນຕີການຕ່າງປະເທດສ.ກູບາ Bruno Rodriguez Parrilla ເພື່ອແລກປ່ຽນກ່ຽວກັບການຮ່ວມມືລະຫວ່າງ 2 ປະເທດໃນສະພາບໂລກລະບາດໂຄວິດ-19.

        ທີ່ການໂອ້ລົມ, 2 ຝ່າຍໄດ້ຕີລາຄາສູງກ່ຽວກັບຄວາມສາມັກຄີ ແລະ ການໜູນຊ່ວຍເຊິ່ງ 2 ປະເທດໄດ້ສະຫງວນໃຫ້ແກ່ກັນ ເພື່ອແນໃສ່ຮັບມືກັບໂລກລະບາດໃນໄລຍະຜ່ານມາ; ແບ່ງປັນບົດຮຽນກ່ຽວກັບສະພາບການ ແລະ ປະສົບການໃນການສະກັດກັ້ນ, ຄວບຄຸມໂລກລະບາດໂຄວິດ-19, ກໍ່ຄືທິດທາງນະໂຍບາຍຟື້ນຟູເສດຖະກິດ…

         ລັດຖະມົນຕີທັງ 2 ທ່ານໄດ້ຢືນຢັນຄວາມຕັດສິນໃຈຮັດແໜ້ນການພົວພັນທີ່ເປັນມູນເຊື້ອແບບພິເສດລະຫວ່າງ 2 ປະເທດ, ຜັນຂະຫຍາຍຢ່າງຮອບດ້ານ ແລະ ມີປະສິດທິຜົນໂຄງການດຳເນີນງານກ່ຽວກັບການຮ່ວມມື 2 ຝ່າຍໃນປີ 2020; ເຫັນດີສືບຕໍ່ຮ່ວມມື, ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ…