(vovworld) - ຕອນບ່າຍວັນທີ 18/9, ພົນຕີ Tran Quang Khe ຮອງຫົວຫນ້າກົມໃຫຍ່ເສນາທິການກອງທັບປະຊາຊົນ ຫວຽດນາມ ໄດ້ໃຫ້ການຕ້ອນຮັບພົນເອກ At Sa Rat ຮອງຫົວຫນ້າຜູ້ບັນຊາການກອງທັບ ທັງເປັນຫົວຫນ້າກົມອົບຮົມ ກອງທັບກຳປູເຈຍ ພວມຢູ່ຢ້ຽມຢາມ ແລະ ເຮັດວຽກ ຢູ່ ຫວຽດນາມ. ທີ່ການຕ້ອນຮັບ, ສອງຝ່າຍໄດ້ຕີລາຄາສູງການປະສານສົມທົບຢ່າງມີປະສິດທິຜົນຂອງກົມໂຮງຮຽນ, ກອງເສນາທິການໃຫຍ່, ກອງປະທັບປະຊາຊົນ ຫວຽດນາມ ແລະ ກົມອົບຮົມ ກອງທັບກຳປູເຈຍ. ໃນປີ 2012, ວຽກງານບຳລຸງສ້າງ, ອົບຮົມພະນັກງານ, ຊ່ວຍເຫລືອດ້ານພາຫະນະອຸປະກອນ, ເຕັກນິກຂອງກອງທັບປະຊາຊົນ ຫວຽດນາມ ໃຫ້ແກ່ບັນດາໂຮງຮຽນໃນກອງທັບກຳປູເຈຍ ແມ່ນແທດຈິງ ແລະ ມີຄຸນນະພາບ. ໃນໄລຍະຈະມາເຖິງ, ບັນດາອົງການກ່ຽວຂ້ອງຂອງກອງທັບສອງປະເທດ ຈະຈັດຕັ້ງກອງປະຊຸມຖອດຖອນບົດຮຽນໃນວຽກງານບຳລຸງສ້າງພະນັກງານ. ກອງເສນາທິການໃຫຍ່ກອງທັບປະຊາຊົນ ຫວຽດນາມ ຈະສືບຕໍ່ສ້າງເງື່ອນໄຂຫນູນຊ່ວຍ, ຊ່ວຍເຫລືອໃນບັນດາຂົງເຂດວຽກງານການທະຫານໃຫ້ແກ່ກອງທັບກຳປູເຈຍ.