(ພາບປະກອບ)
(vovworld) - ດ້ວຍທີ່ຕັ້ງເປັນສູນກາງການທ່ອງທ່ຽວໃຫຍ່ຂອງທົ່ວປະເທດ ແລະ ພາກພື້ນ, ຮ່າໂນ້ຍ ຍາມໃດກໍ່ແມ່ນຈຸດມັດພົບທີ່ດູດດື່ມ ເພື່ອໃຫ້ແຂກທ່ອງທ່ຽວເລືອກເຟັ້ນ. ຕາມພະແນກການທ່ອງທ່ຽວ ຮ່າໂນ້ຍ, ໃນ 6 ເດືອນຕົ້ນປີ 2016, ຂະແໜງການທ່ອງທ່ຽວ ຮ່າໂນ້ຍ ຕ້ອນຮັບແຂກທ່ອງທ່ຽວໄດ້ກ່ວາ 11 ລ້ານເທື່ອຄົນ, ໃນນັ້ນ ແຂກທ່ອງທ່ຽວສາກົນມີກ່ວາ 2 ລ້ານເທື່ອຄົນ ແຂກທ່ອງທ່ຽວທີ່ມາຈາກ 192 ປະເທດ ແລະ ເຂດແຄ້ວນ, ໃນນັ້ນ ບັນດາຕະຫລາດແຂກທ່ອງທ່ຽວສາກົນຈຸດສຸມຂອງ ຮ່າໂນ້ຍ ແມ່ນ: ຈີນ, ສ.ເກົາຫຼີ, ຍີ່ປຸ່ນ, ອັງກິດ, ອົດສະຕາລີ, ອາເມລິກາ, ຝະລັ່ງ, ເຢຍລະມັນ, ມາເລເຊຍ…ປະມານ 80% ຈຳນວນແຂກທ່ອງທ່ຽວສາກົນມາ ຮ່າໂນ້ຍ ດ້ວຍຈຸດໝາຍໄປທ່ຽວ, ພັກຜ່ອນບຳລຸງສຸຂະພາບ. ນັບແຕ່ປະຈຸບັນມາຮອດປີ 2020 ແລະ ຊຸມປີຕໍ່ໄປ, ຮ່າໂນ້ຍ ກຳນົດ: ສ້າງບາດກ້າວບຸກທະລຸພັດທະນາການທ່ອງທ່ຽວຂອງ ຮ່າໂນ້ຍ ຢ່າງຮອບດ້ານ ທັງກ່ຽວກັບຂອບຂະໜາດ ແລະ ຄຸນນະພາບການບໍລິການ, ຮັບປະກັນລັກສະນະໝັ້ນຄົງເຂັ້ມແຂງ, ນຳການທ່ອງທ່ຽວ ຮ່າໂນ້ຍ ກາຍເປັນຂະແໜງເສດຖະກິດປາຍແຫຼມ, ມີລະດັບເຕີບໂຕສູງ. ພິເສດ ຮອດປີ 2020, ຮ່າໂນ້ຍ ສູ້ຊົນຕ້ອນຮັບແຂກທ່ອງທ່ຽວ 30 ລ້ານເທື່ອຄົນ, ລະດັບການເຕີບໂຕສະເລ່ຍແຕ່ 8% - 10%; ໃນນັ້ນ ແຂກທ່ອງທ່ຽວສາກົນແມ່ນ 5,7 ລ້ານເທື່ອຄົນ ເພີ່ມຂຶ້ນ12% / ປີ.