ພາບປະກອບ:giaoduc.edu.vn
|
(vovworld)- ຍາມໃດ ພັກ ແລະ ລັດຫວຽດນາມກໍຖືການເບິ່ງແຍງດູແລເພື່ອໃຫ້ປະຊາຊົນທຸກຄົນ, ພິເສດແມ່ນຄອບຄົວໃນເປົ້າໝາຍນະໂຍບາຍ, ຜູ້ມີຄຸນງາມຄວາມດີ, ຜູ້ທຸກຍາກ ໄດ້ຕ້ອນຮັບບຸນປີໃຫມ່ປະຈຳຊາດຢ່າງອົບອຸ່ນແມ່ນການໃຫ້ບຸລິມະສິດຕົ້ນຕໍ. ນັ້ນແມ່ນ ຄຳຢືນຢັນຂອງທ່ານ ຟ້າມທິຫາຍຈ່ວຽນ, ລັດຖະມົນຕີວ່າການກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ໃນການຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ ເນື່ອງໃນໂອກາດປີໃຫມ່ ປີມະແມ 2015. ທ່ານນາງ ຟ້າມທິຫາຍຈ່ວຽນ ໃຫ້ຮູ້ວ່າ: ສູນກາງ, ປະທານປະເທດ ໄດ້ມີຂໍ້ຕົກລົງມອບຂອງຂວັນໃຫ້ແກ່ຜູ້ມີຄຸນງາມຄວາມດີ ດ້ວຍຂອງຂວັນແຕ່ລະພູດລວມມູນຄ່າ ແຕ່ 200.000-400.000 ດົ່ງ. ກ່ຽວກັບການຫນູນຊ່ວຍເຂົ້າສານ ແລະ ເຄື່ອງຂອງອື່ນທີ່ຈຳເປັນໃຫ້ແກ່ 560.000 ຄອບຄົວຢູ່ບັນດາທ້ອງຖິ່ນ, ທ່ານນາງ ຟ້າມທິຫາຍຈ່ວຽນ, ລັດຖະມົນຕີວ່າການກະຊວງແຮງງານ, ທະຫານເສຍອົງຄະ ແລະສັງຄົມ ໃຫ້ຮູ້ວ່າ:
“ມາຮອດຈຸດເວລານີ້, ມີ 12 ແຂວງ ໄດ້ສະເຫນີ ດ້ວຍປະລິມານເຂົ້າສານແມ່ນ 10.000 ໂຕນ ແລະ ພວກຂ້າພະເຈົ້າໄດ້ຍື່ນສະເຫນີຕໍ່ນາຍົກລັດຖະມົນຕີ ແລະ ໃນວາລະປະຊຸມຂອງລັດຖະບານຫວ່າງແລ້ວນີ້, ນາຍົກລັດຖະມົນຕີ ໄດ້ຕົກລົງເຫັນດີໃຫ້ບັນດາທ້ອງຖິ່ນຜັນຂະຫຍາຍປະຕິບັດ.”
ເນື່ອງໃນໂອກາດບຸນປີໃໝ່ປະຈຳຊາດ ປີມະແມ 2015, ຕອນເຊົ້າວັນທີ 04/02, ຢູ່ນະຄອນໂຮ່ຈິມິນ, ຜູ້ຕາງໜ້າຊາວໜຸ່ມຕະລຸມບອນນະຄອນໂຮ່ຈິມິນ ໄດ້ຈັດຕັ້ງການໄປຢ້ຽມຢາມ ແລະ ມອບຂອງຂວັນໃຫ້ 10 ຄອບຄົວທະຫານເສຍອົງຄະ, ນັກຮົບທີ່ເສຍສະຫຼະຊີວິດເພື່ອຊາດ… ຢູ່ແຂວງຈ່າວິງ, ການນຳແຂວງໄດ້ແຕ່ງຕັ້ງບັນດາຄະນະຜູ້ແທນໄປຢ້ຽມຢາມ ແລະ ມອບຂອງຂວັນປີໃໝ່ໃຫ້ເປົ້າໝາຍເກືອບ 28.000 ຄົນ ເຊິ່ງແມ່ນແມ່ຫວຽດນາມ ວິລະຊົນ, ພະນັກງານນັກປະຕິວັດອະວຸໂສ, ຍາດຕິພີນ້ອງບັນດາຄອບຄົວນັກຮົບເສຍສະຫຼະຊີວິດເພື່ອຊາດ… ໃນບໍລິເວນແຂວງ.
ເນື່ອງໃນໂອກາດນີ້, ຄະນະຂົນຂວາຍ “ວັນເພື່ອຄົນທຸກຍາກ” ແຂວງອຽນບ໋າຍ ໄດ້ມອບຂອງຂວັນປີໃໝ່ເກືອບ 3.000 ພຸດ ໃຫ້ຄົນທຸກຍາກໃນບໍລິເວນແຂວງ. ແລະມີຂອງຂວັນກວ່າ 6.000 ພຸດຂອງພັກ, ລັດ ໂດຍຂະແໜງແຮງງານ, ທະຫານເສຍອົງຄະ ແລະ ສັງຄົມ ມອບໃຫ້ບັນດາຄອບຄົວນະໂຍບາຍເນື່ອງໃນໂອກາດນີ້.
ສ່ວນຄະນະຊີ້ນຳເຂດທາງທິດຕາເວັນຕົກສຽງເໜືອຂອງຫວຽດນາມ ກໍ່ໄດ້ມອບຂອງຂວັນ 200 ພຸດ ທີ່ມີມູນຄ່າ 100 ລ້ານດົງ ໃຫ້ບັນດາເປົ້າໝາຍນະໂຍບາຍ ແລະ ຄອບຄົວທຸກຍາກຢູ່ 2 ເມືອງ ລູກອຽນ ແລະ ອຽນບິ່ງ. ໃນຄັ້ງນີ້, ນັບຮ້ອຍອົງການຈັດຕັ້ງ, ສ່ວນບຸກຄົນກໍ່ໄດ້ມອບຂອງຂວັນໃຫ້ຄົນທຸກຍາກ ແລະ ເປົ້າໝາຍຂອງແຂວງອຽນບ໋າຍ ອີກດ້ວຍ. ເອື້ອຍ ເຮີທິດູ, ບ້ານ ເກັງ, ຕາແສງບ້ານ ໝູ່, ຈາມເຕົ໋າ ໃຫ້ຮູ້ວ່າ.
“ພໍ່ແມ່ປະຊາຊົນໃນບ້ານ, ໃຜໆກໍ່ເບີດບານໃຈ ຍ້ອນໄດ້ຮັບຂອງຂວັນປີໃໝ່, ທັງໄດ້ຮັບຢຸກຢາຈາກພະນັກງານ, ທັງແນະນຳໃຫ້ພໍ່ແມ່ປະຊາຊົນຫຼາຍຢ່າງອີກ. ປີໃໝ່ປີນີ້, ປະຊາຊົນໃນບ້ານໃຜໆກໍ່ອິມໜຳສຳລານ”