ເກາະ ເຈີນຢູ່ແຂວງກວາງນິງ |
(vovworld)- ເສົາທຸງຊາດຫວຽດນາມໄດ້ຮັບການກໍ່ສ້າງຢູ່ພື້ນທີ່ສູງກວ່າໝູ່ຢູ່ເກາະ ເຈີນ ດ້ວຍລວງສູງ 22,6 ແມັດ, ເສົາ ແລະ ຕີນເສົາທຸງຊາດ ຖືກກໍ່ສ້າງດ້ວຍເບຕົງແບບຖາວອນ ໂດຍມຸ່ງໜ້າສູ່ທະເລ. ກິດຈະກຳໄດ້ເລີ່ມລົງມືກໍ່ສ້າງແຕ່ວັນທີ 31/3 ໂດຍບໍລິສັດລົງທຶນກໍ່ສ້າງ ແລະ ການຄ້າ ສັງກັດບໍລິສັດໃຫຍ່ ດົງບັກ ດຳເນີນການກໍ່ສ້າງ ດ້ວຍຄ່າໃຊ້ຈ່າຍໃນການກໍ່ສ້າງແມ່ນເກືອບ 2 ຕື້ດົງ. ທີ່ພິທີ ເປີດສະຫຼອງເສົາທຸງຊາດຫວຽດນາມຢູ່ເກາະ ເຈີນເມື່ອວັນທີ 22/8, ທ່ານຫງວຽນລອງຫາຍ ເລຂາສູນກາງຊາວໜຸ່ມ, ປະທານສະພາກອງເຍົາວະຊົນສູນກາງໃຫ້ຮູ້ວ່າ :
“ກິດຈະກຳແມ່ນຂອງໄວໜຸ່ມ, ແຕ່ຍິ່ງກວ່ານີ້ ມັນເປັນສັນຍາລັກສະແດງໃຫ້ເຫັນຄວາມຮັກປະເທດຊາດຂອງໄວໜຸ່ມ, ຊາວໜຸ່ມ ແລະ ນັກສຶກສາຫວຽດນາມ. ຜ່ານນີ້, ພວກຂ້າພະເຈົ້າຢາກສຶກສາອົບຮົມ ແລະ ປຸກລຸກນ້ຳໃຈຮັກຊາດ ແລະ ສະຕິຄວາມຮັບຮູ້ກ່ຽວກັບອະທິປະໄຕເຂດໝູ່ເກາະທະເລໃຫ້ ຊາວໜຸ່ມ ແລະ ນັກສຶກສາຫວຽດນາມ”