ເປີດສຳນັກງານສະມາຄົມໃຫຍ່ຊາວຫວຽດນາມອາໄສຢູ່ລາວ
ພິທີຕັດແຖບຜ້າ
(vovworld) – ຕອນເຊົ້າວັນທີ 17/6, ຢູ່ວຽງຈັນ, ສະມາຄົມໃຫຍ່ຊາວ ຫວຽດນາມ ອາໄສຢູ່ລາວ ໄດ້ຈັດຕັ້ງພິທີເປີດສຳນັກງານສະມາຄົມໃຫຍ່ແຫ່ງທຳອິດຢູ່ລາວ. ກ່າວຄຳເຫັນທີ່ພິທີ, ທ່ານ ຫງວຽນຢູຍຈູງ, ຜູ້ຮັກສາການຫົວໜ້າສະມາຄົມໃຫຍ່ ໃຫ້ຮູ້ວ່າ: ເລື່ອງເປີດສຳນັກງານຂອງສະມາຄົມໃຫຍ່ແມ່ນເຫດການສຳຄັນສຳລັບພໍ່ແມ່ຊາວ ຫວຽດນາມ ພາຍຫຼັງພໍ່ແມ່ປະຊາຊົນ ຫວຽດນາມ ຫຼາຍລຸ້ນຄົນກໍ່ຮ່າງສ້າງຕົວຢູ່ລາວ, ສະແດງຄວາມສາມັກຄີ, ສະໜິດຕິດພັນກັນຂອງສະມາຄົມ, ສາມັກຄີເປັນຈິດໜຶ່ງໃຈດຽວກັບປະຊາຊົນປະເທດປະຈຳຖີ່ນ, ສ້າງສາປະເທດ ລາວ ໃຫ້ນັບມື້ນັບຮັ່ງມີ, ສວຍງາມ, ປັບປຸງ ແລະ ເພີ່ມພຸນຄຸນສ້າງນ້ຳໃຈມິດຕະພາບ, ສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງປະຊາຊົນ ຫວຽດນາມ ແລະ ລາວ ຢ່າງບໍ່ຢຸດຢັ້ງ. ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນແມ້ງຮູ່ງ ອວຍພອນໃຫ້ສະມາຄົມໃຫຍ່ມີການເຄື່ອນໄຫວອຸດົມສົມບູບ, ຕັ້ງໜ້າໃນການຕອບສະໜອງບັນດາຂະບວນການເຊິ່ງ 2 ລັດ ປຸກລະດົມ, ສະມັກຄີ, ສະໜິດຕິດພັນລະຫວ່າງ 11 ສະມາຄົມໃນທົ່ວປະເທດ, ສ້າງເປັນກຸ່ມກ້ອນໝັ້ນຄົງ ເຂັ້ມແຂງ, ເພີ່ມທະວີຄວາມສາມັກຄີ, ເຄົາລົບກົດໝາຍຂອງປະເທດ ລາວ, ປະກອບສ່ວນເພີ່ມພຸນຄຸນສ້າງສາຍພົວພັນແບບພິເສດ ຫວຽດນາມ - ລາວ ໃຫ້ນັບມື້ນັບໝັ້ນຄົງເຂັ້ມແຂງ.