ຮອງສາດສະດາຈານ, ດຣ, ເອກອັກຄະລັດຖະທູດ ຫງວຽນຮົ່ງທາວ
(ພາບ: Kim Dung-Chí Giáp/Vietnam+)
|
(vovworld) – ເປັນຄັ້ງທຳອິດ ຫວຽດນາມ ມີຜູ້ສະໝັກເລືອກຕັ້ງແຂ່ງຂັນເຂົ້າໜຶ່ງໃນຈຳນວນ 7 ຕຳແໜ່ງສະມາຊິກຂອງກຳມາທິການກົດໝາຍສາກົນ ທີ່ໄດ້ຈັດແບ່ງໃຫ້ພາກພື້ນ ອາຊີ - ປາຊີຟິກ. ນີ້ກໍ່ແມ່ນເວທີປາໄສນິຕິທຳສາກົນມີອິດທິພົນຊື່ສຽງ, ອົງການຮຽບຮຽງບັນດາສົນທິສັນຍາສາກົນສຳຄັນ, ໃນນັ້ນມີບັນດາສົນທິສັນຍາກ່ຽວກັບກົດໝາຍວ່າດ້ວຍທະເລປີ 1958. ຄຽງຄູ່ກັນນັ້ນ, ກຳມາທິການກົດໝາຍສາກົນ ຍັງດຳເນີນການຄົ້ນຄ້ວາກ່ຽວກັບບັນດາບັນຫາໃຫຍ່ຂອງກົດໝາຍສາກົນ - ກົດໝາຍກ່ຽວກັບການພົວພັນລະຫວ່າງປະເທດຕ່າງໆ.
ເດືອນ 2/2016, ການເຄື່ອນໄຫວຂົນຂວາຍໃຫ້ແກ່ຮອງສາດສະດາຈານ, ດຣ, ເອກອັກຄະລັດຖະທູດ ຫງວຽນຮົ່ງທາວ ສະໝັກເລືອກຕັ້ງເຂົ້າອົງການດັ່ງກ່າວໄດ້ເລີ່ມເຄື່ອນໄຫວພາຍຫຼັງຄະນະປະຕິບັດງານ ຫວຽດນາມ ປະຈຳ ສປຊ, ອົງການການຄ້າໂລກ ແລະ ບັນດາອົງການສາກົນອື່ນໆຢູ່ ເຊີແນວ ຝາກຈົດໝາຍທາງການແນະນຳເຖິງຄະນະປະຕິບັດງານປະເທດຕ່າງໆ. ຄາດວ່າ, ການເລືອກຕັ້ງຈະດຳເນີນໄປໃນກອງປະຊຸມຂອງສະມັດຊາໃຫຍ່ ສປຊ ໃນທ້າຍປີ 2016.