ເພີ່ມທະວີການກໍ່ສ້າງວິຊາຊີບໃນຍຸດທະສາດພັດທະນາຊາວໜຸ່ມຫວຽດນາມ
(ທ່ານ ຫວູດັງມິງ ຫົວໜ້າກົມວຽກ
ງານຊາວໜຸ່ມ ກະຊວງພາຍໃນ)
(vovworld) – ຕອນເຊົ້າວັນທີ 15/12, ຢູ່ຮ່າໂນ້ຍ ກະຊວງພາຍໃນໄດ້ຈັດຕັ້ງກອງປະຊຸມສະຫລຸບ 5 ປີແຫ່ງການປະຕິບັດມະຕິເລກທີ 45 ຂອງລັດຖະບານ ແລະ ສະຫລຸບໄລຍະທີ 1 ຂອງຍຸດທະສາດພັດທະນາຊາວໜຸ່ມ ຫວຽດນາມ ໄລຍະປີ 2011 – 2020. 5 ປີແຫ່ງການປະຕິບັດມະຕິເລກທີ 45 ກ່ຽວກັບ ການເພີ່ມທະວີການຊີ້ນຳນຳພາຂອງພັກ ສຳລັບວຽກງານຊາວໜຸ່ມໃນສະໄໝຍູ້ແຮງການຫັນເປັນປະເທດອຸດສາຫະກຳ ແລະ ທັນສະໄໝໄດ້ສ້າງການຫັນປ່ຽນຢ່າງຕັ້ງໜ້າ ໃນຄວາມຮັບຮູ້ໃຫ້ອຳນາດການປົກຄອງທຸກຂັ້ນ ສຳລັບຊາວໜຸ່ມ ແລະ ວຽກງານຊາວໜຸ່ມ. ອັດຕາສ່ວນຊາວໜຸ່ມໄດ້ຜ່ານການກໍ່ສ້າງວິຊາຊີບ ບັນລຸກ່ວາ 40%. ທ່ານ ຫວູດັງມິງ ຫົວໜ້າກົມວຽກງານຊາວໜຸ່ມ ກະຊວງພາຍໃນ ຖືວ່າ: ຄວນເພີ່ມທະວີການກໍ່ສ້າງວິຊາຊີບໃຫ້ຊາວໜຸ່ມເພື່ອໃຫ້ ເຂົາເຈົ້າສາມາດປະກອບສ່ວນເຂົ້າໃນພາລະກິດສ້າງສາປະເທດຊາດ.
“ ເພື່ອແກ້ໄຂວຽກເຮັດງານທຳໃຫ້ຊາວໜຸ່ມ ກ່ອນອື່ນໝົດຕ້ອງຮັບປະກັນດ້ານເສດຖະກິດ - ສັງຄົມ, ສ້າງວຽກເຮັດງານທຳໃຫ້ແກ່ຊາວໜຸ່ມ. ໃນວິວັດການປະຕິບັດ ບັນດາກະຊວງ, ຂະແໜງການ, ທ້ອງຖິ່ນ ຄວນຊີ້ນຳຢ່າງໃກ້ສິດ ໃນນັ້ນ ສຸມໃສ່ການສອນວິຊາຊີບ ແລະ ແກ້ໄຂວຽກເຮັດງານທຳໃຫ້ແກ່ຊາວໜຸ່ມ. ພິເສດແມ່ນຊາວໜຸ່ມຊົນນະບົດ, ເຂດອຸດສາຫະກຳປຸງແຕ່ງສົ່ງອອກ, ເຂດເຕັກໂນໂລຢີສູງ”.