(ພາບປະກອບ)
(vovworld) - ວັນທີ 17/8, ກະຊວງພາຍໃນກູບາ, ຈັດຕັ້ງງານໂຮມຊຸມນຸມສະເຫຼີມສະຫຼອງ 70 ປີ ແຫ່ງວັນມູນເຊື້ອຕຳຫຼວດປະຊາຊົນຫວຽດນາມ (19/8/1945-19/8/2015) ແລະ 10 ປີແຫ່ງວັນບຸນທົ່ວປວງຊົນປົກປັກຮັກສາຄວາມສະຫງົບປອດໄພແຫ່ງຊາດ. ກ່າວຄວາມເຫັນທີ່ພິທີ, ທ່ານເອກອັກຄະລັດຖະທູດຫວຽດນາມ ປະຈຳກູບາ ເຢືອງມິງ ໄດ້ຕີລາຄາສູງການພົວພັນມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານຫວຽດນາມ - ກູບາ, ໃນນັ້ນມີການຮ່ວມມືຢ່າງແໜ້ນແຟ້ນ ແລະ ມີປະສິດທິຜົນລະຫວ່າງກຳລັງຕຳຫຼວດສອງປະເທດ. ທ່ານເອກອັກຄະລັດຖະທູດສະແດງຄວາມເຊື່ອໝັ້ນວ່າ, ດ້ວຍຄວາມຕັດສິນໃຈ ແລະ ຄວາມມານະພະຍາຍາມຂອງສອງພັກ, ສອງລັດຖະບານ, ການພົວພັນແບບພິເສດນີ້ຈະມີບາດກ້າວພັດທະນາໃໝ່ ເພື່ອຜົນປະໂຫຍດ ແລະ ຄວາມຜາສຸກຂອງປະຊາຊົນສອງປະເທດ. ສ່ວນທ່ານ ລັດຖະມົນຕີກະຊວງພາຍໃນກູບາ Jose Luis Mesa Delgado, ກໍ່ຢືນຢັນເຖິງການສະໜັບສະໜູນ, ຄວາມສາມັກຄີຂອງພັກ, ລັດ ແລະ ປະຊາຊົນກູບາ ກໍ່ຄື ຂອງກະຊວງພາຍໃນກູບາ ທີ່ມີຕໍ່ພາລະກິດຕໍ່ສູ້ອັນເປັນທຳຂອງປະຊາຊົນຫວຽດນາມ. ພ້ອມທັງສະແດງຄວາມເຊື່ອໝັ້ນວ່າການພົວພັນສາມັກຄີມິດຕະພາບລະຫວ່າງສອງປະເທດ, ໃນນັ້ນມີກະຊວງພາຍໃນກູບາ ແລະ ກະຊວງຕຳຫຼວດຫວຽດນາມ ຈະໄດ້ຮັບການປັບປຸງ ແລະ ພັດທະນາຢ່າງບໍ່ຢຸດຢັ້ງ.