(vovworld) - ຕອນເຊົ້າວັນທີ 25/06, ກອງປະຊຸມໂດຍກົງຜ່ານເຄື່ອຂ່ານອີນເຕີແນດ ສະພາມະຫາວິທະຍາໄລວິທະຍາສາດ ແລະ ເຕັກໂນໂລຊີຮ່າໂນ້ຍ (USTH) ລະຫວ່າງສະຖານທີປາຣີ - ຮ່າໂນ້ຍ - ຈ່າວິງ, ພາຍໃຕ້ການເປັນປະທານຂອງ ສາດສະດາຈານ ຟ້າມຫວູລ້ວນ, ລັດຖະມົນຕີກະຊວງສຶກສາ ແລະ ບຳລຸງສ້າງຫວຽດນາມ, ປະທານສະພາ USTH, ໄດ້ດຳເນີນຢູ່ສຳນັກງານກະຊວງການຕ່າງປະເທດຝລ່ັງ ຢູ່ນະຄອນຫຼວງປາຣີ. ທີ່ກອງປະຊຸມ, ບັນດາສະມາຊິກສະພາໂຮງຮຽນຝ່າຍຝລັ່ງ ແລະ ຫວຽດນາມ ໄດ້ປຶກສາຫາລື ແລະ ຮັບຮອງເອົາວິຊາການສຶກສາ, ຍຸດທະສາດໄລຍະຍາວດ້ານການເງິນຂອງໂຮງຮຽນ ກໍ່ຄືສືບຕໍ່ສ້າງ ແລະ ປັບປຸງກົນຈັກຄຸ້ມຄອງຂອງໂຮງຮຽນ, ພິເສດແມ່ນປຶກສາຫາລືບັນດາມາດຕະການ ເພື່ອແນໃສ່ເພີ່ມທະວີປະສິດທິຜົນການບໍລິຫານງານ...
ເຂົ້າຮ່ວມກອງປະຊຸມ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ຢືນຢັນວ່າ USTH ແມ່ນໂຄງການສຳຄັນໃນການພົວພັນຮ່ວມມືລະຫວ່າງຫວຽດນາມ - ຝລັ່ງ ໃນສະຕິວັດທີ 21. ທ່ານນາງ Genevieve Fioraso, ລັດຖະມົນຕີກະຊວງສຶກສາມະຫາວິທະຍາໄລ ແລະ ຄົ້ນຄ້ວາຝລັ່ງ ໃຫ້ຮູ້ວ່າ ຕາມຂໍ້ຕົກລົງຮ່ວມມືທີ່ບັນລຸໄດ້ໃນວັນທີ 28/12/2012 ລະຫວ່າງ 2 ລັດຖະບານ, ຝລັ່ງ ໃຫ້ຄຳໝັ້ນສັນຍາວ່າ ໃນຮອບເວລາ 10 ປີຈະຍາດໄດ້ 100 ລ້ານ ເອໂລ ໃຫ້ແກ່ການກໍ່ສ້າງ ແລະ ພັດທະນາ USTH, ດ້ວຍຈຸດໝາຍຈະຕອນຮັບນັກສຶກສາຫວຽດນາມ 3.000 ຄົນ ນັບແຕ່ປີ 2013 ຮອດປີ 2020 ແລະ ຮັບນັກສຶກສາ 6.000 ຄົນຮອດປີ 2026.