ກົມຮ່ວມມືສາກົນ ເຮັດວຽກກັບ UNDP
ພາບ: internet
|
(vovworld)- ວັນທີ 20/8, ຢູ່ ຮ່າໂນ້ຍ, ກົມຮ່ວມມືສາກົນ ສັງກັດກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ໄດ້ເຮັດວຽກກັບຜູ້ອຳນວຍການອົງການພັດທະນາສປຊ ປະຈຳ ຫວຽດນາມ (UNDP). ນີ້ແມ່ນການປະຊຸມປະຈຳປີ ເພື່ອກວດກາສະພາບການ ແລະ ຊຸກຍູ້ການຮ່ວມມືລະຫວ່າງກະຊວງດັ່ງກ່າວກັບ UNDP. ຕາມທ່ານ ເຈີນຮົ່ງຮ່າ, ຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມແລ້ວ, ກະຊວງຊັບພະຍາກອນ ແລະ ສິ່ງແວດລ້ອມ ພວມດຳເນີນການສ້າງບັນດາໂຄງການລະຫວ່າງຂົງເຂດ. ພິເສດໃນໄລຍະຈະມາເຖິງ, ຫວຽດນາມ ຈະພັດທະນາຕາມຮູບແບບເສດຖະກິດຂຽວ. ສະນັ້ນ ທ່ານຮອງລັດຖະມົນຕີ ສະເຫນີ UNDP ສືບຕໍ່ຫນູນຊ່ວຍກະຊວງຊັບພະຍາກອນ ແລະ ສິ່ງແວດລ້ອມ ປະຕິບັດບັນດາໂຄງການບຸລິມະສິດຕາມຂົງເຂດດັ່ງກ່າວ. ທ່ານນາງ Louise Chamberlain, ຜູ້ອຳນວຍການໂຄງການພັດທະນາ ສປຊ ປະຈຳຫວຽດນາມ ຖືວ່າ: ໃນອະນາຄົດ, ຄຽງຄູ່ການເພີ່ມບັນດາໂຄງການພວມກໍ່ສ້າງແລ້ວ, UNDP ຈະເອົາໃຈໃສ່ເຖິງບັນດາໂຄງການໃຫມ່ໃນບັນດາຂົງເຂດຄື: ການປ່ຽນແປງຂອງດິນຟ້າອາກາດ ແລະ ອະນຸລັກຮັກສາຊີວະນາໆພັນ.