.jpg)
ເວທີປາໄສວິສາຫະກິດ ກະສິກຳ ຫວຽດນາມ - ຍີ່ປຸ່ນ
|
(vovworld)- ຕອນບ່າຍວັນທີ 27/9 ຢູ່ ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ສົມທົບກັບກະຊວງກະສິກຳ ປ່າໄມ້ ການປະມົງ ຍີ່ປຸ່ນ ໄດ້ຈັດຕັ້ງ “ເວທີປາໄສວິສາຫະກິດ ກະສິກຳ ຫວຽດນາມ - ຍີ່ປຸ່ນ”, ເພື່ອແນໃສ່ແລກປ່ຽນຂໍ້ມູນຂ່າວສານ, ແບ່ງປັນບົດຮຽນກ່ຽວກັບກາລະໂອກາດການລົງທຶນ, ຮ່ວມທຸລະກິດ ຮ່ວມສຳພັນ ລະຫວ່າງວິສາຫະກິດສອງປະເທດໃນຂົງເຂດກະສິກຳ. ບັນດາຜູ້ແທນເຂົ້າຮ່ວມເວທີປາໄສໄດ້ສັງເກດວ່າ: ການລົງທຶນໃນຂົງເຂດກະສິກຳຍັງປະສົບກັບຄວາມຫຍຸ້ງຍາກຫລາຍຢ່າງເມື່ອທຽບໃສ່ຂະແຫນງອື່ນ ແລະ ປະສິດທິຜົນການລົງທຶນ, ມູນຄ່າເພີ່ມຂອງກະສິກຳບັນລຸລະດັບບໍ່ສູງເມື່ອທຽບໃສ່ກັບການລົງທຶນໃນຂົງເຂດອຸດສາຫະກຳ, ສະນັ້ນ ການສົ່ງເສີມ ແລະ ສ້າງເງື່ອນໄຂສະດວກເພື່ອໃຫ້ບັນດາວິສາຫະກິດພາກເອກະຊົນເຂົ້າຮ່ວມການລົງທຶນໂດຍກົງ, ການຮ່ວມທຸລະກິດ, ຮ່ວມສຳພັນມີຄວາມໝາຍສຳຄັນຍິ່ງ. ວິສາຫະກິດຍີ່ປຸ່ນ ສະແດງຄວາມປາດຖະຫນາຢາກຫວຽດນາມ ສືບຕໍ່ປັບປຸງສະພາບແວດລ້ອມແຫ່ງການລົງທຶນ, ປະຕິຮູບລະບຽບການບໍລິຫານສ້າງເງື່ອນໄຂສະດວກເພື່ອຊຸກຍູ້ການຮ່ວມທຸລະກິດຮ່ວມສຳພັນລະຫວ່າງວິສາຫະກິດສອງປະເທດ ແລະ ການຮ່ວມມືລະຫວ່າງ ຍີ່ປຸ່ນ ແລະ ຫວຽດນາມ, ປະກອບສ່ວນປະຕິບັດ “ວິໄສທັດການຮ່ວມມືດ້ານກະສິກຳ ຫວຽດນາມ - ຍີ່ປຸ່ນ ໄລຍະກາງ ແລະ ໄລຍະຍາວ” ສຳເລັດຜົນ.