ທ່ານປະທານປະເທດເຈືອງເຕີນຊາງ
ພາບ:vov
|
(vovworld)-ເນື່ອງໃນໂອກາດປີໃຫມ່ 2015, ທ່ານປະທານປະເທດເຈືອງເຕີນຊາງ ມີບົດຂຽນທີ່ພາດຫົວຂໍ້ວ່າ: ຮັບກາລະໂອກາດ, ເສີມຂະຫຍາຍກຳລັງແຮງຂອງທົ່ວປວງຊົນທັງຊາດ, ປົກປັກຮັກສາຜົນປະໂຫຍດແຫ່ງຊາດ, ນຳປະເທດສືບຕໍ່ກ້າວຂຶ້ນ.” ບັນຫາທຳອິດຊື່ງບົດຂຽນຂອງທ່ານປະທານປະເທດໄດ້ເຕື້ອງເຖິງ ແມ່ນການພັດທະນາແບບຍືນຍົງ, ຖືວ່ານີ້ແມ່ນການເລືອກເຟັ້ນມີລັກສະນະຍຸດທະສາດຂອງຫວຽດນາມປະຈຸບັນ. ໃນປີ 2015 ແລະ ຊຸມປີຕໍ່ໄປ, ຫວຽດນາມ ຕ້ອງນຳພື້ນຖານເສດຖະກິດຫລຸດພົ້ນອອກຈາກສະພາບຊຸດໂຊມໂດຍໄວ, ຟື້ນຕົວທ່າເຕີບໂຕ, ສືບຕໍ່ຍູ້ແຮງກິດຈະການປ່ຽນແປງໃຫມ່, ຫັນເປັນອຸດສາຫະກຳ ແລະ ທັນສະໄຫມ, ເຊື່ອມໂຍງເຂົ້າກັບສາກົນ, ສຳເລັດຫນ້າທີ່ປ່ຽນໃຫມ່ຮູບແບບການຈະເລີນເຕີບໂຕ ເພື່ອສ້າງຄຸນນະພາບໃຫມ່, ລະດັບໃຫມ່ທັດທຽມກັບບັນດາປະເທດກ້າວຫນ້າໃນພາກພື້ນ.
ກ່ຽວກັບຫນ້າທີ່ປົກປັກຮັກສາຜົນປະໂຫຍດແຫ່ງຊາດ, ນີ້ແມ່ນຈຸດໝາຍຊື່ງຫວຽດນາມຕັດສິນໃຈສູ້ຊົນປະຕິບັດໃຫ້ໄດ້. ບົດຂຽນຂອງທ່ານປະທານປະເທດຫວຽດນາມ ກໍຢືນຢັນ ອະທິປະໄຕເຂດທະເລ, ໝູ່ເກາະຂອງປະເທດຊາດແມ່ນສິ່ງທີ່ສັກກະລະບູຊາ, ບໍ່ໄດ້ລ່ວງລ້ຳຢ່າງເດັດຂາດ. ຫວຽດນາມ ຢືດໝັ້ນແກ້ໄຂບັນດາຄວາມຂັດແຍ້ງໂດຍສັນຕິວິທີ, ບົນພື້ນຖານກົດໝາຍສາກົນ. ເພື່ອປະຕິບັດບັນດາຫນ້າທີ່ວາງອອກໃຫ້ໄດ້, ທ່ານປະທານປະເທດ ເຈີອງເຕີນຊາງ ເນັ້ນຫນັກເຖິງແນວຄິດຖືປະຊາຊົນເປັນກົກເຄົ້າ, ກຳລັງແຮງຂອງປະຊາຊົນແມ່ນສິ່ງສຳຄັນກວ່າໝູ່. ພຽງແຕ່ມີຄວາມເຫັນດີເຫັນພ້ອມຂອງທົ່ວປວງຊົນ, ກຸ່ມກ້ອນມະຫາສາມັກຄີທົ່ວທັງຊາດຈື່ງນຳຫວຽດນາມຜ່ານຜ່າຄວາມຫຍຸ້ງຍາກໄດ້.