(ພາບປະກອບ/TTXVN)

ຕາມບົດຂຽນໃນເວັບໄຊ theaseanpost.com, ໃນຊຸມປີມໍ່ໆມານີ້, ເສດຖະກິດ ຫວຽດນາມ ມີລະດັບຄວາມໄວການເຕີບໂຕເປັນໜ້າປະທັບໃຈ ແລະ ເປັນປົກກະຕິ. ປີ 2017, ລະດັບຄວາມໄວການເຕີບໂຕບັນລຸ 6,8%. ຍ້ອນລະດັບການເຕີບໂຕເສດຖະກິດຢ່າງແຮງ, ຈຳນວນຄົນຊັ້ນກາງໄດ້ເພີ່ມຂຶ້ນ, ທ່າອ່ຽງການໃຊ້ສອຍສູງ ແລະ ຈຳນວນຜູ້ນຳໃຊ້ອິນເຕີແນັດນັບມື້ນັບເປັນຈຳນວນຫລວງຫລາຍ, ບັນດາສິ່ງດັ່ງກ່າວ ໄດ້ຊຸກຍູ້ການພັດທະນາພື້ນຖານເສດຖະກິດດີຈີຕອນ.

        ບົດຂຽນກໍ່ໃຫ້ຂໍ້ສັງເກດວ່າ: ດ້ວຍຄວາມສາມາດບົ່ມຊ້ອນໃນພື້ນຖານເສດຖະກິດດີຈີຕອນສົມທົບກັບແງ່ຫວັງດ້ານເສດຖະກິດ, ຫວຽດນາມ ຈະກາຍເປັນສູນ start-up  Fintech ຢູ່ພາກພື້ນໂດຍໄວ. ສາຍເຫດໜຶ່ງອີກ ທີ່ເຮັດໃຫ້ ຫວຽດນາມ ກາຍເປັນແຜນດິນທີ່ອຸດົມສົມບຸນໃຫ້ແກ່ບັນດາວິສາຫະກິດ start-up  Fintech ແມ່ນການໜູນຊ່ວຍຈາກລັດຖະບານ. ລັດຖະບານ ຫວຽດນາມ ກໍມີບັນດາລາຍການພາສີອາກອນພິເສດທີ່ສະຫງວນໃຫ້ບັນດາວິສາຫະກິດ start-up  ດ້ວຍເງື່ອນໄຂໃດໜຶ່ງ.