ກອງປະຊຸມຂອງຄະນະກຳມະການປະສົມ ກ່ຽວກັບ JCPOA ໃນວັນທີ 6 ເມສາ 2021 (ພາບ: THX/TTXVN)

   ນີ້ແມ່ນການຕີລາຄາຂອງຜູ້ຕາງໜ້າຝ່າຍ ຈີນ ແລະ ລັດເຊຍ ພາຍຫຼັງກອງປະຊຸມຄັ້ງທີ 2 ຂອງ ຄະນະກຳມະການປະສົມກ່ຽວກັບ JCPOA ໃນວັນທີ 9 ເມສາ ຢູ່ ວຽນ, ໂອຕາລິດ. ບັນດາຝ່າຍເຂົ້າຮ່ວມກອງປະຊຸມ ໄດ້ເຫັນດີສືບຕໍ່ພົບປະກັນໃນອະທິດໜ້າ.

        ໂດຍເປັນປະທານກອງປະຊຸມຄັ້ງນີ້ ແມ່ນທ່ານ Enrique Mora ຮອງເລຂາທິການໃຫຍ່ ແລະ ຜູ້ອຳນວຍການດ້ານການເມືອງຂອງອົງການເຄື່ອນໄຫວພົວພັນຕ່າງປະເທດ ເອີຣົບ (EEAS) ແລະ ມີການເຂົ້າຮ່ວມຂອງຜູ້ຕາງໜ້າບັນດາປະເທດ ຝລັ່ງ, ລັດເຊຍ, ອັງກິດ, ຈີນ, ເຢຍລະມັນ ແລະ ອີຣານ.

        ທັງອຳນາດການປົກຄອງຂອງທ່ານປະທານາທິບໍດີ ອາເມລິກາ Joe Biden ແລະ ບັນດາການນຳ ອີຣານ ຕ່າງກໍກ່າວວ່າ ເຂົາເຈົ້າຢາກກອບກູ້ເອົາຂໍ້ຕົກລົງນິວເຄຼຍ ປີ 2015. ເຖິງຢ່າງໃດກໍຕາມ, ບັນຫາກີດຂວາງແມ່ນ ປະເທດໃດຈະປະຕິບັດກ່ອນ ຫຼື ຍົກອອກບັນດາມາດຄະການປະນິປະນອມກ່ອນ ເພື່ອບັນລຸໄດ້ເປົ້າໝາຍດັ່ງກ່າວ.