(vovworld) - ຕາມແຜນສົມທົບກັນປະຕິບັດງານເຊິ່ງໄດ້ລົງນາມເມື່ອຕອນບ່າຍວັນທີ 05/03 ລະຫວ່າງແນວໂຮມປະເທດຊາດຫວຽດນາມ ແລະ ທະນາຄານແຫ່ງລັດຫວຽດນາມ, 2 ຝ່າຍສົມທົບກັນຜັນຂະຫຍາຍການເຄື່ອນໄຫວໂຄສະນາບັນດາແຜນນະໂຍບາຍ, ແນວທາງຂອງພັກ, ນະໂຍບາຍກົດໝາຍຂອງລັດ, ຂໍ້ກຳນົດຂອງທະນາຄານແຫ່ງລັດຫວຽດນາມ ໃນຂົງເຂດເງິນຕາທະນາຄານຢ່າງກວ້າງຂວາງ; ກຳນົດທິດຍຸດທະສາດຂອງທະນາຄານ, ບັນດາບັນຫາກຽວຂ້ອງເຖິງສິດ, ຜົນປະໂຫຍດຂອງປະຊາຊົນ, ເພື່ອແນໃສ່ກຳນົດທິດຫາງສຽງ ແລະ ປະຕິບັດແຜນນະໂຍບາຍຂອງພັກ ແລະ ລັດ. 2 ຝ່າຍສົມທົບກັນຜັນຂະຫຍາຍບັນດາການຕິດຕາມກວດກາ ແລະ ຄົ້ນຄວ້າ, ສະເໜີການສົມທົບກັນຕິດຕາມກວດກາການປະຕິບັດບັນດາແຜນນະໂຍບາຍ, ນະໂຍບາຍກ່ຽວກັບຂົງເຂດເງິນຕາ ໃນບັ້ນຂົນຂວາຍຜັນຂະຫຍາຍບັນດານະໂຍບາຍກ່ຽວກັບການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຮັບປະກັນຊີວິດສັງຄົມ. ກ່າວຄຳເຫັນທີ່ພິທີລົງນາມ, ທ່ານນປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຢືນຢັນວ່າ, ການສົມທົບກັນປະຕິບັດງານລະຫວ່າງຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ທະນາຄານແຫ່ງລັດຫວຽດນາມ ແມ່ນບ້າດກ້າວເລີ່ມຕົ້ນສຳຄັນ, ໄດ້ເປັນຂີດໝາຍໃຫ້ແກ່ໄລຍະຮ່ວມມືໃໝ່ລະຫວ່າງ 2 ສຳນັກງານໃນໄລຍະຈະມາເຖິງ, ເພື່ອແນໃສ່ສ້າງຄວາມເຫັນດີເຫັນພ້ອມໃນສັງຄົມ, ປະກອບສ່ວນພັດທະນາປະເທດຊາດ.