(ພາບປະກອບ)
(vovworld) - ເນື່ອງໃນໂອກາດສະເຫຼີມສະຫຼອງ 52 ປີແຫ່ງວັນເພື່ອຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ (10 ສິງຫາ 1961 – 10 ສິງຫາ 2013), ບັນດາອົງການສຳນັກງານ, ອົງການຈັດຕັ້ງຂຶ້ນກັບສູນກາງ ແລະ ແຂວງນິງບິ່ງ ໄດ້ຈັດຕັ້ງບັນດາການເຄື່ອນໄຫວຢ້ຽມຢາມຖາມຂ່າວ, ມອບຂອງຂວັນໃຫ້ບັນດາຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ດ້ວຍຈຳນວນເງິນເກືອບ 130 ລ້ານດົງ. ເນື່ອງໃນໂອກາດນີ້, ນັກຂ່າວສານຫວຽດນາມ ສາຂາແຂວງນິງບິ່ງ ໄດ້ຫັກເງິນ 3 ລ້ານດົງຈາກກອງທຶນຄວາມເຈັບປວຍຈາກທາດພິດສີສົ້ມດີໂອຊີນຂອງສຳນັກຂ່າວສານຫວຽດນາມ ເພື່ອມອບໃຫ້ຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ 10 ຄົນ ຢູ່ບັນດາເມືອງ, ນະຄອນ, ເທດສະບານເມືອງໃນບໍລິເວັນແຂວງ. ຕາມຕົວເລກສະຖິຕິຂອງສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນແລ້ວ, ໃນບໍລິເວັນແຂວງນິງບິ່ງ ມີຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ 4.686 ຄົນ, ໃນນັ້ນຜູ້ຖືກຕິດທາດພິດສີສົ້ມດີໂອຊີນໂດຍກົງເມື່ອເຂົ້າຮ່ວມການສູ້ຮົບແມ່ນ 2.684 ຄົນ.