ໂລກຢັ້ງຢືນມີຈຳນວນຜູ້ຕິດເຊື້ອພະຍາດ Covid – 19 ກ່ວາ 20 ລ້ານຄົນ
(VOVWORLD) - ອາເມລິກາຍັງຄົງແມ່ນປະເທດຖືກຜົນກະທົບຢ່າງໜັກໜ່ວງທີ່ສຸດດ້ວຍຈຳນວນຜູ້ຕິດເຊື້ອພະຍາດ Covid -19 ກ່ວາ 5,19 ລ້ານຄົນ ແລະ ກ່ວາ 165.600 ຄົນເສຍຊີວິດ.
 ແພດໝໍນຳສົ່ງຄົນເຈັບໄປຍັງໂຮງໝໍ (ພາບ: AFP/TTXVN) |
ຕາມເວັບໄຊ Worldometer.info ແລ້ວ, ໄລ່ຮອດເວລາ 1 ໂມງເຊົ້າວັນທີ 10 ສິງຫາ (ຕາມເວລາ UTC), ທົ່ວໂລກຢັ້ງຢືນມີ ຜູ້ຕິດເຊື້ອພະຍາດ Covid – 19 ຈຳນວນ20.016.534 ຄົນ, ໃນນັ້ນມີ 733.607 ຄົນເສຍຊີວິດ.
ອາເມລິກາຍັງຄົງແມ່ນປະເທດຖືກຜົນກະທົບຢ່າງໜັກໜ່ວງທີ່ສຸດດ້ວຍຈຳນວນຜູ້ຕິດເຊື້ອພະຍາດ Covid -19 ກ່ວາ 5,19 ລ້ານຄົນ ແລະ ກ່ວາ 165.600 ຄົນເສຍຊີວິດ. ຖັດຈາກອາເມລິກາ ແມ່ນບຣາຊິນດ້ວຍ ຜູ້ຕິດເຊື້ອ ເປັນຈຳນວນ ກ່ວາ3 ລ້ານຄົນ ແລະ 101.000 ຄົນເສຍຊີວິດ.