ໂອ້ລົມສົນທະນາກ່ຽວກັບການເຊື່ອມໂຍງດ້ານເສດຖະກິດສາກົນແລະຮັບເອົາຄວາມຮັບຮູ້ການພົວພັນຕ່າງປະເທດ
ການໂອ້ລົມສົນທະນາກ່ຽວກັບການເຊື່ອມໂຍງດ້ານ
ເສດຖະກິດສາກົນ ແລະ ອັບເດັດຄວາມຮັບຮູ້ການຕ່າງປະເທດ
(ພາບ:baobacgiang.com.vn)
(vovworld) – ໃນລະຫວ່າງວັນທີ 30 – 31/10, ຢູ່ນະຄອນບັ໋ກຢາງ, ຄະນະກຳມະການປະຊາຊົນແຂວງບັ໋ກຢາງ ໄດ້ສົມທົບກັບກະຊວງການຕ່າງປະເທດ ແລະ ກອງທຶນ Hanns Seidel (ເຢຍລະມັນ) ຈັດຕັ້ງລາຍການໂອ້ລົມສົນທະນາ “ບັນດາບັນຫາທີ່ໄດ້ວາງອອກສຳລັບການເຊື່ອມໂຍງ ແລະ ພັດທະນາຢ່າງໝັ້ນຄົງຂອງຫວຽດນາມ ໃນສະພາບການໃໝ່” ແລະ ຊຸດອົບຮົມກ່ຽວກັບຄວາມຮູ້ການພົວພັນຕ່າງປະເທດໃຫ້ການນຳບັນດາພະແນກ, ຂະແໜງການ, ພະນັກງານເຮັດວຽກງານພົວພັນຕ່າງປະເທດ ແລະ ເຊື່ອມໂຍງເຂົ້າກັບສາກົນຂອງ 8 ແຂວງທາງພາກເໜືອຫວຽດນາມ.
ລາຍການໂອ້ລົມສົນທະນາ ແລະ ຮັບເອົາຄວາມຮັບຮູ້ການພົວພັນຕ່າງປະເທດ ແມ່ນເພື່ອແນໃສ່ສະໜອງຂໍ້ມູນຂ່າວສານໂດຍພື້ນຖານກ່ຽວກັບການເຊື່ອມໂຍງເຂົ້າກັບສາກົນ, ຊ່ວຍໃຫ້ບັນດາຜູ້ແທນຢູ່ເຂດພູພຽງ ແລະ ເຂດພູດວຍທາງພາກເໜືອ ກຳໄດ້ຢ່າງຄົບຖ້ວນ, ເລິກເຊິ່ງ ແລະ ຮອບດ້ານກ່ຽວກັບສະພາບການໂລກ ກໍ່ຄືຢູ່ພາຍໃນປະເທດ. ພ້ອມທັງຊ່ວຍການນຳພະແນກ, ຂະແໜງການ, ພະນັກງານເຮັດວຽກງານພົວພັນຕ່າງປະເທດ ແລະ ເຊື່ອມໂຍງເຂົ້າກັບສາກົນຂອງບັນດາທ້ອງຖີ່ນ ຍົກສູງຄວາມຮູ້ດ້ານທິດສະດີ, ພຶດຕິກຳຕົວຈິງກ່ຽວກັບການເຊື່ອມໂຍງເຂົ້າກັບສາກົນ; ແລກປ່ຽນ, ຮໍ່າຮຽນເຊິ່ງກັນ ແລະ ກັນ ເພື່ອແນໃສ່ຊຸກຍູ້ການພັດທະນາເສດຖະກິດ ສັງຄົມຂອງແຕ່ລະແຂວງໃນໄລຍະຈະມາເຖິງ.