ໃນທົ່ວໂລກມີຜູ້ຕິດເຊື້ອພະຍາດໂຄວິດ - 19 ຫຼາຍກວ່າ 81,6 ລ້ານຄົນ
(VOVWORLD) - ຕາມເວັບໄຊສະຖິຕິ worldometer.info ແລ້ວ, ໄລ່ຮອດເວລາ 1 ໂມງຂອງວັນທີ 29 ທັນວາ ຕາມເວລາ UTC, ໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ທັງໝົດ 81.651.939 ຄົນ. ໃນນັ້ນ ມີຜູ້ເສຍຊີວິດ 1.780.850 ຄົນ.
 ໂຮງໝໍຢູ່ ລັດ Texas, ອາເມລິກາ (ພາບ: TTXVN) |
ອາເມລິກາ ຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດ ດ້ວຍຈຳນວນຜູ້ຕິດເຊື້ອກວ່າ 19,7 ລ້ານຄົນ ແລະ ມີ 343.072 ຄົນເສຍຊີວິດ, ຖັດຈາກນັ້ນ ແມ່ນ ອິນເດຍ ແລະ ບຣາຊີນ.
ຢູ່ ເອີຣົບ, ຕາມການສະຖິຕິຂອງສະຖາບັນຄວບຄຸມໂລກລະບາດ Robert Koch (RKI) ວັນທີ 28 ທັນວາ, ໄລ່ມາຮອດປັດຈຸບັນ ເຢຍລະມັນໄດ້ຢັ້ງຢືນມີຜູ້ເສຍຊີວິດ ຍ້ອນໂລກລະບາດໂຄວິດ - 19 ກວ່າ 30.000 ຄົນ, ໃນຂະນະທີ່ຈຳນວນຜູ້ຕິດເຊື້ອແມ່ນຫຼາຍກວ່າ 1.663.000 ຄົນ.
ຢູ່ ອາຊີ, ລັດຖະບານ ຍີ່ປຸ່ນ ໄດ້ຢັ້ງຢືນວ່າ ປະກົດມີສາຍພັນໃໝ່ຂອງ ເຊື້ອໄວຣັດ SARS – CoV – 2 ຢູ່ ອາຟະລິກາໃຕ້. ແຈ້ງການດັ່ງກ່າວ ໄດ້ຍົກອອກມາພາຍຫຼັງທີ່ ລັດຖະບານ ຍີ່ປຸ່ນ ເລີ່ມຫ້າມການເຂົ້າເມືອງສຳລັບຊາວຕ່າງປະເທດ ໃນວັນທີ 28 ທັນວາ.