ໄຂກອງປະຊຸມຂັ້ນສູງຂອງສປຊກ່ຽວກັບການມອບສິດໃຫ້ແກ່ແມ່ຍິງ
ຜູ້ແທນເຂົ້າຮ່ວມກອງປະຊຸມ CSW 60
ພາບ:TTXVN
|
(vovworld)- ກອງປະຊຸມຄັ້ງທີ 60 ຂອງຄະນະກຳມະການຖານະຕຳແຫນ່ງແມ່ຍິງ ສປຊ (CSW 60 ) ຖືກໄຂຂຶ້ນໃນວັນທີ 14/3 ທີ່ ສຳນັກງານ ສປຊ ຢູ່ ນິວຢອກ ສະຫະລັດ ອາເມລິກາ. ຫົວຂໍ້ຕົ້ນຕໍນຳມາປຶກສາຫາລືທີ່ກອງປະຊຸມ ນັ້ນແມ່ນ “ມອບສິດໃຫ້ແມ່ຍິງ ແລະສາຍກ່ຽວພັນກັບການພັດທະນາແບບຍືນຍົງ. ທີ່ວາລະໄຂກອງປະຊຸມ, ຕາງຫນ້າໃຫ້ບັນດາປະເທດສະມາຊິກ ໃນອາຊຽນ, ທ່ານນາງ ຟ້າມທິຫາຍຈ່ວຽນ, ລັດຖະມົນຕີວ່າການກະຊວງແຮງງານ ທະຫານເສຍອົງຄະ ແລະ ສັງຄົມຫວຽດນາມ, ປະທານຄະນະກຳມະການແຫ່ງຊາດເພື່ອຄວາມກ້າວຫນ້າຂອງແມ່ຍິງຫວຽດນາມ ໄດ້ເນັ້ນຫນັກວ່າ: ອາຊຽນ ບັນລຸໄດ້ຜົນງານຫລາຍຢ່າງກ່ຽວກັບຄວາມສະເໝີພາບລະຫວ່າງຍິງ ຊາຍ ແລະ ການມອບສິດໃຫ້ແມ່ຍິງ. ບັນດາໝາກຜົນນີ້ແມ່ນສະແດງໃຫ້ເຫັນຜ່ານການເຂົ້າຮ່ວມນັບມື້ນັບຫລາຍຂອງແມ່ຍິງເຂົ້າໃນກຳລັງແຮງງານ, ຊີວິດທາງດ້ານເສດຖະກິດ, ການເມືອງ, ສັງຄົມ, ປັບປຸງການສຶກສາ, ເພີ່ມທະວີຄວາມດຸ່ນດ່ຽງອັດຕາສ່ວນທາງເພດໃນພົນລະເມືອງ ແລະ ປັບປຸງບັນດາກົນໄກແຫ່ງຊາດກ່ຽວກັບວຽກງານຄວາມສະເຫມີພາບລະຫວ່າງຍິງຊາຍຢູ່ບັນດາປະເທດ ອາຊຽນ. ທ່ານນາງ ຟ້າມທິຫາຍຈ່ວຽນ, ລັດຖະມົນຕີວ່າການກະຊວງແຮງງານ ທະຫານເສຍອົງຄະ ແລະ ສັງຄົມຫວຽດນາມ ໄດ້ຢືນຢັນ: ອາຊຽນ ຢືນຢັນຄືນຄຳໝັ້ນສັນຍາໃຫ້ການປະຕິບັດສົນທິສັນຍາກ່ຽວກັບການລົບລ້າງທຸກຮູບການຈຳແນກປະພຶດຕໍ່ແມ່ຍິງ ແລະ ໂຄງການດຳເນີນງານປັກກີງ, ສືບຕໍ່ມານະພະຍາຍາມເພື່ອຄວາມກ້າວຫນ້າຂອງແມ່ຍິງ, ຜ່ານການເພີ່ມທະວີການຮ່ວມມືກັບບັນດາຄູ່ຮ່ວມມື, ພິເສດແມ່ນ ສປຊ.