ໄຂກອງປະຊຸມລັດຖະມົນຕີການຕ່າງປະເທດອາຊຽນ
ທ່ານລັດຖະມົນຕີການຕ່າງປະເທດ Pham Binh Minh ທີ່ກອງປະຊຸມ
(ພາບ:vietnamplus.vn)
(VOV)- ຕອນເຊົ້າວັນທີ 17/11, ກອງປະຊຸມລັດຖະມົນຕີການຕ່າງປະເທດອາຊຽນ (AMM) ກະກຽມໃຫ້ກອງປະຊຸມສຸດຍອດອາຊຽນ 21 ໄດ້ຖືກໄຂຂຶ້ນຢູ່ນະຄອນຫຼວງພະນົມເປັນ ປະເທດກຳປູເຈຍ ໂດຍມີການເຂົ້າຮ່ວມຂອງ 10 ປະເທດສະມາຊິກອາຊຽນ. ກອງປະຊຸມໂດຍພາຍໃຕ້ການເປັນປະທານຂອງລັດຖະມົນຕີການຕ່າງປະເທດປະເທດເຈົ້າພາບ Hor Namhong. ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມໂດຍທ່ານລັດຖະມົນຕີການຕ່າງປະເທດ Pham Binh Minh ນຳໜ້າ. ກອງປະຊຸມລັດຖະມົນຕີການຕ່າງປະເທດອາຊຽນ ຈະຮັບຮອງເອົາບັນດາເອກະສານສະບັບສຸດທ້າຍເພື່ອຍື່ນສະເໜີຕໍ່ກອງປະຊຸມສຸດຍອດອາຊຽນ, ກອງປະຊຸມສຸດຍອດອາຊີຕາເວັນອອກ ແລະ ບັນດາກອງປະຊຸມທີ່ກ່ຽວຂ້ອງຊື່ງຈະດຳເນີນໃນອາທິດໜ້າ. ທີ່ກອງປະຊຸມ, ບັນດາທ່ານລັດຖະມົນຕີກໍ່ຈະຮັບຮອງເອົາຫຼັກການພື້ນຖານໃຫ້ແກ່ບັນດາກອງປະຊຸມສຸດຍອດອາຊຽນ+3 ກັບຈີນ, ຍີ່ຢຸ່ນ, ສເກົາຫຼີ; ອາຊຽນ-ຈີນ; ອາຊຽນ-ອາເມລິກາ…
ບັນດາກອງປະຊຸມສະພາປະຊາຄົມການເມືອງ-ຄວາມໝັ້ນຄົງອາຊຽນ, ກອງປະຊຸມຈັດກຽມລັດຖະມົນຕີເສດຖະກິດອາຊຽນ ແລະ ກອງປະຊຸມສະພາຮ່ວມມືອາຊຽນ ກໍ່ໄດ້ດຳເນີນໃນວັນດຽວກັນ. ບັນດານັກສັງເກດການຢູ່ພະນົມເປັນ ຖືວ່າ: ບັນຫາພິພາດກັນຢູ່ທະເລຕາເວັນອອກ ແລະ ການຮັບຮອງເອົາຖະແຫຼງການສິດທິມະນຸດອາຊຽນ ຈະຖືກຍົກອອກມາປຶກສາຫາລືໃນການປະຊຸມຄັ້ງຕ່າງໆທີ່ຈະມາເຖິງນີ້.