(vovworld) - ຕອນຄໍ່າວັນທີ 27/05, ຢູ່ນະຄອນ Dresden, ປະເທດເຢຍລະມັນ, ໄດ້ໄຂກອງປະຊຸມລັດຖະມົນຕີການເງິນແລະຜູ້ວ່າການທະນາຄານສູນກາງກຸ່ມບັນດປະເທດອຸດສາຫະກຳພັດທະນາ (ຈີ 7) ເພື່ອແນໃສ່ກະກຽມບາງເນື້ອໃນໃຫ້ກອງປະຊຸມສຸດຍອດຈີ 7 ເຊິ່ງຈະໄຂຂຶ້ນໃນ 2 ສັບປະດາທີ່ຈະມາເຖິງ. ໃນກອງປະຊຸມເປັນເວລາ 3 ມື້ນີ້, ບັນດາລັດຖະມົນຕີວ່າການກະຊວງການເງິນ ແລະ ຜູ້ວ່າການລັດທະນາຄານບັນດາປະເທດຈີ 7 ຈະປຶກສາຫລືກ່ຽວກັບປະສິດທິຜົນຂອງບັນດານະໂຍບາຍເສດຖະກິດ ແລະ ການເງິນທີ່ໄດ້ຍົກອອກມາ ພາຍຫຼັງວິກິດການການເງິນເມື່ອປີ 2008 ມາຮອດປະຈຸບັນ, ກໍ່ຄືຕີລາຄາຄືນບັນດາຍຸດທະສາດການເຕີບໂຕ ແລະ ຊຸກຍູ້ການລົງທຶນ ໃນສະພາບຕິດໜີ້ສາທາລະນະຂອງຫຼາຍປະເທດພວມຢູ່ໃນລະດັບສູງທີ່ສຸດ. ນີ້ກໍ່ແມ່ນກອງປະຊຸມຄັ້ງທຳອິດ ທີ່ເປັນຂີດໝາຍໃຫ້ເລື່ອງບັນດາການນຳດ້ານການເງິນຂອງຈີ 7 ຮັບເອົາຄຳເຫັນໂດຍກົງຈາກນັກຊ່ຽວຊານ ໃນຂອບເຂດບັນດາການທາບທາມຄວາມເຫັນກັບນັກເສດຖະກິດອັນດັບໜຶ່ງຂອງໂລກ 7 ທ່ານຢູ່ນອກກອງປະຊຸມ. ກອງປະຊຸມກໍ່ປຶກສາຫາລືມາດຕະການສະກັດກັ້ນແຫຼ່ງເງິນທີ່ສະໜອງໃຫ້ບັນດາອົງການກໍ່ການຮ້າຍ, ພິເສດແມ່ນກຸ່ມລັດອິດສະລາມ (IS) ອ້າງຊື່ເອງ ແລະ ບັນດາມາດຕະການຮັບມືກັບສະພາບລາຄາເໜັງຕິງ ແລະ ໜີພາສີຂອງບັນດາກຸ່ມບໍລິສັດນາໆຊາດ.