( vovworld ) – ກອງປະຊຸມເຈົ້າໜ້າທີດ້ານແຮງງານຂັ້ນສູງອາຊຽນ ຄັ້ງທີ 8 ຖືກໄຂຂຶ້ນໃນວັນທີ 6/5, ຢູ່ນະຄອນຫຼວງພະນົມເປັນ, ປະເທດກຳປູເຈຍ. ກອງປະຊຸມໄດ້ຮຽກຮ້ອງໃຫ້ຮັດແຄບຊ່ອງວ່າງກ່ຽວກັບສີມືການຊ່າງຂອງຜູ້ອອກແຮງງານລົງລະດັບເທົ່າທຽມກັນອີ່ງຕາມມາດຕະຖານຂອງແຕ່ລະປະເທດສະມາຊິກ. ດ້ວຍຫົວຂໍ້ວ່າ “ ປັບປຸງການອາລັກຂາສັງຄົມ ແລະ ພັດທະນາສີມືການຊ່າງ ”, ກອງປະຊຸມໄດ້ສຸມໃສ່ປຶກສາຫາລືກ່ຽວກັບການຈັດແບ່ງກຳລັງແຮງງານໃນພາກພື້ນ. ນອກຈາກນັ້ນ, ບັນດາສິ່ງທ້າທ້າຍ ແລະ ເປົ້າໝາຍຕົ້ນຕໍຂອງບັນຫາການອອກແຮງງງານກໍຈະໄດ້ຮັບການປຶກສາຫາລືເພື່ອຊຸກຍູ້ການປະຕິບັດແຜນການດຳເນີນງານ ດ້ວຍວິທີຮັບປະກັນລັກສະນະໝັ້ນຄົງຂອງບັນດາມາດຕະຖານແຫ່ງຊາດ ແລະ ພາກພື້ນ. ກອງປະຊຸມເຈົ້າໜ້າທີແຮງງານສຸດຍອດອາຊຽນ ຄັ້ງທີ 8 ນອນໃນຂອບເຂດບັນດາກອງປະຊຸມທີ່ກ່ຽວຂ້ອງເຖິງກອງປະຊຸມລັດຖະມົນຕີກະຊວງແຮງງານອາຊຽນ ຄັ້ງທີ 22, ເຊິ່ງຈະດຳເນີນລະຫວ່າງວັນທີ 4 – 11 ເດືອນ 5 ຢູ່ນະຄອນຫຼວງພະນົມເປັນ. ດ້ວຍບົດບາດເປັນປະທານອາຊຽນ ປີ 2012 ນີ້, ກຳປູເຈຍມີໜ້າທີ່ຊຸກຍູ້ການພັດທະນາແຮງງານໃນພາກພື້ນອາຊຽນ, ລວມທັງຄົນງານຍົກຍ້າຍ, ຮັບປະກັນຄວາມປອດໄພໃຫ້ຄົນງານ ແລະ ພັດທະນາສິດຜົນປະໂຫຍດຂອງຄົນງານ.