ບັນດາການນຳ, ອະດີດການນຳພັກ,ລັດ,ສະພາແຫ່ງຊາດເຂົ້າຮ່ວມ
ກອງປະຊຸມໃຫຍ່
ພາບ:qdnd.vn
|
(vovworld)- ຕອນເຊົ້າວັນທີ 7/3, ຢູ່ ຮ່າໂນ້ຍ ໄດ້ໄຂກອງປະຊຸມໃຫຍ່ແມ່ຍິງທົ່ວປະເທດຄັ້ງທີ 12 ອາຍຸການ 2017-2022. ເຂົ້າຮ່ວມກອງປະຊຸມມີທ່ານເລຂາທິການໃຫຍ່ ຫງວຽນຟູຈ້ອງ, ທ່ານປະທານປະເທດ ເຈີນດ້າຍກວາງ, ທ່ານນາຍົກລັດຖະມົນຕີ ຫງວຽນຊວນຟຸກ, ທ່ານນາງປະທານສະພາແຫ່ງຊາດ ຫງວຽນທິກີມເງິນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ພ້ອມກັບຜູ້ແທນ 1.155 ຄົນທີ່ຕາງຫນ້າໃຫ້ແມ່ຍິງທຸກຊັ້ນວັນນະ, ບັນດາເຜົ່າ, ສາສະຫນາ, ທຸກເກນອາຍຸ, ຂະແຫນງອາຊີບ ແລະ ເຂດພາກໃນທົ່ວປະເທດ.
ກ່າວຄຳເຫັນນະທີ່ນີ້, ທ່ານເລຂາທິການໃຫຍ່ ຫງວຽນຟູຈ້ອງ ເນັ້ນຫນັກວ່າ: ສະຫະພັນແມ່ຍິງ ຫວຽດນາມ ຄວນກຳແຫນ້ນ ແລະ ຊາບຊຶມບັນດາທັດສະນະ, ແນວຄິດຊີ້ນຳຂອງມະຕິກອງປະຊຸມໃຫຍ່ຄັ້ງທີ 12 ຂອງພັກ, ສະຫລຸບການປະຕິບັດບັນດາຄຳສັ່ງ, ມະຕິທີ່ກ່ຽວຂ້ອງກໍຄືພຶດຕິກຳການເຄື່ອນໄຫວຂອງຂະບວນການແມ່ຍິງ ແລະ ສະມາຄົມແມ່ຍິງ. ສະຫະພັນແມ່ຍິງ ຍົກສູງບົດບາດຂອງແມ່ຍິງ ແລະ ສະມາຄົມກວ່າອີກ.
“ສຸມໃສ່ປະຕິບັດບັນດາມາດຕະການຢ່າງຄົບຊຸດເພື່ອສ້າງແມ່ຍິງຫວຽດນາມ ພັດທະນາຮອບດ້ານ, ຕອບສະຫນອງຄວາມຮຽກຮ້ອງຕ້ອງການຂອງໄລຍະຍູ້ແຮງການເຫັນເປັນອຸດສະຫະກຳ, ທັນສະໄຫມ ແລະເຊື່ອມໂຍງເຂົ້າກັບສາກົນ. ຍົກສູງຄຸນນະພາບຖັນແຖວພະນັກງານສະມາຄົມທຸກຂັ້ນ, ຕອບສະຫນອງຄວາມຮຽກຮ້ອງຕ້ອງການຂອງວຽກງານສະມາຄົມໃນໄລຍະໃຫມ່. ສ້າງຖັນແຖວພະນັກງານສະມາຄົມ ໃຫ້ມີຄຸນນະທາດການເມືອງອັນໝັ້ນຄົງ, ຄຸນສົມບັດດີ, ມີຈີນຕະນາການ, ສຸດຈິດສຸດໃຈກັບວຽກງານຂອງສະມາຄົມ, ມີລະດັບຄວາມຮູ້ດ້ານວິຊາສະເພາະ, ວິຊາການ ”