ທ່ານ ຮ່ວາງດຶກເຮົ້າ, ຫົວໜ້າກົມວັດທະນະທຳຊົນເຜົ່າ ກ່າວຄຳ
ເຫັນທີ່ພິທີ
|
(vovworld) – ດ້ວຍຫົວຂໍ້ວ່າ “ບັນດາຊົນເຜົ່າຢູ່ພາກກາງ ສາມັກຄີ - ຮັກສາ, ເສີມຂະຫຍາຍສີສັນວັດທະນະທຳຊົນເຜົ່າ - ປະກອບສ່ວນພັດທະນາປະເທດຊາດແບບຍືນຍົງ”, ວັນບຸນໄດ້ດຳເນີນການເຄື່ອນໄຫວທີ່ອຸດົມສົມບູນ, ສະແດງບັນດາຈຸດວັດທະນະທຳທີ່ເປັນເອກະລັກສະເພາະຂອງພາກກາງ. ກ່າວຄຳເຫັນໄຂງານບຸນໃນຕອນຄ່ຳວັນທີ 17/5, ທ່ານ ຮ່ວາງດຶກເຮົ້າ, ຫົວໜ້າກົມວັດທະນະທຳຊົນເຜົ່າ (ກະຊວງວັດທະນະທຳ, ກິລາ ແລະ ທ່ອງທ່ຽວ), ໃຫ້ຮູ້ວ່າ:
“ວັນບຸນວັດທະນະທຳບັນດາເຜົ່າຢູ່ພາກກາງດຳເນີນໄປໃນຂອບເຂດງານບຸນ ບ້ານແຊນ ໃນຊຸມວັນຂອງເດືອນ 5 ປະຫວັດສາດຢູ່ບ້ານເກີດເມືອງນອນຂອງປະທານ ໂຮ່ຈີມິນ ຍັງແມ່ນການສະແດງຄວາມຮູ້ບຸນຄຸນ ແລະ ຄວາມເຊື່ອໝັ້ນຂອງພໍ່ແມ່ປະຊາຊົນທີ່ມີຕໍ່ລຸງໂຮ່. ນີ້ແມ່ນການເຄື່ອນໄຫວຮັດແໜ້ນຄວາມສາມັກຄີ, ສະໜິດຕິດພັນ, ຍົກສູງສະຕິຮັກສາຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ, ສຶກສາອົບຮົມເສີມຂະຫຍາຍມູນເຊື້ອຮັກສາ, ປະກອບສ່ວນພັດທະນາເສດຖະກິດ, ເບິ່ງແຍງຊີວິດທາງດ້ານວັດຖຸ, ຈິດໃຈໃຫ້ແກ່ປະຊາຊົນ.”