ໄຂສັບປະດາ“ມະຫາສາມັກຄີທົ່ວປວງຊົນທັງຊາດ-ມໍລະດົກວັດທະນະທຳຫວຽດນາມ”
ພິທີໄຂສັບປະດາ “ມະຫາສາມັກຄີທົ່ວປວງຊົນທັງຊາດ
- ມໍລະດົກວັດທະນະທຳ ຫວຽດນາມ”
(vovworld) – ຕອນຄ່ຳວັນທີ 18/11, ພິທີໄຂສັບປະດາ “ມະຫາສາມັກຄີທົ່ວປວງຊົນທັງຊາດ - ມໍລະດົກວັດທະນະທຳ ຫວຽດນາມ” ຖືກໄຂຂຶ້ນຢູ່ບ້ານວັດທະນະທຳ - ທ່ອງທ່ຽວບັນດາເຜົ່າ ຫວຽດນາມ (ດົ່ງໂມ, ເຊີນໄຕ, ຮ່າໂນ້ຍ). ລາຍການໂດຍກະຊວງວັດທະນະທຳ, ກິລາ ແລະ ທ່ອງທ່ຽວສົມທົບກັບຄະນະກຳມະການສູງການແນວໂຮມປະເທດຊາດ ຫວຽດນາມ ຈັດຕັ້ງ, ເນື່ອງໃມໂອກາດສະເຫຼີມສະຫຼອງ 86 ປີແຫ່ງວັນມູນເຊື້ອຂອງແນວໂຮມປະເທດຊາດ ຫວຽດນາມ (18/11/1930 – 18/11/2016) ແລະ ຂ່ຳນັບຮັບຕ້ອນວັນມໍລະດົກວັດທະນະທຳ ຫວຽດນາມ 23/11. ກ່າວຄຳເຫັນທີ່ພິທີໄຂ, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເນັ້ນໜັກວ່າ:
“ເພື່ອເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນທັງຊາດ, ຄຽງຂ້າງເລື່ອງຕ້ອງແຈ້ງໃຫ້ປະຊາຊົນຮັບຊາບກ່ຽວກັບສະຫາບການ ແລະ ແນວທາງພັດທະນາປະເທດຊາດ ແລະ ຮັບຟັງຄຳເຫັນຂອງປະຊາຊົນກ່ຽວກັບທຸກດ້ານຂອງຊີວິດຢູ່ທ້ອງຖິ່ນ, ເລື່ອງອະນຸລັກສັກສາ ແລະ ເສີມຂະຫຍາຍວັດທະນະທຳບັນດາເຜົ່າແມ່ນມີຄວາມໝາຍສຳຄັນທີ່ສຸດ. ນີ້ແມ່ນໜ້າທີ່ຍຸດທະສາດຂອງທັງລະບົບການເມືອງນັບແຕ່ຂັ້ນສູງກາງລົງຮອດຂັ້ນຮາກຖານ ແລະ ຄວນໄດ້ຮັບການປະຕິບັດໂດຍຜ່ານບັນດາວຽກງານທີ່ອຸດົມສົມບຸນ, ມີຊີວິດຊີວາ, ແທດຈິງ, ລະອຽດ.”
ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ຮຽກຮ້ອງຊາວ ຫວຽດນາມ ແຕ່ລະຄົນ ຈົ່ງປະກອບກຳລັງເຫື່ອແຮງ, ຮ່ວມແຮງຮ່ວມໃຈກໍ່ສ້າງ ແລະ ເສີມຂະຫຍາຍມະຫາສາມັກຄີທົ່ວປວງຊົນທັງຊາດໃນສະພາບການໃໝ່.