ໄທ:ຝ່າຍຄ້ານບໍ່ເຈລະຈາກັບລັດຖະບານ
ຜູ້ແຫ່ຂະບວນປະທ້ວງຢູ່ບາງກອກ
(ພາບປະກອບ)
(vovworld) – ໃນວັນທີ 13/1, ບັນດາຜູ້ແຫ່ຂະບວນປະທ້ວງເລີ່ມປິດລ້ອມບັນດາເສັ້ນທາງຕົ້ນຕໍ່, ສະກັດກັ້ນພາລະກອນໄປເຮັດວຽກຢູ່ສຳນັກງານ ແລະ ບໍ່ສົ່ງໄຟຟ້າເຖິງອົງການສຳຄັນຂອງລັດຈຳນວນໜຶ່ງຢູ່ນະຄອນຫຼວງ ບາງກອກ. ກຳລັງແຫ່ຂະບວນປະທ້ວງ ພວມເພີ່ມທະວີບັນດາຄວາມມານະພະຍາຍາມເພື່ອໂຄ້ນລົ້ມລັດຖະບານຊົ່ວຄາວຂອງ ນາຍົກລັດຖະມົນຕີ ຍິ່ງລັກ ຊິນນະວັດ ແລະ ສະກັດກັ້ນການເລືອກຕັ້ງຄາດວ່າຈະຈັດຕັ້ງໃນວັນທີ 2/2 ຈະມາເຖິງ. ກ່າວຄຳເຫັນຕໍ່ໜ້າຜູ້ແຫ່ຂະບວນປະທ້ວງໃນວັນທີ 12/1, ຫົວໜ້າຜູ້ແຫ່ຂະບວນປະທ້ວງ ທ່ານ ສຸເທບ ເທືອກສຸບັນ ປະຕິເສດການເຈລະຈາກັບລັດຖະບານ. ໃນຂະນະນັ້ນ, ອຳນາດການປົກຄອງ ໄທ ລະດົມຕຳຫຼວດ ແລະ ນັກຮົບຮັກສາຄວາມສະຫງົບ, ຄວາມເປັນລະບຽບຮຽບຮ້ອຍໃນວັນ “ປິດລ້ອມນະຄອນຫຼວງ” ຂອງກຳລັງແຫ່ຂະບວນປະທ້ວງ ປະມານ 20.000 ຄົນ. ທ່ານນາງນາຍົກລັດຖະມົນຕີ ຍິ່ງລັກ ຊິນນະວັດ ສະເໜີໃຫ້ກອງທັບເປັນຜູ້ໄກ່ເກ່ຍໃນການເຈລະຈາລະຫວ່າງ ລັດຖະບານ ແລະ ບັນດາຜູ້ແຫ່ຂະບວນປະທ້ວງເພື່ອແນໃສ່ຢຸດຕິວິກິດການການເມືອງໃນປະຈຸບັນ. ທ່ານນາງນາຍົກລັດຖະມົນຕີ ຍິ່ງລັກ ຊິນນະວັດ ຢັ້ງຢືນຈະສືບຕໍ່ຮັກສາຕຳແໜ່ງນາຍົກລັດຖະມົນຕີ ຊົ່ວຄາວ ເພື່ອສົ່ງເສີມການເລືອກຕັ້ງທົ່ວປະເທດໃນວັນທີ 2/2.