ນີ້ແມ່ນຄັ້ງທີ 2 ທີ່ຫວຽດນາມເປັນປະເທດເຈົ້າພາບຈັດຕັ້ງ ເວທີປາໄສການທ່ອງທ່ຽວ ອາຊຽນ, ຄັ້ງທໍາອິດແມ່ນໃນປີ 2009, ໄດ້ປະກອບສ່ວນນໍາມາເຊິ່ງປະສິດທິຜົນຢ່າງແທດຈິງ, ເປັນກາລະໂອກາດ ເພື່ອສົ່ງເສີມການໂຄສະນາຄວາມສວຍງາມຂອງປະເທດຊາດ, ວັດທະນະທໍາ, ຊາວຫວຽດນາມ ແລະ ປະຫວັດສາດຂອງຫວຽດນາມ ເຖິງເພື່ອນມິດສາກົນ.

        ຕາມກົມໃຫຍ່ທ່ອງທ່ຽວ (ກະຊວງວັດທະນະທໍາ, ກິລາ ແລະ ທ່ອງທ່ຽວ ຫວຽນາມ) ແລ້ວ, ຫວຽດນາມ - ປະເທດເຈົ້າພາບຈັດຕັ້ງ ATF 2019 ໄດ້ສະເໜີ ຫົວຂໍ້ “ອາຊຽນ - ກໍາລັງແຮງຂອງຄວາມເປັນເອກະພາບ” ແລະ ໄດ້ຮັບການເຫັນດີເຫັນພ້ອມຈາກບັນດາປະເທດ ອາຊຽນ. ນີ້ແມ່ນຫັນການກໍານົດທິດລວມ ຂອງບັນດາປະເທດໃນການຮ່ວມມືອາຊຽນ ເປັນລະອຽດເວົ້າລວມ ເພື່ອມຸ່ງໄປເຖິງພາກພື້ນ ອາຊຽນ “ວິໄສທັດໜຶ່ງດຽວ, ສີສັນໜຶ່ງດຽວ, ສະມາຄົມໜຶ່ງດຽວ”. ຫົວຂໍ້ດັ່ງກ່າວ ໄດ້ປະກອບສ່ວນສະແດງໃຫ້ເຫັນຄວາມໝາຍຂອງກໍາລັງແຮງ, ຄວາມງາມລວມຂອງ 10 ປະເທດອາຊຽນ ເມື່ອມີການຮ່ວມມື, ຮ່ວມສໍາພັນ ກໍຄື ຄວາມງາມສະເພາະຂອງປະເທດໃຜລາວໃນປະຊາຄົມ ອາຊຽນ, ມຸ່ງໄປເຖິງເປົ້າໝາຍພັດທະນາແບບ ຍືນຍົງ, ວັດທະນາຖາວອນ ແລະ ທົ່ວເຖິງ.