(vovworld) - Festival ເຫ້ວ ຄັ້ງທີ 8 ປີ 2014 ດ້ວຍຫົວຂໍ້ “ມໍລະດົກວັດທະນະທຳກັບການເຊື່ອມໂຍງ ແລະ ພັດທະນາ” ຈະຖືກໄຂຂຶ້ນໃນຕອນຄຳ່ວັນທີ 12/4 ແລະ ສິ້ນສຸດລົງເມື່ອວັນທີ 20/4. ແຈ້ງການໄດ້ຍົກອອກມາທີ່ການປະຊຸມຂ່າວໂດຍກະຊວງວັດທະນະທຳ ກິລາ ແລະ ທ່ອງທ່ຽວ ແລະ ຄະນະກຳມະການປະຊາຊົນ ແຂວງ ເທື່ອທຽນເຫ້ວ ຈັດຕັ້ງໃນຕອນເຊົ້າວັນທີ 4/4 ຢູ່ ຮ່າໂນ້ຍ.
ພ້ອມກັບບັນດາຄະນະສິລະປະກອນອາຊີບຢູ່ພາຍໃນປະເທດແລ້ວ, Festival ເຫ້ວ ຄັ້ງທີ 8 ຍັງມີການເຂົ້າຮ່ວມຂອງ 65 ຄະນະ ແລະ ກອງສິລະປະກອນທີ່ມາຈາກ 38 ປະເທດ, ເຂດແຄ້ວນໃນໂລກ. ທ່ານເວືອງຢຸຍບຽນ, ຮອງລັດຖະມົນຕີກະຊວງວັດທະນະທຳ - ກິລາ ແລະ ທ່ອງທ່ຽວ, ໃຫ້ຮູ້ວ່າ:
“ເພື່ອເພີ່ມທະວີຄວາມດຶງດູດສຳລັບເຫດການໃຫຍ່ຄືແນວນີ້, ນອກຈາກການໂຄສະນາສີສັນວັດທະນະທຳ, ມໍລະດົກຂອງປະເທດຊາດແລ້ວ ພວກເຮົາຍັງມີການເຄື່ອນໄຫວອື່ນໆອີກເພື່ອເພີ່ມທະວີຄວາມດູດດື່ມຂອງ Festival ເຫ້ວ. ເມື່ອບັນດາລາຍການສີລະປະໄດ້ຮັບການສະແດງຢູ່ Festival ດ້ວຍຂອບຂະໜາດໃຫຍ່ຄືແນວນີ້ ກໍ່ແມ່ນໂອກາດເພື່ອທັງແນະນຳ, ທັງຖອດຖອນບົດຮຽນ ພ້ອມກັນນັ້ນກໍ່ມີລັກສະນະເຊື່ອມຕໍ່ຂໍ້ມູນຂ່າວສານ, ເຊື່ອມຕໍ່ກັບບັນດາ Festival ສິລະປະອື່ນໆອີກ”
ດ້ວຍຄຳຮຽກຮ້ອງ “ເປັນເອກະລັກສະເພາະ, ປະທັບໃຈກ່ວາ, ຍາດແຍ່ງການເຂົ້າຮ່ວມຂອງເພື່ອນມິດທັງຢູ່ພາຍໃນ ແລະ ຕ່າງປະເທດຫຼາຍກ່ວາ, ແລະຕ້ອງມີຄວາມປອດໄພ”, Festival ເຫ້ວ ຄັ້ງທີ 8 ຈະຖືກດຳເນີນດ້ວຍບັນດາການເຄື່ອນໄຫວຕົ້ນຕໍ່ຄື: ງານບຸນສະແດງຊຸດເຊື້ອຍາວ, ລາຍການເຊີດຊູສີລະປະຂັບເຫ້ວ....