IMF ພ້ອມແລ້ວທີ່ຈະລະດົມເງິນ 1000 ຕື້ USD ໃນແຫຼ່ງກອງທຶນເພື່ອໜູນຊ່ວຍ 186 ປະເທດສະມາຊິກ
(VOVWORLD) -ທ່ານນາງ Kristalina Georgieva ຜູ້ອຳນວຍການໃຫຍ່ກອງທຶນເງິນຕາສາກົນ (IMF) ໄດ້ຮຽກຮ້ອງໃຫ້ລັດຖະບານບັນດາປະເທດໃນໂລກຮ່ວມແຮງຮ່ວມໃຈຍົກອອກບັນດາມາດຕະການກະຕຸກຊຸກຍູ້ເສດຖະກິດເພື່ອແນໃສ່ຫຼຸດຜ່ອນຜົນເສຍຫາຍຍ້ອນໂລກລະບາດ Covid -19.
 ທ່ານນາງ Kristalina Georgieva ຜູ້ອຳນວຍການໃຫຍ່ກອງທຶນເງິນຕາສາກົນ (IMF) (ພາບ: TTXVN) |
ໃນຖະແຫຼງການໃນວັນທີ 16 ມີນາ, ທ່ານນາງ Georgieva ໃຫ້ຮູ້ວ່າ IMF ໄດ້ຮັບເອົາຂໍ້ສະເໜີ ທີ່ມາຈາກ 20 ປະເທດ ຕື່ມອີກ ກ່ຽວກັບບັນດາບ້ວງເງິນກູ້ຢືມເພື່ອແນໃສ່ໜູນຊ່ວຍເສດຖະກິດຂອງບັນດາປະເທດໃນໄລຍະໂລກລະບາດພວມມີການຜັນແປຢ່າງສັບສົນ.
ຕາມທ່ານນາງ Georgieva ແລ້ວ, ລະບອບລະບຽບການການເງິນນີ້ ພ້ອມແລ້ວທີ່ຈະລະດົມເງິນ 1000 ຕື້ USD ໃນແຫຼ່ງກອງທຶນເພື່ອໜູນຊ່ວຍໃຫ້ 186 ປະເທດ ສະມາຊິກ. ທ່ານນາງກໍ່ຮຽກຮ້ອງໃຫ້ລັດຖະບານບັນດາປະເທດ ຄວນກະກຽມວິທີການຮັບມືດ້ານການເງິນທີ່ຄ້າຍຄືກັນກັບວິກິດການດ້ານການເງິນໄລຍະ ປີ 2008 – 2009.