ວັນທີ 28 ພະຈິກ, ອົງການກໍ່ການຮ້າຍອິດສະລາມ IS ອ້າງຊື່ເອງໄດ້ກ່າວຍອມຮັບຜິດຊອບຕໍ່ການກໍ່ໃຫ້ເກີດເຫດເຮືອບິນເອລີກອບເຕີທະຫານ 2 ລຳຕຳກັນຢູ່ທາງພາກເໜືອ Mali, ເຮັດໃຫ້ພົນທະຫານຝລັ່ງ 13 ຄົນເສຍຊີວິດ ໃນຕອນຄ່ຳວັນທີ 25 ພະຈິກ (ຕາມເວລາທ້ອງຖິ່ນ). ນີ້ແມ່ນຄວາມເສຍຫາຍທີ່ໜັກໜ່ວງທີ່ສຸດສຳລັບກອງທັບຝລັ່ງ ໃນເກືອບ 4 ທົດສະວັດຜ່ານມາ.

        ຕາມນັ້ນແລ້ວ, ເມື່ອເຮືອບິນເອລີກອບເຕີຂອງກຳລັງ Barkhane ກຽມຈອດລົງ, ບັນດາພາກສ່ວນຂອງສາຂາອາຟະລິກາຕາເວັນຕົກຂອງ IS (ISWAP) ໄດ້ບຸກໂຈມຕີດ້ວຍອາວຸດໄລຍະກາງ, ເຮັດໃຫ້ເຮືອບິນລຳດັ່ງກ່າວບໍ່ສາມາດລົງຈອດໄດ້ ແລະ ໄດ້ຕຳໃສ່ເຮືອບິນເອລີກອບເຕີລຳອື່ນ.