ພິທີໄຂງານວາງສະແດງ Vietship 2012
ພາບ:baomoi.com
(vovworld) - ຕອນເຊົ້າວັນທີ 28/2, ກ່າວຄຳເຫັນທີ່ພິທີໄຂງານວາງສະແດງສາກົນຄັ້ງທີ 6 ກ່ຽວກັບເຕັກໂນໂລຊີຕໍ່ກຳປັ່ນ, ການເດີນເຮືອທະເລ ແລະ ຂົນສົ່ງທາງທະເລ Vietship 2012 ດຳເນີນໄປຢູ່ຮ່າໂນ້ຍ, ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ເຊື່ອໝັ້ນວ່າ: ເຫດການນີ້ຈະແມ່ນກາລະໂອກາດທີ່ດີໃຫ້ແກ່ບັນດາວິສາຫະກິດຢູ່ພາຍໃນປະເທດເພື່ອແລກປ່ຽນ ຊອກຫາບັນດາກາລະໂອກາດພັດທະນາຂະແຫນງຕໍ່ກຳປັ່ນ ແລະ ການຂົນສົ່ງທາງທະເລໃນໄລຍະຈະມາເຖິງ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໃຫ້ຮູ້ວ່າ: ວິກິດການການເງິນທົ່ວໂລກໄດ້ສົ່ງຜົນກະທົບໂດຍກົງ ແລະ ຫນັກຫນ່ວງເຖິງຂະແຫນງການເດີນເຮືອທະເລ, ຕໍ່ກຳປັ່ນ ແລະ ການຂົນສົ່ງທາງທະເລຂອງໂລກ, ໃນນັ້ນມີຫວຽດນາມ. ເພື່ອແກ້ໄຂຄວາມຫຍຸ້ງຍາກນັ້ນ, ລັດຖະບານໄດ້ສ້າງໂຄງການສ້າງໂຄງປະກອບຂະແຫນງອຸດສາຫະກຳຕໍ່ກຳປັ່ນ, ຍຸດທະສາດທະເລຄືນໃຫມ່ ເພື່ອພັດທະນາການຂົນສົ່ງທາງທະເລຫວຽດນາມ ໃນໄລຍະຈະມາເຖິງ. ງານວາງສະແດງຄັ້ງນີ້ລວມມີຮ້ານວາງສະແດງ 300 ຮ້ານ ຂອງ 200 ບໍລິສັດ, ໃນນັ້ນ 2/3 ແມ່ນບັນດາບໍລິສັດ, ກຸ່ມບໍລິສັດສາກົນມາຈາກບັນດາປະເທດມີພື້ນຖານອຸດສາຫະກຳກຳປັ່ນພັດທະນາຊັ້ນນຳຂອງໂລກຄື: ຍີ່ປຸ່ນ, ສເກົາຫລີ, ຈີນ, ໂຮນລັງ, ແຟງລັງ, ຝລັ່ງ, ສະວິດ, ນອກແວ, ສິງກະໂປ, ລັດເຊຍ ແລະ ແອດສະປາຍ.