VOV ເພີ່ມທະວີການ ຮ່ວມມືດ້ານສື່ສານ ກັບໄທ
Xuân Sơn-Tống Sơn -
(ພາບ: vov )
(vovworld) –ວັນທີ 4/8, ຢູ່ນະຄອນຫຼວງບາງກອກ, ປະເທດໄທ, ໄດ້ຈັດໃຫ້ມີການປະຊຸມປະຈຳປີຄັ້ງທີ 6 ຂອງຄະນະກຳມະການປະສົມວິທະຍຸກະຈາຍສຽງຫວຽດນາມ ແລະ ກົມປະຊາສຳພັນໄທ ເພື່ອແນໃສ່ເພີ່ມທະວີການຮ່ວມມືດ້ານຖະແຫຼງຂ່າວ-ໂຄສະນາລະຫວ່າງສອງຝ່າຍ. ສອງຝ່າຍຕີລາຄາສູງບັນດາໝາກຜົນລະອຽດ, ແທດຈິງ; ໂດຍສະເພາະແມ່ນການແລກປ່ຽນບັນດາຜະລິດຕະພັນສື່ສານ; ແລກປ່ຽນບັນດາຄະນະປະຕິບັດງານ, ປະກອບສ່ວນຢ່າງຕັ້ງໜ້າເຂົ້າໃນການໂຄສະນາປະເທດຊາດ, ວັດທະນະທຳ, ປະຊາຊົນແຕ່ລະປະເທດກໍ່ຄືໂຄສະນາວິວັດແຫ່ງການເຊື່ອມໂຍງເຂົ້າກັບປະຊາຄົມອາຊຽນ.
ກົມປະຊາສຳພັນໄທ (PRD) ເຫັນດີເປັນເອກະສັນກັບຂໍ້ສະເໜີຂອງວິທະຍຸກະຈາຍສຽງຫວຽດນາມ ກ່ຽວກັບເລື່ອງເພີ່ມບັນດາເອກະສານກ່ຽວກັບຊີວິດການເຄື່ອນໄຫວປະຕິວັດຂອງປະທານໂຮ່ຈິມິນຢູ່ເຂດໄທອີສານໃນໄລຍະ 1928-1929 ເຂົ້າບັນດາຜະລິດຕະພັນສື່ສານຂອງກົມປະຊາສຳພັນໄທ.
ທ່ານຫົວໜ້າກົມປະຊາສຳພັນໄທ ແລະ ຫົວໜ້າຄະນະຜູ້ແທນ ວິທະຍຸກະຈາຍສຽງຫວຽດນາມ ໂງມິງຫຽນ ໄດ້ເຊັນບົດບັນທຶກຮັບຮອງໝາກຜົນການປະຊຸມຄັ້ງນີ້ ແລະ ເຫັນດີເປັນເອກະສັນສູງໃນການສືບຕໍ່ຜັນຂະຫຍາຍບັນດາຂໍ້ຕົກລົງທີ່ສອງຝ່າຍບັນລຸໄດ້ໃນການປະຊຸມ, ເພື່ອແນໃສ່ຍູ້ແຮງການຮ່ວມມືລະຫວ່າງ ວິທະຍຸກະຈາຍສຽງຫວຽດນາມ ແລະ ກົມປະຊາສຳພັນໄທ ຂຶ້ນສູ່ລະດັບສູງໃໝ່.
Xuân Sơn-Tống Sơn