WHO ກ່າວເຕືອນບັນດາປະເທດ ທີ່ມີຜູ້ຕິດເຊື້ອໂຄວິດ - 19 ເພີ່ມຂຶ້ນຄວນຫຼຸດເວລາແຍກຕົວໃນບາງກໍລະນີ
(VOVWORLD) -ໃນຄວາມມານະພະຍາຍາມເພື່ອມຸ່ງໄປເຖິງການດຳລົງຊີວິດໃນສະພາບ “ປົກກະຕິໃໝ່”, ອົງການອະນາໄມໂລກ (WHO) ໄດ້ກ່າວເຕືອນບັນດາປະເທດ ທີ່ມີຜູ້ຕິດເຊື້ອໂຄວິດ - 19 ເພີ່ມຂຶ້ນຄວນຫຼຸດເວລາແຍກຕົວໃນບາງກໍລະນີ.
 ພາບປະກອບ |
ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 15 ໂມງຂອງວັນທີ 18 ກຸມພາ (ຕາມເວລາ UTC), ໂລກ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ທັງໝົດ ເກືອບ421 ລ້ານຄົນ ແລະ ມີຜູ້ເສຍຊີວິດຫຼາຍກ່ວາ 5,88 ລ້ານຄົນ. ອາເມລິກາ, ອິນເດຍ, ບຣາຊິນ ສືບຕໍ່ແມ່ນປະເທດໄດ້ຮັບຜົນສະທ້ອນຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19.
ສ່ວນຢູ່ ຫວຽດນາມ ນັບແຕ່ເວລາ 16 ໂມງຂອງວັນທີ 18 ກຸມພາ ຫາເວລາ 16 ໂມງຂອງວັນທີ 19 ກຸມພາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໃໝ່ຕື່ມອີກ 41.980 ຄົນຢູ່ 61/63 ແຂວງນະຄອນ, ໃນຮອບເວລາ 24 ຊົ່ວໂມງ, ຫວຽດນາມ ມີ 6.840 ຄົນໄດ້ຮັບການປິ່ນປົວຫາຍດີເປັນປົກກະຕິ ແລະ ມີຜູ້ເສຍຊີວິດ 65 ຄົນ.
ໃນຄວາມມານະພະຍາຍາມເພື່ອມຸ່ງໄປເຖິງການດຳລົງຊີວິດໃນສະພາບ “ປົກກະຕິໃໝ່”, ອົງການອະນາໄມໂລກ (WHO) ໄດ້ກ່າວເຕືອນບັນດາປະເທດ ທີ່ມີຜູ້ຕິດເຊື້ອໂຄວິດ - 19 ເພີ່ມຂຶ້ນຄວນຫຼຸດເວລາແຍກຕົວໃນບາງກໍລະນີ.