(VOVWORLD) - ການພົວພັນລະຫວ່າງ ອາຊຽນ ກັບບັນດາຄູ່ຮ່ວມມືໃນປັດຈຸບັນ ໄດ້ສະແດງຄວາມສະໜິດຕິດພັນຜ່ານຄວາມມານະພະຍາຍາມເປີດກວ້າງການຮ່ວມມືໃນບັນດາຂົງເຂດຄື: ເສດຖະກິດດີຈີຕອນ, ການຫັນເປັນສີຂຽວ, ສ້າງລະບົບສະໜອງໃຫ້ເຂັ້ມແຂງດ້ວຍຕົນເອງ, ກໍ່ຄືການເພີ່ມທະວີການເຊື່ອມຕໍ່ໃນພາກພື້ນກ່ຽວກັບພື້ນຖານໂຄງລ່າງ, ລະບອບລະບຽບການ ແລະ ມະນຸດ. ຕາມທິດນັ້ນ, ມີເອກະສານ, ຂໍ້ລິເລີ່ມຫຼາຍສະບັບໄດ້ຮັບການຊຸກຍູ້ໃນໂອກາດນີ້ຄື: ຖະແຫຼງການລັດຖະມົນຕີກະຊວງການຕ່າງປະເທດ ອາຊຽນ - ອັງກິດ ກ່ຽວກັບການເພີ່ມທະວີການເຊື່ອມຕໍ່, ກອງທຶນອະນາຄົດດີຈີຕອນ ອາຊຽນ - ອິນເດຍ, ຂໍ້ລິເລີ່ມສີຂຽວ ແລະ ການເຊື່ອມຕໍ່ແບບຍືນຍົງ ລະຫວ່າງ ອາຊຽນ - EU… ດ້ວຍບັນດາຜົນງານທີ່ບັນລຸໄດ້ໃນກອງປະຊຸມຕ່າງໆ, ອາຊຽນ ພວມນັບມື້ນັບຢັ້ງຢືນໄດ້ບົດບາດເປັນໃຈກາງຂອງຕົນ, ເປັນສະມາຄົມທີ່ສ້າງຄວາມເຂັ້ມແຂງດ້ວຍຕົນເອງ, ມີການເຊື່ອມຕໍ່ ແລະ ບືນຕົວຂຶ້ນອອກສູ່ວົງກວ້າງ

(VOVWORLD) - ວັນທີ 17 ກັນຍາ, ຢູ່ນະຄອນຫຼວງ ວຽງຈັນ ຂອງ ລາວ, ໄດ້ຈັດພິທີໄຂກອງປະຊຸມລັດຖະມົນຕີເສດຖະກິດ ອາຊຽນ ຄັ້ງທີ 56, ພາຍໃຕ້ການເປັນປະທານຂອງທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ລາວ ມະໄລທອງ ກົມມະສິດ, ພ້ອມດ້ວຍລັດຖະມົນຕີເສດຖະກິດບັນດາປະເທດສະມາຊິກ ອາຊຽນ ແລະ Timor Leste.

(VOVWORLD) - ຊາວ ອິນໂດເນເຊຍ ມີຄຳສຸພາສິດທີ່ວ່າ “ບໍ່ຮູ້ແມ່ນບໍ່ຮັກ” ແລະ ຄຳສຸພາສິດດັ່ງກ່າວກໍ່ຖືກກັບເພື່ອນໜຸ່ມ 2 ຄົນ, ນັ້ນແມ່ນ ເຈິ່ນທິກ່ຽວຈິງ ແລະ ເຈິ່ນມິງຫຽວ, ເຊິ່ງເປັນຜູ້ຍາດໄດ້ລາງວັນຊະນະເລີດໃນການແຂ່ງຂັນບັນລະຍາຍ ແລະ ຮ້ອງເພງພາສາ ອິນໂດເນເຊຍ ທີ່ໄດ້ດຳເນີນໃນວັນທີ 22 ສິງຫາ ຜ່ານມາ, ຢູ່ມະຫາວິທະຍາໄລແຫ່ງຊາດ ນະຄອນ ໂຮ່ຈີມິນ. ໂດຍເປັນນັກສຶກສາຂະແໜງ ອິນໂດເນເຊຍ ວິທະຍາ ທີ່ໄດ້ສຳຜັດກັບພາສາ, ວັດທະນະທຳ ແລະ ປະຊາຊົນປະເທດນັບພັນເກາະ, ຕາມການເວລາ ເຂົາເຈົ້າຈຶ່ງໄດ້ຮູ້ວ່າ ຕົນເອງຮັກ ອິນໂດເນເຊຍ ຕັ້ງແຕ່ຕອນໃດກໍ່ບໍ່ຮູ້ເມື່ອ. ແລະ ການແຂ່ງຂັນນີ້ ກໍແມ່ນໂອກາດເພື່ອໃຫ້ເຂົາເຈົ້າສະແດງນ້ຳໃຈຄວາມຮັກແພງນັ້ນ.

(VOVWORLD) - ຄຶກຄື້ນ, ກະຕືລືລົ້ນ, ຈັບອົກຈັບໃຈແມ່ນບັນຍາກາດຂອງຮອບຊີງຊະນະເລີດ “ການແຂ່ງຂັນບັນລະຍາຍແລະຮ້ອງເພງພາສາອິນໂດເນເຊຍ” ເຊິ່ງໄດ້ດຳເນີນໃນທ້າຍເດືອນສິງຫາຜ່ານມາຢູ່ສະໂມສອນພະແນກວັນນະຄະດີ, ມະຫາວິທະຍາໄລວິທະຍາສາດສັງຄົມແລະມະນຸດສາດ, ມະຫາວິທະຍາໄລແຫ່ງຊາດນະຄອນໂຮ່ຈີມິນ. ນີ້ແມ່ນໂອກາດເພື່ອໃຫ້ຜູ້ເຂົ້າຮ່ວມການແຂ່ງຂັນສະແດງຄວາມສາມາດໃນການບັນຍາຍແລະຄວາມເມົາມົວກັບພາສາ, ວັດທະນະທຳອິນໂດເນເຊຍ.

(VOVWORLD) - ໂດຍຕອບສະໜອງວັນເຊີດຊູພາສາ ຫວຽດ ໃນປະຊາຄົມຊາວ ຫວຽດນາມ ຢູ່ຕ່າງປະເທດ, ວັນທີ 7 ກັນຍາ, ຢູ່ວັດ ເຟີດຕິກ, ນະຄອນຫຼວງ ວຽງຈັນ, ລາວ ໄດ້ດຳເນີນພິທີເຊີດຊູພາສາ ຫວຽດ ຢູ່ ລາວ ປີ 2024.

(VOVWORLD) - ກອງປະຊຸມຜູ້ບັນຊາການກຳລັງປ້ອງກັນປະເທດບັນດາປະເທດ ອາຊຽນ ຄັ້ງທີ 21 (ACDFM – 21) ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 05 ກັນຍາ, ຢູ່ນະຄອນຫຼວງ ວຽງຈັນ.

(VOVWORLD) - ວັນທີ 03 ກັນຍາ, ຢູ່ນະຄອນຫຼວງ ວຽງຈັນ, ປະເທດ ລາວ, ໄດ້ດຳເນີນກອງປະຊຸມຜູ້ນຳອົງການສືບລາຊະການລັບກອງທັບບັນດາປະເທດສະມາຊິກ ອາຊຽນ ຄັ້ງທີ 21 (AMIM – 21), ດ້ວຍການເຂົ້າຮ່ວມຂອງຜູ້ນໍາອົງການສືບລາຊະການລັບກອງທັບ 10 ປະເທດສະມາຊິກ ອາຊຽນ ພ້ອມດ້ວຍຜູ້ຕາງໜ້າ Timor Leste ເຂົ້າຮ່ວມ ດ້ວຍຖານະເປັນຜູ້ສັງເກດການ.

(VOVWORLD) - ສິລະປະປະຕິມາກຳໜັງ ແມ່ນສ່ວນໜຶ່ງມໍລະດົກວັດທະນະທຳພື້ນເມືອງຂອງ ກຳປູເຈຍ ທີ່ມີມາແຕ່ດົນນານ, ຊ້ຳບໍ່ໜຳ ຍັງມີກ່ອນປີກໍ່ສ້າງວັດ ອັງກໍ ແລະ ໄດ້ສືບທອດກັນມາຈົນເຖິງປັດຈຸບັນ. ບັນດາຜົນງານປະຕິມາກຳໜັງ ມີຄຸນຄ່າສິລະປະທີ່ເປັນເອກະລັກ, ດ້ວຍບັນດາຮູບພາບທີ່ມີຊີວິດຊີວາໃນເລື່ອງລາວພື້ນເມືອງ ແລະ ໃກ້ຊິດກັບພື້ນຖານວັດທະນະທຳຂະແມ. ໄປຄຽງຄູ່ກັນນັ້ນ, ອາຊີບປະຕິມາກຳໜັງ ຍັງຕິດພັນກັບປະເພດສິລະປະຟ້ອນຕຸກກະຕາເງົາ Sbek Thom, ເຊິ່ງອົງການ UNESCO ໄດ້ຮັບຮອງວ່າ ເປັນມໍລະດົກວັດທະນະທຳນາມມະທຳທຳອິດຢູ່ອິນດູຈີນ.

(VOVWORLD) - ສຳລັບບັນດາຜູ້ຟັງທີ່ຮູ້ຈັກເຖິງປະເທດຊາດ ແລະ ຊາວ ຫວຽດນາມ ຜ່ານລາຍການຕ່າງໆຂອງ VOV, ເມື່ອເຂົາເຈົ້າໄດ້ມາຢ້ຽມຢາມ, ໄດ້ເຫັນກັບຕາ ແລະ ໄດ້ສຳຜັດກັບຕົວເອງນັ້ນ ແມ່ນສິ່ງທີ່ເໜືອກວ່າຄາດຫວັງ. ການເດີນທາງຄົ້ນຫາ, ທ່ອງທ່ຽວຢູ່ ຫວຽດນາມ DX Tour 5 ຫວຽດນາມ ຂອງ ຄະນະຜູ້ຟັງວິທະຍຸທ່ີ່ມາຈາກປະເທດ ອິນໂດເນເຊຍ ໄດ້ເປັນການຢືນຢັນໃຫ້ແກ່ສິ່ງດັ່ງກ່າວ.

(VOVWORLD) - ອາຊຽນ ແມ່ນໜຶ່ງໃນບັນດາອົງການຈັດຕັ້ງສຳຄັນ, ມີຄວາມໄວ້ວາງໃຈຂອງພາກພື້ນ ແລະ ໃນໂລກ. ຜ່ານໄລຍະແຫ່ງການສ້າງຕັ້ງ ແລະ ພັດທະນາມາເປັນເວລາ 57 ປີ (ວັນທີ 8 ສິງຫາ 1967 – 8 ສິງຫາ 2024), ອາຊຽນ ໄດ້ສ້າງຫຼາຍຂີດໝາຍສຳຄັນໃນວິວັດການຮ່ວມມື, ເຮັດໃຫ້ທົ່ວກຸ່ມພັດທະນາ, ເຊື່ອມໂຍງຢ່າງເລິກເຊິ່ງກວ້າງຂວາງ ໃນເວທີສາກົນ. ໃນໄລຍະເກືອບ 30 ປີ ຮ່ວມເດີນທາງພ້ອມກັບ ອາຊຽນ, ຫວຽດນາມ ໄດ້ມີການປະກອບສ່ວນຫຼາຍຢ່າງ ບົນຈິດໃຈເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບ.