(VOVWORLD) - ສຳລັບບັນດາຜູ້ຟັງທີ່ຮັກລາຍການວິທະຍຸ, ແລ້ວມີໂອກາດໄດ້ພົບປະກັບໂຄສົກ, ຢ້ຽມຢາມບ່ອນເຮັດວຽກ, studio - ເຊິ່ງເປັນບ່ອນທີ່ແຕ່ລະມື້ ໂຄສົກໄດ້ອ່ານຂ່າວໃນຄື້ນວິທະຍຸນັ້ນ ແມ່ນຄວາມຝັນ ຄວາມປາດຖະໜາ ໂດຍບໍ່ແມ່ນຜູ້ໃດກໍສາມາດປະຕິບັດໄດ້, ພິເສດ ເມື່ອນັ້ນແມ່ນບັນດາສະຖານີວິທະຍຸສາກົນຢູ່ຕ່າງປະເທດ. ຫວ່າງແລ້ວນີ້, ການຢ້ຽມຢາມຂອງຄະນະຜູ້ຟັງລາຍການວິທະຍຸ ຂຶ້ນກັບສະໂມສອນ Borneo Listener Club (ເກາະ Kamlimantan, ອິນໂດເນເຊຍ) ມາ ຫວຽດນາມ ແລະ ວິທະຍຸກະຈາຍສຽງ ຫວຽດນາມ (VOV) ກໍ່ໄດ້ຫັນຄວາມຝັນຂອງບັນດາຜູ້ມັກຟັງລາຍການວິທະຍຸໃຫ້ປະກົດຜົນເປັນຈິງ.

(VOVWORLD) - ວັນທີ 8 ສິງຫາ, ອາຊຽນ ໄດ້ສະເຫຼີມສະຫຼອງການສ້າງຕັ້ງຄົບຮອບ 57 ປີ (8/8/1967 – 8/8/2024). 57 ປີ ຜ່ານມາ, ຜົນສຳເລັດທີ່ສຳຄັນທີ່ສຸດຂອງ ອາຊຽນ ແມ່ນຮັບປະກັນການຮັກສາສັນຕິພາບ ແລະ ສະຖຽນລະພາບຢູ່ພາກພື້ນ ອາຊີຕາເວັນອອກສ່ຽງໃຕ້, ບັນດາປະເທດສະມາຊິກສ້າງໄດ້ສາຍພົວພັນຮ່ວມມືທີ່ນັບມື້ນັບດີງາມກວ່າເກົ່າ. ຄວາມແຕກຕ່າງກັນລະຫວ່າງບັນດາສະມາຊິກ, ຂໍ້ຂັດແຍ້ງ ຫຼື ຄວາມບໍ່ລົງລອຍກັນສ່ວນໃດໜຶ່ງ ລ້ວນແຕ່ໄດ້ຮັບການເຈລະຈາ ແລະ ໄກ່ເກ່ຍບົນພື້ນຖານເພື່ອຜົນປະໂຫຍດສ່ວນລວມ.

(VOVWORLD) - ປະຕິມາກຳທອງ ແມ່ນປະເພດສິລະປະທີ່ເປັນເອກະລັກ, ເຂັ້ມຄົ້ນໄປດ້ວຍສີສັນວັດທະນະທຳຂອງ ກຳປູເຈຍ. ພວກເຮົາສາມາດພົບເຫັນບັນດາຜົນງານປະຕິມາກຳໄດ້ທົ່ວໄປດ້ວຍຮູບຊົງ, ລວດລາຍທີ່ເປັນເອກະລັກຢູ່ຕາມວັດວາອາຮາມແຫ່ງຕ່າງໆໃນທົ່ວປະເທດ ກຳປູເຈຍ, ພິເສດແມ່ນເຂດຮ່ອງຮອຍ ອັງກໍວັດ. ແລະ ມາຮອດທຸກວັນນີ້, ທ່ານ Chea Yuthea, ຊ່າງປະຕິມາກຳທອງ ອາຍຸ 70 ປີ ແຕ່ໄດ້ຕິດພັນກັບອາຊີບນີ້ເປັນເວລາເກືອບ 60 ປີ ຢູ່ເມືອງ Ponhea Leu ຂອງແຂວງ Kandal ຍັງສືບຕໍ່ປະຕິບັດພາລະກຳຮັກສາ ແລະ ຖ່າຍທອດອາຊີບທີ່ເປັນມູນເຊື້ອນີ້ໃຫ້ຄົນລຸ້ນຫຼັງ.

(VOVWORLD) - ການຈາກໄປຂອງທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ ແມ່ນຄວາມເສົ້າສະຫຼົດໃຈອັນສຸດຊື້ງສຳລັບຫຼາຍຄົນ, ບໍ່ພຽງແຕ່ສຳລັບປະຊາຊົນ ຫວຽດນາມ ເທົ່ານັ້ນ, ຫາກຍັງນັບທັງປະຊາຊົນໃນພາກພື້ນ ແລະ ໃນໂລກອີກດ້ວຍ, ໃນນັ້ນ ມີປະຊາຊົນລາວບັນດາເຜົ່າອ້າຍນ້ອງ. ວັນທີ 25 – 26 ກໍລະກົດຜ່ານມາ, ພັກ, ລັດ ແລະ ປະຊາຊົນລາວ ໄດ້ໄວ້ອາໄລລະດັບຊາດເພື່ອອາໄລຫາເພິ່ນ. ສິ່ງນັ້ນ ໄດ້ສະແດງໃຫ້ເຫັນເຖິງນ້ຳໃຈອັນພິເສດຂອງປະຊາຊົນ ລາວ ບັນດາເຜົ່າທີ່ມີຕໍ່ທ່ານຜູ້ນຳທີ່ແສນເຄົາລົບຮັກ. ຮູບພາບຂອງເພິ່ນ ຍາມໃດກໍຝັງເລິກໃນຈິດສຳນຶກຂອງປະຊາຊົນດິນແດນແຫ່ງດອກຈຳປາຕະຫຼອດໄປ.

(VOVWORLD) - ໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 57 (AMM 57) ແລະ ບັນດາກອງປະຊຸມທີ່ກ່ຽວຂ້ອງຢູ່ນະຄອນຫຼວງ ວຽງຈັນ (ລາວ), ວັນທີ 26 ກໍລະກົດ, ທ່ານຮອງລັດຖະມົນຕີການຕ່າງປະເທດ ຫວຽດນາມ ໂດ໊ຮຸ່ງຫວຽດ ໄດ້ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມລັດຖະມົນຕີການຕ່າງປະເທດຮ່ວມມື ແມ່ຂອງ - ຍີ່ປຸ່ນ ຄັ້ງທີ 15 (MJC 15) ແລະ ກອງປະຊຸມລັດຖະມົນຕີການຕ່າງປະເທດ ຮ່ວມມື ແມ່ຂອງ - ສ.ເກົາຫຼີ ຄັ້ງທີ 12 (MKC 12).

(VOVWORLD) - ທ່ານຮອງລັດຖະມົນຕີການຕ່າງປະເທດ ຫວຽດນາມ ໂດ໊ຮຸ່ງຫວຽດ ໄດ້ສະເໜີ ອາຊຽນ ກະກຽມການຍື່ນສະເໜີມະຕິວ່າດ້ວຍສົນທິສັນຍາ SEANWFZ ເຖິງສະມັດຊາໃຫຍ່ ສປຊ ໂດຍໄວ ແລະ ສືບຕໍ່ຊຸກຍູ້ບັນດາປະເທດທີ່ມີອາວຸດນິວເຄຼຍ ເຂົ້າຮ່ວມອະນຸສັນຍາ SEANWFZ.

(VOVWORLD) - ວັນທີ 23 ກໍລະກົດ, ຢູ່ນະຄອນຫຼວງ ວຽງຈັນ (ລາວ), ໄດ້ດຳເນີນກອງປະຊຸມຂອງບັນດາເຈົ້າໜ້າທີ່ອາວຸໂສ (SOM) ອາຊຽນ ເພື່ອສຳຫຼວດກວດຄືນ ແລະ ປະຕິບັດສຳເລັດທຸກດ້ານຂອງວຽກງານກະກຽມໃຫ້ແກ່ກອງປະຊຸມລັດຖະມົນຕີການຕ່າງປະເທດ ອາຊຽນ (AMM) ຄັ້ງທີ 57 ແລະ ບັນດາກອງປະຊຸມທີ່ກ່ຽວຂ້ອງ.

(VOVWORLD) - ການນຳບໍ່ແມ່ນຄົນສຳຄັນທີ່ສຸດໃນບໍລິສັດ. ຜູ້ທີ່ສຳຄັນທີ່ສຸດແມ່ນລູກຄ້າ ແລະ ພະນັກງານ, ເພາະວ່າເຂົາເຈົ້າເປັນຜູ້ສ້າງຜົນສຳເລັດໃຫ້ແກ່ບໍລິສັດ”. ນັ້ນແມ່ນທິດສະດີປັດຊະຍາຂອງທ່ານ Sooksunt Jiumjaiswanglerg, ຮອງປະທານຄະນະບໍລິຫານງານ CPF ໃນຕະຫຼອດໄລຍະ 45 ປີ ທີີ່ເຮັດວຽກ ຢູ່ກຸ່ມບໍລິສັດ Charoen Pokphand - ຜູ້ຊາຍໄທ ມີ “ຫົວໃຈເປັນ ຫວຽດນາມ”.

(VOVWORLD) - ດ້ວຍຄວາມຮັກ ແລະ ຄວາມເຄົາລົບນັບຖືພິເສດທີ່ມີຕໍ່ປະທານ ໂຮ່ຈີມິນ, ໃນໄລຍະເວລາບໍ່ຮອດ 10 ປີ, ຈິດຕະກອນ ດ່າວຈ້ອງຫຼີ - ຊາວຫວຽດນາມ ອາໄສຢູ່ ໄທ ແຕ້ມພາບກ່ຽວກັບປະທານ ໂຮ່ຈີມິນ ໄດ້ກວ່າ 100 ແຜ່ນ. ປັດຈຸບັນ, ບັນດາພາບແຕ້ມດັ່ງກ່າວ ໄດ້ວາງສະແດງຢູ່ເຂດອະນຸສອນສະຖານ ປະທານ ໂຮ່ຈີມິນ ຢູ່ແຂວງ ນະຄອນ ພະນົມ, ຫໍພິພິຕະພັນວິຈິດສິນ ຫວຽດນາມ ແລະ ສຳນັກງານສະມາຄົມ ໄທ - ຫວຽດ ຕັ້ງຢູ່ແຂວງຕ່າງໆຂອງ ໄທ. ຈຳນວນພາບແຕ້ມເຫຼົ່ານັ້ນ ໄດ້ສ້າງຄວາມປະທັບໃຈຢ່າງແຮງຕໍ່ຜູ້ຊົມ ແລະ ໄດ້ຮັບການຕີລາຄາສູງຈາກວົງການນັກວິຊາການ ຍ້ອນວ່າ ບໍ່ເຄີຍມີຊຸດພາບແຕ້ມໃດທີ່ໄດ້ແຕ້ມກິດຈະກຳການເຄື່ອນໄຫວຂອງລູງໂຮ່ ໄດ້ຢ່າງຄົບຖ້ວນຄືຊຸດພາບແຕ້ມຂອງ ຈິດຕະກອນ ດ່າວຈ້ອງຫຼີ.

(VOVWORLD) - ຢູ່ ອິນໂດເນເຊຍ ຫຼື ບັນດາປະເທດ ອິດສະລາມ ອື່ນໆ, ພາບແມ່ຍິງໃສ່ຜ້າປົກຫົວ “Hijab” ໄດ້ເປັນທີ່ຮູ້ຈັກກັນດີ. Hijab ບໍ່ພຽງແຕ່ຕາງໜ້າໃຫ້ຄວາມງາມຂອງແມ່ຍິງ ມຸດສະລິມ ເທົ່ານັ້ນ, ຫາກຍັງສະແດງໃຫ້ເຫັນຫຼັກການ ແລະ ມາດຖານຂອງສາສະໜານີ້ອີກດ້ວຍ. ດ້ວຍຈຸດປະສົງ ແລກປ່ຽນວັດທະນະທຳ ແລະ ນຳເອົາບັນດາຈຸດທີ່ເປັນເອກະລັກສະເພາະຂອງສາສະໜາ ອິດສະລາມ ຫຍັບມໍ່ເຂົ້າໃກ້ກັບນັກສຶກສາ ຫວຽດນາມ, ສະໂມສອນ ພາສາ ແລະ ວັດທະນະທຳ ອິນໂດເນເຊຍ (BABUD) ແລະ ຄະນະສັງຄົມສາດ - ວຽກງານສັງຄົມ - ອາຊີຕາເວັນອອກສ່ຽງໃຕ້, ມະຫາວິທະຍາໄລເປີດ ນະຄອນ ໂຮ່ຈີມິນ ໄດ້ສົມທົບກັນຈັດ workshop ດ້ວຍຫົວຂໍ້ “Hijab - ສັນຍາລັກຂອງແມ່ຍິ