(VOVWORLD) -ລຸງ ລ້າຍຝູແທັກ ຢູບ້ານ ຈຸງຍາ ຕາແສງ ເຫງຍໂດ ເມືອງ ເກົ່າເຢິ໊ຍ ຮ່າໂນ້ຍ, ແມ່ນນາຍຊ່າງພຽງຄົນດຽວໃນວົງຕະກຸນ ລ້າຍ ຍັງຮັກສາເຄັດລັບການຜະລິດເຈ້ຍເຮັດພະລາຊະດຳລັດ. ປີນີ້ລຸງໄດ້ມີອາຍຸ 61 ປີແລ້ວ ແຕ່ລາວຍັງມີຄວາມເປັນຫ່ວງຕໍ່ອາຊີບທີ່ມີມາກວ່າ 600 ປີມານີ້ຂອງວົງຕະກຸນຕົນ ເຊິ່ງມີຄວາມສ່ຽງຈະຖືກສູນຫາຍ ເມື່ອບໍ່ມີໃຜສືບຕໍ່ຮັກສາອາຊີບນີ້.

(VOVWORLD) - ດ້ວຍວິຖີຊີວິດທີ່ລຽບງ່າຍ, ມີຄວາມໃກ້ຊິດສະໜິດສະໝົມ, ມີກຳລັງຄວາມສາມາດໃນການຊີ້ນຳນຳພາ ແລະ ມີຈິນຕະນາການຍຸດທະສາດດີເລີດນັ້ນ, ອະດີດປະທານປະເທດ, ພົນເອກ ເລດຶກແອັງ ສົມແລ້ວທີ່ເປັນລູກສິດຂອງ ປະທານ ໂຮ່ຈີມິນ. ໃນຖານະຕຳແໜ່ງຮອງລັດຖະມົນຕີ ກະຊວງປ້ອງກັນປະເທດ, ທັງເປັນຜູ້ບັນຊາການທະຫານອາສາສະໝັກ ຫວຽດນາມ ຢູ່ ກຳປູເຈຍ, ພົນເອກ ເລດຶກແອັງ ໄດ້ມີຄວາມຕັດສິນອັນສະຫຼາດສ່ອງໃສໃນການຊ່ວຍເຫຼືອປະເທດ ກຳປູເຈຍ ໃຫ້ຫຼຸດພົ້ນອອກຈາກລະບອບດັບສູນເຊື້ອຊາດ. ສ່ວນໃນຖານະຕຳແໜ່ງປະທານປະເທດ, ທ່ານໄດ້ເຮັດຫຼ້ອນໜ້າທີ່ຂອງປະທານປະເທດ ຊື່ງລັດຖະທຳມະນູນ ຫວຽດນາມ ໄດ້ກຳນົດໄວ້ ແລະ ມີລັດຖະນະໂຍບາຍຫຼາຍຢ່າງໃນການເພີ່ມພູນຄູນສ້າງນ້ຳໃຈມິດຕະພາບລະຫວ່າງ ຫວຽດນາມ ກັບບັນດາປະເທດບ້ານໃກ້ເຮືອນຄຽງ.

(VOVWORLD) -ເກີ່ລາວ ແມ່ນໜຶ່ງໃນຈໍານວນຊົນເຜົ່າສ່ວນໜ້ອຍທີ່ມີປະຊາກອນໜ້ອຍຢູ່ ຫວຽດນາມ. ຊາວເຜົ່າ ເກີ່ລາວ ຍັງມີຊື່ເອີ້ນອື່ນອີກຄື: ຕື໊ດື, ຮໍກີ, ວາວເດ່. ຊົນເຜົ່າ ເກີ່ລາວ ອົບພະຍົບມາຢູ່ ຫວຽດນາມ ໂດຍຫ່າງຈາກນີ້ປະມານ 150 –200 ປີ. ຊາວເຜົ່າ ເກີ່ລາວ ແບ່ງອອກເປັນກຸ່ມຢູ່ຕາມທ້ອງຖິ່ນຕ່າງໆ ເຊິ່ງລວມມີ ເກີ່ລາວຂຽວ, ເກີ່ລາວຂາວ, ເກີ່ລາວແດງ ດ້ວຍຈຳນວນພົນລະເມືອງທັງໝົດຍັງບໍ່ຮອດ 3.000 ຄົນ, ອາໄສຕົ້ນຕໍຢູ່ແຂວງ ຮ່າຢາງ. ກ່ອນໜ້ານີ້ ຊາວເຜົ່າ ເກີ່ລາວ ມີພາສາສະເພາະ, ແຕ່ມາໃນປັດຈຸບັນ ຄົນ ເກີ່ລາວ ສ່ວນຫຼາຍແມ່ນບໍ່ຮູ້ພາສາຂອງຊົນເຜົ່າຕົນ. ໃນການພົບປະແລກປ່ຽນວັດທະນະທຳກັບຊົນເຜົ່າອື່ນ, ເຂົາເຈົ້າອາດຈະໃຊ້ພາສາ ກວານຮ໋ວາ, ພາສາ ນຸ່ງ ຫຼື ພາສາ ປູແປ໊ວ, ເຮີມົງ.

(VOVWORLD) -ຄວາມອົດທົນ, ດຸໝັ່ນຂະຫຍັນພຽນ, ປະດິດຄິດສ້າງ ແມ່ນບັນດາຄຸນນະທຳອັນດີງາມຂອງບັນດານັກຮົບເກົ່າ, ນັກສິລະປະການ ຟ້າມຄັກຮ່າ, ປະທານສະມາຄົມໝູ່ບ້ານອາຊີບ ຫັດຖະກໍາ ຫວ້ານຟຸກ. ທ່ານ ຮ່າ ແມ່ນໜຶ່ງໃນບັນດາຜູ້ທີ່ມີຄຸນງາມຄວາມດີອັນໃຫຍ່ຫຼວງໃນການຟື້ນຟູໝູ່ບ້ານອາຊີບຕ່ຳແພໄຫມຫວ້ານຟຸກ, ເມືອງ ຮ່າດົງ, ຮ່າໂນ້ຍ, ເຊິ່ງເຄີຍມີໄລຍະໜຶ່ງທີ່ຫຍຸ້ງຍາກລຳບາກ, ເບິ່ງຄືວ່າ ປະຊາຊົນໃນໝູ່ບ້ານບໍ່ສາມາດຮັກສາອາຊີບນີ້ໄວ້ໄດ້ແລ້ວ.

(VOVWORLD) - ແຕ່ຫຼາຍພັນປີກ່ອນນີ້, ຢູ່ເຂດດິນແດນ ໄຕງວຽນ ໄດ້ປະກົດມີເຄື່ອງດົນຕີຊະນິດໜຶ່ງທີ່ມີຄວາມເປັນເອກະລັກສະເພາະທີ່ສຸດ ແລະ ໄດ້ສືບທອດກັນມາຈົນເຖິງປະຈຸບັນ,ນັ້ນແມ່ນປະເພດເຄື່ອງດົນຕີນອນຢູ່ໃນລະບົບເຄາະຕີ ເຊິ່ງເຄີຍເອີ້ນວ່າ ລະນາດຫີນ,ບັນດາຊົນເຜົ່າ ໄຕງວຽນ ເອີ້ນວ່າ ກອງລູ (ໝາຍຄວາມວ່າ ຄ້ອງຫີນ). ສຽງລະນາດຫີນບາງເທື່ອກໍ່ດັງກ້ອງໄປທົ່ວເຂດພູຜາປ່າໄມ້, ບາງເທື່ອກໍ່ດັງຄືສຽງນ້ຳຫ້ວຍໄຫຼ. ສຽງລະນາດຫີນຄືດັ່ງແທນໃຫ້ຄຳເລົ່າຂານ, ເປັນກຳລັງໃຈຍາມທຸກຍາມສຸກໃນການດຳລົງຊີວິດຂອງປະຊາຊົນປະຈຳຖິ່ນ.

(VOVWORLD) - ວັນທີ 10 ເມສາ 2019, ລັດ, ລັດຖະບານ, ກອງທັບປະຊາຊົນຫວຽດນາມ ໄດ້ຈັດພິທີໄວ້ອາໄລທ່ານພົນຕີ ດົ່ງສີ໊ງວຽນ (1923 – 2019) ເຊິ່ງເປັນໜຶ່ງໃນບັນດານາຍພົນທີ່ດີເລີດຂອງກອງທັບປະຊາຊົນຫວຽດນາມ. ໃນຊີວິດການປະຕິວັດ ແລະ ເປັນທະຫານຂອງຕົນ, ສື່ສຽງວຽກງານຂອງທ່ານ ບໍ່ພຽງແຕ່ຕິດພັນກັບບັນດາຜົນງານຢູ່ເສັ້ນທາງ ພູຫຼວງ (ເຈຶື່ອງເຊີນ) - ເສັ້ນທາງໂຮ່ຈີມິນ ແຫ່ງເທບນິຍາຍເທົ່ານັ້ນ, ຫາກຍັງສ້າງຂີດໝາຍຫຼາຍຢ່າງທີ່ເປັນໜ້າປະທັບໃຈ ຕໍ່ບັນດາກິດຈະກໍາສະຕະວັດທີ່ມີຄວາມໝາຍສໍາຄັນໃນການພັດທະນາເສດຖະກິດ-ສັງຄົມ ແລະ ການປົກປັກຮັກສາປະເທດຊາດອີກດ້ວຍ.

(VOVWORLD) -ກໍຄືກັນກັບຊົນເຜົ່າອື່ນໆ, ຊາວ ເຜົ່າຢ້າວແດງ ກໍຕ້ອນຮັບບຸນເຕັດປະຈຳເຜົ່າໄລ່ຕາມຈັນທະປະຕິທິນ. ເພື່ອສະແດງເຖິງຄວາມເຄົາລົບນັບຖືຕໍ່ບັນພະບຸລຸດ, ຜູ້ທີ່ໄດ້ລ່ວງລັບໄປແລ້ວນັ້ນ, ໃນໂອກາດບຸນເຕັດ ພໍ່ແມ່ປະຊາຊົນກໍຈະເຮັດພິທີເຊີນບັນພະບຸລຸດມາຮ່ວມມ່ວນຊື່ນ ຕ້ອນຮັບບຸນເຕັດພ້ອມກັບຄອບຄົວ ແລະ ພາຍຫຼັງບຸນເຕັດ ພໍ່ແມ່ປະຊາຊົນກໍຈະເຮັດພິທີສົ່ງບັນພະບຸລຸດຂຶ້ນສະຫວັນ (ຫຼືເອີ້ນວ່າ ພົ໊ວຈ໊ວງ). ນີ້ແມ່ນໜຶ່ງໃນບັນດາຮີດຄອງປະເພນີເຫຼື້ອມໃສທີ່ເປັນເອກະລັກສະເພາະຂອງຊົນເຜົ່າ ຢ້າວແດງທີ່ດຳລົງຊີວິດຢູ່ເຂດ ໄຕບັກ (ເຂດຕາເວັນຕົກສ່ຽງເໜືອ) ຫວຽດນາມ.

(VOVWORLD) -ສຳລັບຊາວເຜົ່າ ເອເດ ແລ້ວ, ໄຫ ບໍ່ພຽງແຕ່ແມ່ນຊັບສົມບັດທີ່ສະແດງເຖິງຄວາມຮັ່ງມີ, ມັ່ງຄັ່ງເທົ່ານັ້ນ ຫາກຍັງສະແດງເຖິງລັກສະນະທີ່ມີຄວາມສັກສິດອີກດ້ວຍ. ໄຫ ໄດ້ນຳໃຊ້ເຂົາໃນພິທີກຳ, ພິທີບູຊາຕ່າງໆໃນຊີວິດແຫ່ງຈິດວິນຍານຂອງຊາວເຜົ່າ ເອເດ. ສະນັ້ນ, ແຕ່ລະເທື່ອເມື່ອຄອບຄົວໄດ້ຊື້, ຂາຍ ຫຼື ເຄື່ອນຍ້າຍໄຫທີ່ມີຄຸນຄ່ານັ້ນ, ເຈົ້າຂອງເຮືອນຕ້ອງໄດ້ເຮັດພິທີບູຊາໄຫ ເພື່ອແຈ້ງໃຫ້ບັນດາສິ່ງສັກສິດ ແລະ ເຈົ້າກົກເຈົ້າເຫຼົ່າຮັບຮູ້. ນີ້ແມ່ນພິທີກຳທີ່ເປັນເອກະລັກສະເພາະຂອງຊາວເຜົ່າ ເອເດ ແຊງ ເມີເດີຮູ ແລະ ເບີໂລ ຢູ່ແຂວງ ດັກລັກ ຍັງຄົງຮັກສາໄວ້ໄດ້ຈົນເຖິງປັດຈຸບັນນີ້.

(VOVWORLD) -ຄາວຍັງໜຸ່ມ ນັກສິລະປິນເປຍໂນ ຈາງຈິ້ງ ຍາດໄດ້ລາງວັນສາກົນຢ່າງຫຼວງຫຼາຍ. ຈາງຈິ້ງ ບໍ່ພຽງແຕ່ແມ່ນໜຶ່ງໃນບັນດານັກສິລະປິນທີ່ມີຄວາມປີຊາສາມາດເທົ່ານັ້ນ ຫາກຍັງແມ່ນຜູ້ຕັ້ງໜ້າເຂົ້າຮ່ວມບັນດາການເຄື່ອນໄຫວເພື່ອການກຸສົນໃຫ້ແກ່ສັງຄົມອີກດ້ວຍ. ວາລະສານ Forbes ຫວຽດນາມ ໄດ້ຄັດເລືອກເອົານັກສິລະປິນ ຈາງຈິ້ງ ແມ່ນໜຶ່ງໃນ ຈຳນວນ 30 ຄົນ ທີ່ມີຜົນສະທ້ອນຫຼາຍທີ່ສຸດໃນຊີວິດສັງຄົມຢູ່ ຫວຽດນາມ ປີ 2015.

(VOVWORLD) - ຕາມປະເພນີຂອງຊາວບ້ານລາຟູ່, ຕາແສງຟູ່ລາ, ເມືອງ ຮວ່າຍດຶກ, ນະຄອນຮ່າໂນ້ຍ, ທຸກໆປີເມື່ອຮອດວັນທີ 13 ເດືອນຈຽງ ໄລ່ຕາມຈັນທະປະຕິທິນຊາວບ້ານລາຟູ່ໄດ້ຈັດຕັ້ງງານບຸນແຫ່ “ເຈົ້າໝູ”. ງານບຸນດັ່ງກ່າວແມ່ນໂອກາດເພື່ອໃຫ້ປະຊາຊົນໃນໝູ່ບ້ານລະນຶກເຖິງຄຸນງາມຄວາມດີຂອງຕິ໋ງກວັກຕາມລາງເຊິ່ງແມ່ນແມ່ທັບຜູ້ມີຄວາມປີຊາສາມາດໃນສະໄໝເຈົ້າຊີວິດຮຸ່ງເຢະເວືອງທີ 6 ທີ່ມີຄຸນງາມຄວາມດີໃນການຕໍ່ສູ້ ສັດຕູຜູ້ຮຸກຮານ, ປົກປັກຮັກສາພູຜາປ່າດົງ, ແມ່ນຳ້ລຳເຊແລະຜືນແຜ່ນດິນ.