(VOVWORLD) -ທີ່ພິທີເຊີດຊູ “ນັກວິທະຍາສາດຂອງຊາວກະສິກອນ” ຄັ້ງທຳອິດ ເຊິ່ງໄດ້ຮັບການຈັດຕັ້ງຂຶ້ນຢູ່ ຮ່າໂນ້ຍ ໂດຍກະຊວງກະສິກຳ ແລະ ພັດທະນາຊົນນະບົດ, ກະຊວງວິທະຍາສາດ ແລະ ເຕັກໂນໂລຢີ, ສະຫະພັນບັນດາສະມາຄົມວິທະຍາສາດເຕັກນິກ ຫວຽດນາມ, ສະມາຄົມຊາວກະສິກອນ ຫວຽດນາມ ສົມທົບກັນຈັດຕັ້ງຫວ່າງແລ້ວນີ້, ທ່ານ ນັກວິສາວະກອນ ຟ້າມເຮິນແຫ໋ງ, ສັງກັດ ສູນບໍລິການການກະເສດ ເມືອງ ມາຍເຊີນ, ແຂວງ ເຊີນລາ ແມ່ນໜຶ່ງໃນແບບຢ່າງດີເດັ່ນ 53 ທ່ານທີ່ໄດ້ຮັບການເຊີດຊູໃນຄັ້ງນີ້. ສຳລັບພໍ່ແມ່ປະຊາຊົນຊາວກະສິກອນຢູ່ຫຼາຍເຂດຂອງແຂວງ ເຊີນລາ - ທາງທິດຕາເວັນຕົກສ່ຽງເໝືອ (ໄຕບັ໋ກ) ຫວຽດນາມ ແລ້ວ,ອ້າຍ ແຫ໋ງ ແມ່ນນັກວິທະຍາສາດຂອງເຂົາເຈົ້າຢ່າງແທ້ຈິງ, ຍ້ອນບັນດາການປະດິດສ້າງ, ມາດຕະການດ້ານເຕັກນິກຂອງອ້າຍ ແຫ໋ງ ທີ່ໄດ້ຖ່າຍທອດນຳເອົາໝູນໃຊ້ນັ້ນ ອັນໄດ້ເສີມຂະຫຍາຍປະສິດທິຜົນໃນການຜະລິດກະເສດຢ່າງເຫັນໄດ້ຊັດ. ນັກຂ່າວ ບິກຖູຍ ມີບົດຂຽນດ້ວຍຫົວຂໍ້ວ່າ “ຟ້າມເຮິນແຫ໋ງ - ນັກວິທະຍາສາດຂອງຊາວກະສິກອນເຂດພູສູງທາງທິດຕາເວັນຕົກສ່ຽງເໝືອ ຫວຽດນາມ”.

(VOVWORLD) - ພ້ອມກັບການ ຕ່ຳແຜ່ນແພພື້ນເມືອງ, ສານກະພາ , ປະດິດສ້າງດົນຕີພື້ນເມືອງປະຈຳເຜົ່າແລ້ວ, ການສານສາດ ປຣານ ກໍແມ່ນໜຶ່ງໃນບັນດາອາຊີບທີ່ເປັນມູນເຊື້ອຂອງຊາວເຜົ່າ ຈາຣາຍ ຢູ່ແຂວງ ຢາລາຍ. ຕໍ່ໜ້າການພັດທະນາຂອງເຕັກໂນໂລຊີສານສາດທີ່ທັນສະໄໝດ້ວຍວັດສະດຸແຕກຕ່າງກັນນັ້ນ, ອາຊີບສານສາດ ປຣານມີຄວາມສ່ຽງທີ່ຈະສູນຫາຍໄປ. ເຖິງຢ່າງໃດກໍຕາມ, ໃນຊຸມປີຜ່ານມາ, ສະຫະພັນແມ່ຍິງຕາແສງອີອາເດິກ, ເມືອງຊາຍແດນ ດຶກເກີ, ແຂວງ ຢາລາຍ ໄດ້ສົມທົບກັບບັນດານັກສິລະປະການຊາວເຜົ່າ ຈາຣາຍ ຖ່າຍທອດ ແລະ ພັດທະນາອາຊີບສານສາດ ປຣານ ທີ່ເປັນເອກະລັກສະເພາະນີ້. ບົດຂຽນຂອງນັກຂ່າວ ຫງວຽນຖາວ ດ້ວຍຫົວຂໍ້ວ່າ “ຊາວເຜົ່າ ຈາຣາຍ ຮັກສາອາຊີບສານສາດ ປຣານ”.

(VOVWORLD) - ເມື່ອໄປຢາມບ້ານ ອຽນ, ຕາແສງ ກິມຈູຍ, ເມືອງ ກິມໂບຍ, ແຂວງ ຮວ່າບິ່ງ ຖາມຫານາຍຄູ ບູ່ຍວັນບິ່ງ ແມ່ນໃຜໆກໍຮູ້ຈັກ. ນັ້ນແມ່ນນາຍຄູເປັນຄົນພິການ ແຕ່ວ່າ ຫຼາຍກວ່າສິບປີມານີ້, ນາຍຄູ ບິ່ງ ເປັນຜູ້ທີ່ສຸດຈິດສຸດໃຈສອນໜັງສືໃຫ້ເດັກນ້ອຍທຸກຍາກໂດຍບໍ່ເສຍຄ່າຮຽນ. ເຖິງວ່າເປັນຄົນພິການມາແຕ່ນ້ອຍ ແລະ ຄາວນັ້ນຜູ້ເປັນພໍ່ກໍຖືກເສຍຊີວິດ, ການດຳລົງຊີວິດປະສົບກັບຄວາມຫຍຸ້ງຍາກຫຼາຍຢ່າງ ແຕ່ນາຍຄູກໍພະຍາຍາມເພື່ອຜ່ານຜ່າໄປ, ແລະ ດຳລົງຊີວິດຢ່າງພາກພູມໃຈ ເຮັດວຽກທີ່ເປັນປະໂຫຍດໃນຊີວິດ.

(VOVWORLD) -ດຸໝັ່ນຂະຫຍັນພຽນ, ອົດທົນໃນການອອກແຮງງານ, ປະຢັດໃນການໃຊ້ຈ່າຍ, ກ້າກັ່ນໃນການນຳໃຊ້ຄວາມກ້າວໜ້າຂອງວິທະຍາສາດເຕັກນິກເຂົ້າໃນການຜະລິດ, ອັນໄດ້ຊ່ວຍໃຫ້ຊີວິດການເປັນຢູ່ຂອງທ່ານ ຫຼີກວ່ນ ຢູ່ບ້ານ ໄດໂຊ, ຕາແສງ ແທ້ງກວ່ນ, ເມືອງ ໝີ໊ຊວຽນ, ແຂວງ ຊ໋ອກຈັງ ສ້າງຄວາມຮັ່ງມີແລະ ບືນຕົວຂຶ້ນຢ່າງບໍ່ຢຸດຢັ້ງ. ທ່ານແມ່ນແບບຢ່າງຊາວກະສິກອນທຳການຜະລິດເກັ່ງໃນຫຼາຍປີຢ່າງລຽນຕິດ ດ້ວຍລາຍຮັບໃນແຕ່ລະປີແມ່ນກວ່າຕື້ດົ່ງ.

(VOVWORLD) -ພາຍຫຼັງໄດ້ຮັບການເລືອກຕັ້ງເປັນສະມາຊິກຄະນະກຳມະການກົດໝາຍສາກົນ ສປຊ ອາຍຸການ 2017 –2021, ເມື່ອເດືອນມິຖຸນາ 2018, ປະລິນຍາເອກ ຫງວຽນຮົ່ງທາວ ສືບຕໍ່ໄດ້ຮັບຄວາມໄວ້ວາງໃຈເລືອກຕັ້ງເປັນຮອງປະທານຜູ້ທີ 2 ຂອງຄະນະກຳມະການກົດໝາຍສາກົນ. ນີ້ແມ່ນຄວາມເປັນກຽດ, ຄວາມເອກອ້າງທະນົງໃຈ ບໍ່ພຽງແຕ່ສຳລັບຕົວທ່ານເຫງວຽນຮົ່ງທາວເທົ່ານັ້ນ ຫາກຍັງແມ່ນການຢັ້ງຢືນທີ່ຕັ້ງບົດບາດຂອງຫວຽດນາມ ໃນບັນດາອົງການຈັດຕັ້ງຫຼາຍຝ່າຍທົ່ວໂລກອີກດ້ວຍ.

(VOVWORLD) -ບຸນເຂົ້າໃໝ່ ແມ່ນງານບຸນທີ່ສຳຄັນທີ່ສຸດໃນລະບົບບັນດາງານບຸນປະເພນີຂອງ ປະຊາຊົນຫວຽດນາມ. ສຳລັບພໍ່ແມ່ປະຊາຊົນ ຊົນເຜົ່າ ໄຕ່ ທີ່ດຳລົງຊີວິດຢູ່ເຂດພູສູງທາງທິດຕາເວັນຕົກສ່ຽງເໜືອຂອງ ຫວຽດນາມ ແລ້ວ, ຕາມປົກກະຕິ ບຸນເຂົ້າໃໝ່ ແມ່ນໄດ້ຈັດຂຶ້ນໃນເດືອນ 9, ເດືອນ 10 ໄລ່ຕາມຈັນທະປະຕິທິນຂອງທຸກໆປີ ດ້ວຍຈຸດປະສົງຊົມເຊີຍລະດູການປູກຝັງໄດ້ຮັບຄວາມສະດວກແລະ ສົມມະນາຄຸນບັນດາເທວະດີຟ້າແຖນດົນບັນດານໃຫ້ປະຊາຊົນມີລະດູການເກັບກ່ຽວທີ່ໄດ້ຮັບຜົນດີ.

(VOVWORLD) -ນັກກິລາ ກວ່າງທິທູເຫງັຍ ໄດ້ປະກອບສ່ວນນຳທິມຊາດ ປັນຈັກຊິລັດ ຫວຽດນາມ ຂຶ້ນຢືນຢູ່ອັນດັບທີ 2 ໃນຈຳນວນ 60 ປະເທດເຂົ້າຮ່ວມການແຂ່ງຂັນໃນຄັ້ງນີ້.

(VOVWORLD) -ກ້າວເຂົ້າສູ່ລະດູເກັບກ່ຽວ, ເມືື່ອຕົ້ນເຂົ້າຢູ່ນາຂັ້ນໄດ ຮວ່າງຊູຟີ່ ເລີ່ມປ່ຽນມາເປັນສີເຫຼືອງສຸກນັ້ນກໍແມ່ນເວລາທີ່ດຶງດູດແຂກທ່ອງທ່ຽວມາຊົມທິວທັດອັນງາມຕາທີ່ເປັນເອກະລັກພິເສດນີ້ຫຼາຍທີ່ສຸດ ເຊິ່ງມີພຽງແຕ່ແຫ່ງດຽວຢູ່ເຂດພູສູງທາງທິດຕາເວັນຕົກສ່ຽງເໜືອຂອງ ຫວຽດນາມ. ແຂກທ່ອງທ່ຽວມານີ້ ບໍ່ພຽງແຕ່ໄດ້ທັດສະນະຢ້ຽມຊົມເທົ່ານັ້ນ, ຫາກຍັງມີໂອກາດໄດ້ຊອກຮູ້ກ່ຽວກັບການດຳລົງຊີວິດ, ການອອກແຮງງານ, ຮີດຄອງປະເພນີວັດທະນະທຳຂອງພໍ່ແມ່ປະຊາຊົນບັນດາເຜົ່າຢູ່ທີ່ນີ້, ຊື່ງແມ່ນຜູ້ທີ່ໄດ້ປະດິດຄິດສ້າງໃນການເຮັດເປັນນາຂັ້ນໄດໃຫ້ມີຄວາມສວຍງາມຈັບອົກຈັບໃຈ.

(VOVWORLD) -ໃນຮູບພາບຫຼາກຫຼາຍສີສັນຂອງ 20 ຊົນເຜົ່າຢູ່ ລາຍເຈົາ, ຊາວເຜົ່າ ຮ່າຍີ່ ໄດ້ເປັນທີ່ຮູ້ຈັກຍ້ອນຄວາມອຸດົມສົມບູນ, ຫຼາກຫຼາຍກ່ຽວກັບສີສັນວັດທະນະທຳທາງດ້ານພູຜາປ່າໄມ້, ບັນດາງານບຸນປະເພນີ… ໃນນັ້ນ ສິ່ງທີ່ຕ້ອງເວົ້າເຖິງນັ້ນແມ່ນ ບຸນເຕັດປະເພນີ “ກໍ໊ແຍ່ຈ່າ” ຕາມປົກກະຕິຈະຈັດຂຶ້ນໃນທ້າຍເດືອນ 10, ຕົ້ນເດືອນ 11 ໄລ່ຕາມຈັນທະປະຕິທິນ, ເພື່ອຈັດໃສ່ໃຫ້ຖືກກັບມື້ໂຕມັງກອນ.

(VOVWORLD) -ພິນຕິ໊ງ ແມ່ນເຄື່ອງດົນຕີປະເພດຫນຶ່ງທີ່ພົ້ນເດັ່ນຂອງພໍ່ແມ່ປະຊາຊົນ ຊົນເຜົ່າ ໄຕ່, ນຸ່ງ, ຜູ້ໄທ ເວົ້າລວມ. ພິນຕິ໊ງໄດ້ໃຊ້ເຂົ້າໃນຊີວິດແຫ່ງຈິດວິນຍານ, ໃນງານບຸນ, ການຮ້ອງລຳທຳເພງ, ຂັບກ້ຽວ, ຜູກມິດ.