(vovworld) - ບ້ານນາ ແທງຖູຍ ຢູ່ ເມືອງເຮືອງຖູຍ ຫ່າງຈາກນະຄອນ ເຫ້ວທາງທິດຕາເວັນອອກສຽງໃຕ້ປະມານ 8 ກິໂລແມັດ, ຊຶ່ງແມ່ນໝູ່ບ້ານມີຂົວມຸງດິນຂໍແຫ່ງຫນຶ່ງທີ່ມີຊື່ວ່າຂົວ ແທນຕວາ່ນ ແລະ ກໍແມ່ນສິ່ງທີ່ດຶງດູດນັກທ່ອງທ່ຽວມາຢ້ຽມຢາມແຂວງ ເທ່ືອທຽນເຫ້ວ ເປັນຈຳນວນຫລວງຫລາຍ. ຖ້າ ມີໂອກາດໄດ້ມາຢ້ຽມຢາມເຂດບ້ານນາແຫ່ງນີ້ເທື່ອຫນຶ່ງອາດຮູ້ສຶກວ່າພວມມີຊີວິດໃນບັນຍາກາດຢູ່ໝູ່ບ້ານທີ່ສະຫງົບງຽບກ່ອນນີ້ຫລາຍສີບປີ.
ເມື່ອໄປຢ້ຽມຢາມບ້ານນາ ແທນຖູຍ, ຮູບພາບທຳອິດນັກທ່ອງທ່ຽວພົບເຫັນນັ້ນແມ່ນ ຂົວມຸງດິນຂໍ ແທນຕວ່ານ ທີ່ພົ້ນເດັ່ນດ້ວຍສະຖາປັດຕະຍະກຳບູຮານ.
“ນີ້ແມ່ນຂົວບູຮານແຫ່ງຫນຶ່ງມີຄຸນຄ່າດ້ານສະຖາປັດຕະຍະກຳສູງ, ມີລວງຍາວ 17 ແມັດ, ລວງກ້ວາງ 4 ແມັດ, ມີ 7 ຫ້ອງ, ໄລຍະຫ່າງລະຫວ່າງແຕ່ລະເສົາແມ່ນໄລ່ເປັນຫ້ອງໜຶ່ງ, ຫນ້າຂົວຖືກປູດ້ວຍໄມ້, ສອງຟາກແມ່ນລະບົບລະບຽງ.
ຂົວມຸງດິນຂໍ ແທນຕວ່ານ
ພາບ: internet
|
ຂົວມຸງດິນຂໍ ແທນຕວ່ານໄດ້ຮັບການກໍ່ສ້າງດ້ວຍໄມ້ເມື່ອປີ 1776 ຕາມຮູບແບບຢູ່ເທິງແມ່ນເຮືອນ ຢູ່ລຸ່ມແມ່ນຂົວ ຈຸດປະສົງກໍແມ່ນເພື່ອໃຫ້ປະຊາຊົນໃນໝູ່ບ້ານໄປມາຢ່າງສະດວກ ແລະ ສາມາດນັ່ງພັກຜ່ອນບັງແສງແດດຮ້ອນ. ຢູ່ໃກ້ກັບຂົວແຫ່ງນີ້ ມີ ເຮືອນຫລັງຫນຶ່ງແມ່ນບ່ອນວາງສະແດງອຸປະກອນການຜະລິດກະສິກຳປະເພດຕ່າງໆຄື: ໄຖ, ຄາດ, ກ່ຽວ... ນອກນັ້ນ ຍັງວາດພາບການດຳລົງຊີວິດຂອງປະຊາຊົນຜ່ານການສີເຂົ້າ, ຕຳເຂົ້າ....ຂອງປະຊາຊົນຢູ່ເຂດບ້ານນາ ແທນຖູຍ. ບໍ່ພຽງແຕ່ໄດ້ເຫັນປະຈັກຕາອຸປະກອນການຜະລິດກະສິກຳເທົ່ານັ້ນ ຫາກນັກທ່ອງທ່ຽວຍັງໄດ້ບົດແປ້ງເຮັດເຂົ້າຫນົມ ຫລືພາຍເຮືອລ່ອງລຽບຕາມແມ່ນ້ຳ. ເອື້ອຍ ເຢືອງທີກຸງລີ ຮອງຜູ້ອຳນວຍການບໍລິສັດຫຸ້ນສ່ວນທ່ອງທ່ຽວ ຫວຽດນາມ ສາຂາ ນະຄອນ ເຫ້ວ ໃຫ້ຮູ້ວ່າ:
“ຢູ່ທີ່ນີ້ ມີຫລາຍຄົນສາມາດວາດພາບໄດ້ບັນຍາການອອກແຮງງານໃນເມື່ອກ່ອນ. ນັກທ່ອງທ່ຽວສາກົນມາຢ້ຽມຢາມແຫ່ງນີ້ ເຂົາເຈົ້າມັກຫລາຍ ເພາະເຂດບ້ານນາແຫ່ງນີ້ຍັງຄົງຮັກສາຈຸດທີ່ເປັນເອກະລັກສະເພາະຂອງເຂດບ້ານນາພາກກາງ ຫວຽດນາມ. ບໍລິສັດຫຸ້ນສ່ວນທ່ອງທ່ຽວ ຫວຽດນາມ ສາຂານະຄອນເຫ້ວ ໄດ້ສ້າງລາຍການທ່ອງທ່ຽວໃນເວລາມື້ຫນຶ່ງ ຫລື ເຄິ່ງມື້. ນັກທ່ອງທ່ຽວສາມາດຂີ່ລົດຈັກຈາກໃຈກາງນະຄອນ. ລາຍການທ່ອງທ່ຽວເຄິ່ງມື້ ດ້ວຍຄ່າບໍລິການແມ່ນ 15 USD/ຄົນ, ສ່ວນ 1 - 2 ມື້ແມ່ນ 35 - 40 USD /ຄົນ ລວມທັງຄ່າກິນຢູ່.”
ໃນຫລັງຄາເຮືອນວາງສະແດງດັ່ງກ່າວມີລວງກວ້າງພຽງປະມານ 100 ຕາລາງແມັດ, ນັກທ່ອງທ່ຽວໄດ້ເຫັນປະຈັກຕາແມ່ຕູ້ ເຫົາ ຊາວກະສິກອນຜູ້ຫນຶ່ງຢູ່ເຂດບ້ານນາພວມນຳໃຊ້ອຸປະກອນການຜະລິດກະສິກຳທຸກປະເພດຢ່າງຊຳນານງານ ແລະ ສິ່ງທີ່ປະທັບໃຈກວ່າ ນັ້ນແມ່ນໄດ້ຟັງສຽງຂັບລຳຂອງແມ່ຕູ້.
ນັກທ່ອງທ່ຽວນັ່ງພັກຜ່ອນຢູ່ຂົວດິນຂໍ ແທນຕວ່ານ
ພາບ: internet
|
ອອກຈາກເຮືອນວາງສະແດງດັ່ງກ່າວ, ນັກທ່ອງທ່ຽວໄປຢ້ຽມຊົມຕະຫລາດບ້ານນາຂົວດິນຂໍທີ່ເຕັມໄປດ້ວຍສີສັນຂອງເຂດຊົນນະບົດທີ່ສະຫງົບງຽບທີ່ແຕກຕ່າງກັນບັນຍາກາດອັນຟົດຟື້ນ, ຄັບຄາຫນາແຫນ້ນຂອງຕະຫລາດຕ່າງໆຢູ່ເຂດຕົວເມືອງ.
ຕະຫລາດຂົວດິນຂໍ ເຖິງວ່າມີຂອບຂະຫນາດນ້ອຍກໍຕາມ ແຕ່ສິນຄ້ານຳມາຂາຍຢູ່ທີ່ນີ້ອຸດົມສົມບູນ. ນັກທ່ອງທ່ຽວສາມາດເລືອກເຟັ້ນບັນດາຜະລິດຕະພັນພິເສດຂອງເຂດບ້ານນາ ເຮືອງຖູຍຄື: ເຂົ້າສານ ຖູຍເຢືອງ, ຖູຍຟູ່, ເຂົ້າໜຽວຖູຍເຕີນ….ນອກນັ້ນຍັງມີເຄື່ອງຈັກສານ, ເຄື່ອງສິລະປະຫັດຖະກຳທີ່ລືຊື່ຂອງ ຢ້າເຄ, ບາວລາ. ນັກທ່ອງທ່ຽວໄປຕະຫລາດຍັງມີໂອກາດໄດ້ຮັບປະທານເຂົ້າໜົມປະເພດຕ່າງໆ ພ້ອມກັບເຍື່ອງອາຫານພິເສດຂອງ ນະຄອນເຫ້ວ.