(VOVWORLD) -ໃນສະໄໝປະຊຸມຄັ້ງນີ້ ສະພາແຫ່ງຊາດໄດ້ຮັບຮອງເອົາລັດຖະນະໂຍບາຍສຳຄັນຫຼາຍຢ່າງ, ສ້າງກຳລັງໜູນຕື່ມອີກເພື່ອຟື້ນຟູ ແລະ ພັດທະນາເສດຖະກິດ, ສ້າງສັງຄົມ ຫວຽດນາມ ໃຫ້ມີສະຖຽນລະພາບ.

(VOVWORLD) - ກອງປະຊຸມສຸດຍອດການດຳເນີນທຸລະກິດ APEC (APEC CEO Summit)- ໜຶ່ງໃນບັນດາການເຄື່ອນໄຫວສຳຄັນຂອງກອງປະຊຸມຂັ້ນສູງ ເວທີປາໄສຮ່ວມມືເສດຖະກິດອາຊີ-ປາຊີຟິກ (APEC) ໄດ້ດຳເນີນໃນລະຫວ່າງວັນທີ 11-12 ພະຈິກ. ທ່ານປະທານປະເທດຫວຽດນາມ ຫງວຽນຊັວນຝຸກ, ແຂກຖືກເຊີນກິຕິມະສັກຂອງກອງປະຊຸມປີນີ້ ໄດ້ມີຂໍ້ສະເໜີອັນລະອຽດທີ່ກອງປະຊຸມ, ຜ່ານນັ້ນ, ສືບຕໍ່ຢືນຢັນຄຳໝັ້ນສັນຍາຂອງຫວຽດນາມ ທີ່ຈະຮ່ວມເດີນທາງ ພ້ອມກັບບັນດາພື້ນຖານເສດຖະກິດ APEC ແລະ ປຊຊ ຜ່ານຜ່າໂລກລະບາດ, ຟື້ນຟູເສດຖະກິດ, ເພື່ອພາກພື້ນອາຊີ ແຫ່ງສັນຕິພາບ, ພັດທະນາແບບຍືນຍົງ ແລະ ນຳເອົາວັດທະນາຖາວອນມາໃຫ້ ປຊຊ ທຸກຄົນ.

(VOVWORLD) -ເດືອນເຄື່ອນໄຫວ “ເພື່ອຜູ້ທຸກຍາກ” ປີ 2021 ພວມດຳເນີນໃນສະພາບໂລກລະບາດໂຄວິດ -19 ສົ່ງຜົນກະທົບຢ່າງຫນັກຫນ່ວງເຖິງຜູ້ທຸກຍາກ, ຄອບຄົວປະສົບກັບຄວາມຫຍຸ້ງຍາກ ເຮັດໃຫ້ຜູ້ອອກແຮງງານຫລາຍຄົນຖືກວ່າງງານ, ບໍ່ມີລາຍຮັບເພື່ອຮັບປະກັນຊີວິດການເປັນຢູ່. ສະນັ້ນ ການເຄື່ອນໄຫວ ແລະ ນະໂຍບາຍຫນູນຊ່ວຍຫລຸດຜ່ອນຄວາມທຸກຍາກ ກໍ່ມີການປ່ຽນແປງໄປນຳເພື່ອໃຫ້ເໝາະສົມກັບສະພາບຕົວຈິງ, ນັບມື້ນັບມີຫລາຍຮູບແບບກວ່າ, ບໍ່ພຽງແຕ່ຫນູນຊ່ວຍໂດຍດ່ວນເທົ່ານັ້ນ ຫາກຍັງມີທິດຊ່ວຍຫນູນການຫາເງິນລ້ຽງຊີບ, ວຽກເຮັດງານທຳ, ໃຫ້ຜູ້ທຸກຍາກໄດ້ກູ້ຢຶມທຶນບຸລິມະສິດເພື່ອຫລຸດພົ້ນອອກຈາກຄວາມທຸກຍາກແບບຍືນຍົງ.

(VOVWORLD) -ວາລະຊັກຖາມຄັ້ງທຳອິດຂອງ ອາຍຸການສະພາແຫ່ງຊາດຊຸດທີ XV ໄດ້ເລີ່ມຂຶ້ນໃນຕອນເຊົ້າວັນທີ 10 ເດືອນພະຈິກ. 4 ຂົງເຂດທີ່ສະມາຊິກສະພາແຫ່ງຊາດ ໄດ້ຄັດເລືອກເພື່ອຊັກຖາມ ສະມາຊິກລັດຖະບານ ທີ່ຈະປະຊຸມໃນ 2 ມື້ເຄິ່ງນີ້ ແມ່ນ: ດ້ານສາທາລະນະສຸກ, ດ້ານແຮງງານ - ທະຫານເສຍອົງຄະ ແລະ ສັງຄົມ, ດ້ານແຜນການ ແລະ ການລົງທຶນ, ດ້ານການສຶກສາ ແລະ ບຳລຸງສ້າງ. ວາລະຊັກຖາມໄດ້ກະກຽມຢ່າງລະອຽດ ດ້ວຍຄວາມຫວັງວ່າຈະຜົນກະທົບທີ່ຕັ້ງໜ້າໃຫ້ແກ່ທັງອາຍຸການ.

(VOVWORLD) -ສັບປະດາຂັ້ນສູງ ເວທີປາໄສຮ່ວມມືເສດຖະກິດ ອາຊີ - ປີຊີຟິກ (APEC) ຄັ້ງທີ 28 (APEC 28) ໂດຍ ນິວຊີແລນ ເປັນປະທານ ໄດ້ເລີ່ມດຳເນີນຢ່າງເປັນທາງການໃນວັນທີ 5 ພະຈິກ ຕາມຮູບການທາງໄກ, ເປີດສາກລາຍການເຄື່ອນໄຫວສັບປະດາຂັ້ນສູງຄັ້ງນີ້ແມ່ນ ກອງປະຊຸມສະຫຼຸບບັນດາເຈົ້າໜ້າທີ່ຂັ້ນສູງ APEC. ດ້ວຍການເຄື່ອນໄຫວສຳຄັນຫຼາຍຢ່າງທີ່ໄດ້ປະກາດ, ເຫດການສັບປະດາຂັ້ນສູງ APEC 28 ໄດ້ຮັບຄວາມເຊື່ອໝັ້ນວ່າ ຈະສ້າງພື້ນຖານການຮ່ວມມືສຳຄັນໃໝ່ໃຫ້ແກ່ການພັດທະນາຢູ່ ອາຊີ - ປາຊີຟິກ, ພາກພື້ນທີ່ເຕົ້າໂຮມຫຼາຍພື້ນຖານເສດຖະກິດແຖວໜ້າຂອງໂລກ ແລະ ປະກອບສ່ວນເຖິງ 60% GDP ແລະ ກວມເອົາເກືອບ 50% ການຄ້າທົ່ວໂລກ.

(VOVWORLD) -COP 26 ແມ່ນເຫດການສາກົນໃຫຍ່ທີ່ມີຄວາມສຳຄັນຍິ່ງໃນປີ 2021. ທີ່ເວທີປາໄສນີ້, ດ້ວຍຖານະເປັນປະເທດພວມພັດທະນາ, ຜູ້ນຳລັດຖະບານ ຫວຽດນາມ ໄດ້ສົ່ງສານ ແລະ ໃຫ້ຄຳໝັ້ນສັນຍາຢ່າງແຮງໃນການຮ່ວມແຮງຮ່ວມໃຈຮັບມືກັບການປ່ຽນແປງຂອງດິນຟ້າອາກາດທົ່ວໂລກ.

(VOVWORLD) - ພາຍຫຼັງທີ່ສັນຍາການຄ້າເສລີລະຫວ່າງຫວຽດນາມ ແລະ ສະຫະພາບເອີລົບ (ສັນຍາ EVFTA) ມີຜົນສັກສິດ ແລະ ນຳເຂົ້າເຄື່ອນໄຫວເປັນເວລາ 1 ປີ, ສັນຍາ EVFTA ໄດ້ສະແດງໃຫ້ເຫັນປະສິດທິຜົນຢ່າງຈະແຈ້ງ ໃນການພັດທະນາເສດຖະກິດລະຫວ່າງສອງຝ່າຍ, ໂດຍສະເພາະແມ່ນການເຕີບໂຕໃນການນຳເຂົ້າສົ່ງອອກສອງຝ່າຍ. ພາຍຫຼັງຜົນສຳເລັດໃນເບື້ອງຕົ້ນ, ສອງຝ່າຍພວມກ້າວເຂົ້າສູ່ໄລຍະໃໝ່ທີ່ ປະສົບກັບຄວາມຫຍຸ້ງຍາກກ່ວາອີກ, ມີສິ່ງທ້າທາຍຫຼາຍກ່ວາອີກ ພາຍໃຕ້ກຳລັງດັນທີ່ບໍ່ເຄີຍມີມາກ່ອນຂອງໂລກລະບາດຢູ່ຫວຽດນາມ ແລະ ໂລກ. ສິ່ງດັ່ງກ່າວຮຽກຮ້ອງຕ້ອງມີການຫັນປ່ຽນໃໝ່ທີ່ເໝາະສົມ, ຈາກນັ້ນ ຈະສືບຕໍ່ນຳໃຊ້ບັນດາກາລະໂອກາດໂດຍ EVFTA ນຳມາໃຫ້ຢ່າງສຸດຂີດ.

(VOVWORLD) -ໃນບົດກ່າວປາໄສ ທີ່ກອງປະຊຸມຄັ້ງທີ 26 ບັນດາຝ່າຍເຂົ້າຮ່ວມສົນທິສັນຍາແມ່ຂອງ ສະຫະປະຊາຊາດ ກ່ຽວກັບການປ່ຽນແປງຂອງດິນຟ້າອາກາດ (COP26), ພວມດຳເນີນຢູ່ ລາຊະອານາຈັກ ອັງກິດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຢືນຢັນ: ຫວຽດນາມ ໄດ້ ແລະ ພວມມານະພະຍາຍາມ ເພື່ອທັງຮັບມືກັບການປ່ຽນແປງຂອງດິນຟ້າອາກາດ ທັງພັດທະນາເສດຖະກິດເພື່ອບືນຕົວຂຶ້ນ. ສິ່ງນີ້ເພື່ອຮັບປະກັນຊີວິດການເປັນຢູ່ຂອງປະຊາຊົນບັນດາປະເທດ ພວມຖືກຜົນກະທົບຢ່າງຫນັກຫນ່ວງຈາກການປ່ຽນແປງຂອງດິນຟ້າອາກາດໃຫ້ນັບມື້ນັບດີກວ່າ ແລະ ປະກອບສ່ວນຢ່າງມີຄວາມຮັບຜິດຊອບພ້ອມກັບປະຊາຄົມສາກົນ ໃນເປົ້າໝາຍພັດທະນາເພື່ອສິດທິມະນຸດ.

(VOVWORLD) - ວັນທີ 3 ພະຈິກ, ທ່ານນາງ ຫວໍທິແອງຊວນ ຮອງປະທານປະເທດ ຫວຽດນາມ ໄດ້ສິ້ນສຸດການຢ້ຽມຢາມ ບຸນກາຣີ, ເກຼັກ ແລະ ເຂົ້າຮ່ວມກອງປະຊຸມສຸດຍອດແມ່ຍິງທົ່ວໂລກ ແລະ ມີບາງການເຄື່ອນໄຫວສອງຝ່າຍ ຢູ່ ປອກຕູການ. ການໄປປະຕິບັດຢູ່ ເອີລົບ ແຕ່ວັນທີ 25 ຕຸລາ ຫາວັນທີ 2 ພະຈິກ ຂອງທ່ານນາງຮອງປະທານປະເທດ ແມ່ນມີຄວາມໝາຍສຳຄັນ ນັບທັງຫລາຍຝ່າຍ ແລະ ສອງຝ່າຍ.

(VOVWORLD) -ໂດຍຖືກຈັດຂຶ້ນພາຍຫຼັງໄດ້ຮັບການຫ້າງຫາກະກຽມຢ່າງລອບຄອບຖີ່ຖ້ວນ, ກອງປະຊຸມສຸດຍອດ ສປຊ ກ່ຽວກັບການປ່ຽນແປງຂອງດິນຟ້າອາກາດ ປີ 2021 (COP26) ໂດຍມີການເຂົ້າຮ່ວມຂອງປະມຸກລັດ ແລະ ການນຳລັດຖະບານກວ່າ 120 ທ່ານ, ໄດ້ຕັ້ງຄວາມຫວັງວ່າ ຈະບັນລຸໄດ້ບາດກ້າວເດີນສຳຄັນໃນບັ້ນຕໍ່ສູ້ຕ້ານການປ່ຽນແປງຂອງດິນຟ້າອາກາດທົ່ວໂລກ. ເຖິງຢ່າງໃດກໍຕາມ, ສິ່ງທ້າທາຍທີ່ວາງອອກສຳລັບການນຳທີ່ເຂົ້າຮ່ວມກອງປະຊຸມກໍໃຫຍ່ຫຼວງທີ່ສຸດ, ເພາະວ່າ ທາງເລືອກຂອງໂລກກໍບໍ່ຫຼາຍເມື່ອຢືນຢູ່ຕໍ່ໜ້າສະພາບການປ່ຽນແປງຂອງດິນຟ້າອາກາດພວມສັບສົນເປັນໜ້າກັງວົນຄືໃນປັດຈຸບັນ.