(VOVWORLD) - ຫວຽດນາມ ໄດ້ຮ່ວມແຮງຮ່ວມໃຈ ແລະ ມີການປະກອບສ່ວນຢ່າງມີປະສິດທິຜົນເຂົ້າໃນການສ້າງປະຊາຄົມອາຊຽນ ລວມໃຫ້ສົມບູນແບບ, ຖືປະຊາຊົນເປັນໃຈກາງ.

(VOVWORLD) -ໜຶ່ງໃນບັນດາເຫດການທາງການທູດສາກົນທີ່ພົ້ນເດັ່ນໃນອາທິດນີ້ ແມ່ນການຢ້ຽມຢາມນະຄອນ ທ່ຽນສິນ (ຈີນ) ເຊິ່ງດຳເນີນໃນລະຫວ່າງວັນທີ 25 – 26 ກໍລະກົດ ຂອງທ່ານນາງຮອງລັດຖະມົນຕີການຕ່າງປະເທດ ອາເມລິກາ Wendy Sherman. ໂດຍດຳເນີນໃນສະພາບການທີ່ການພົວພັນລະຫວ່າງສອງພື້ນຖານເສດຖະກິດໃຫຍ່ທີ່ສຸດໃນໂລກ ໄດ້ຮັບຖືວ່າ ພວມຢູ່ໃນລະດັບຕ່ຳທີ່ສຸດໃນຫຼາຍທົດສະວັດຜ່ານມາ, ການຢ້ຽມຢາມດັ່ງກ່າວ ອາດຈະຊ່ວຍຊອກຫາວິທີການແກ້ໄຂສະພາບຈົນຕາແຈນີ້, ເປີດແງ່ຫວັງໃໝ່ແກ່ການປັບປຸງສາຍພົວພັນລະຫວ່າງສອງປະເທດໃນໄລຍະຈະມາເຖິງ.

(VOVWORLD) - ຫວຽດນາມແມ່ນຫນຶ່ງໃນຈຳນວນຫນ້ອຍປະເທດໃນໂລກທີ່ປະຕິບັດວຽກງານປ້ອງກັນຕ້ານໂລກລະບາດໂຄວິດ -19 ຢ່າງມີປະສິດທິຜົນ ຍ້ອນມີການເຂົ້າຮ່ວມຂອງທັງລະບົບການເມືອງພ້ອມກັບຈິດໃຈຄວາມຮັບຜິດຊອບຂອງທົ່ວສັງຄົມ. ຕໍ່ຫນ້າການຜັນແປສັບສົນຂອງໂລກລະບາດໂຄວິດ 19 ແຜ່ລະບາດຮອບທີ 4 ນີ້ ນັບແຕ່ທ້າຍເດືອນເມສາ ປີ 2021 ມາຮອດປະຈຸບັນ, ຍາມໃດບັນດາສະມາຊິກລັດຖະບານກໍ່ຊີ້ນຳການປ້ອງກັນຕ້ານໂລກລະບາດໂຄວິດ -19 ນຳຢ່າງໃກ້ຊິດ ເພື່ອແນໃສ່ຮັກສາຜົນງານໃນການປ້ອງກັນຕ້ານໂລກລະບາດໂຄວິດ -19 ຢູ່ ຫວຽດນາມໄວ້ຢ່າງໝັ້ນຄົງ.

(VOVWORLD) -ກອງປະຊຸມຄັ້ງປະຖົມມະລຶກຂອງ ອາຍຸການ ສະພາແຫ່ງຊາດຊຸດທີ XV ຈະສິ້ນສຸດລົງໃນມື້ນີ້, ພາຍຫຼັງຈັດກອງປະຊຸມມາເປັນເວລາ 1 ອາທິດ ຢູ່ ນະຄອນຫຼວງຮ່າໂນ້ຍ. ເຖິງວ່າເວລາ ໄດ້ຫຼຸດສັ້ນລົງ ເມື່ອທຽບໃສ່ກັບການຄາດຄະເນເບື້ອງຕົ້ນ ແຕ່ນີ້ແມ່ນວາລະປະຊຸມພິເສດ ບໍພຽງແຕ່ໃນການເລືອກຕັ້ງ, ໃຫ້ສັດຕະຍາບັນ ບຸກຄະລາກອນຂັ້ນສູງ ຂອງກົງຈັກ ແຫ່ງລັດເທົ່ານັ້ນ ຫາກຍັງພິເສດກ່ວານີ້ອີກ ແມ່ນກອງປະຊຸມໄດ້ສະແດງໃຫ້ເຫັນຈິດໃຈຮ່ວມເດີນທາງກັບ ລັດຖະບານ, ສາມັກຄີກັນພ້ອມກັບປະຊາຊົນ ເພື່ອຜ່ານຜ່າບັນດາຄວາມຫຍຸ້ງຍາກໂດຍໂລກລະບາດໂຄວິດ - 19 ກໍ່ຂຶ້ນ.

(VOVWORLD) - ໃນທ້າຍອາທິດຜ່ານມາ, ກຸ່ມບັນດາພື້ນຖານເສດຖະກິດພັດທະນາ ແລະ ຫາກໍພົ້ນເດັ່ນແຖວໜ້າໂລກ (G20) ໄດ້ຈັດຕັ້ງກອງປະຊຸມພິເສດຂັ້ນລັດຖະມົນຕີ ກ່ຽວກັບຫົວຂໍ້ ດິນຟ້າອາກາດ ຢູ່ນະຄອນ Naples (Napoli) ຂອງ ອີຕາລີ. ນີ້ແມ່ນຄັ້ງທຳອິດໃນປະຫວັດສາດ ທີ່ G20 ຈັດຕັ້ງກອງປະຊຸມຂັ້ນສູງ ປຶກສາຫາລືສະເພາະກ່ຽວກັບບັນຫາດິນຟ້າອາກາດ. ເພາະສະນັ້ນ, ເຖິງວ່າໝາກຜົນທີ່ບັນລຸໄດ້ຍັງຈຳກັດກໍຕາມ, ແຕ່ກອງປະຊຸມຄັ້ງນີ້ ຍັງໄດ້ຮັບຖືວ່າ ແມ່ນບາດກ້າວເດີນທີ່ໜ້າຊົມເຊີຍໃນບັ້ນເຄື່ອນໄຫວຕ້ານການປ່ຽນແປງຂອງດິນຟ້າອາກາດ.

(VOVWORLD) -ໃນຖານະຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດອາຍຸການ 2020 – 2021, ໃນນັ້ນມີ 01 ເດືອນດຳລົງດຳລົງຕຳແໜ່ງປະທານສະພາຄວາມໝັ້ນຄົງສະຫະປະຊາຊາດຄັ້ງທີ 2, ຫວຽດນາມ ໄດ້ຕັ້ງໜ້າເປັນເຈົ້າການປະກອບສ່ວນເຂົ້າວຽກງານລວມຂອງສະຫະປະຊາຊາດຢ່າງແທດຈິງ, ມີປະສິດທິຜົນ.

(VOVWORLD) -ໃນວາລະປະຊຸມຂອງຕອນເຊົ້າວັນທີ 23 ກໍລະກົດ, ສະພາແຫ່ງຊາດ ຫວຽດນາມ ໄດ້ຮັບຮອງເອົາມະຕິວ່າດ້ວຍການຮັກສາໂຄງປະກອບຂອງລັດຖະບານໄວ້ຄືກັນກັບອາຍຸການສະພາແຫ່ງຊາດຊຸດທີ XV, ລວມມີ 18 ກະຊວງ, 4 ອົງການທຽບເທົ່າກະຊວງ. ສິ່ງດັ່ງກ່າວໄດ້ຮັບຖືວ່າມີຄວາມຈຳເປັນ ແລະ ຮັບປະກັນສະຖຽນລະພາບຂອງກົງຈັກເພື່ອໃຫ້ບັນດາພາກສ່ວນທັງໝົດຂອງລັດຖະບານ ສຸມໃສ່ການປະຕິບັດ “ເປົ້າໝາຍຄວບຄູ່”, ທັງຕ້ານໂລກລະບາດຢ່າງເດັດດ່ຽວຂ້ຽວຂາດ, ທັງສຸມໃສ່ແກ້ໄຂຄວາມຫຍຸ້ງຍາກ, ຟື້ນຟູການຜະລິດດຳເນີນທຸລະກິດ, ຟື້ນຟູພັດທະນາເສດຖະກິດ - ສັງຄົມ. ບັນດາຜົນງານທີ່ບັນລຸໄດ້ໃນການບໍລິຫານເສດຖະກິດ - ສັງຄົມ, ຕ້ານໂລກລະບາດໂຄວິດ - 19 ໃນ 6 ເດືອນຜ່ານມາຂອງ ລັດຖະບານ ຫວຽດນາມ ໄດ້ເປັນສ່ວນໃດໜຶ່ງທີ່ສະແດງໃຫ້ເຫັນປະສິດທິຜົນໃນການບໍລິຫານເສດຖະກິດ - ສັງຄົມຂອງລັດຖະບານ ຫວຽດນາມ.

(VOVWORLD) -ກົງກັບໂອກາດໄຂກອງປະຊຸມຄັ້ງປະຖົມມະເລິກ, ສະພາແຫ່ງຊາດ ຫວຽດນາມ ຊຸດທີ XV ແລະ ສະຫລຸບ 5 ປີແຫ່ງການປະຕິບັດ ມະຕິເລກ 05 /ສູນກາງ ລົງວັນທີ 15 ມິຖຸນາ ປີ 2016 ຂອງກົມການເມືອງ ກ່ຽວກັບ “ເລື່ອງຍູ້ແຮງການຮ່ຳຮຽນ, ປະຕິບັດຕາມແນວຄິດຄຸນສົມບັດປະທານໂຮ່ຈີມິນ, ທ່ານປະທານສະພາແຫ່ງຊາດ ຫວຽດນາມ ເວື່ອງດີ່ງເຫ້ວ ມີບົດຂຽນດ້ວຍຫົວຂໍ້ວ່າ: “ໝູນໃຊ້ແນວຄິດໂຮ່ຈີມິນໃນການເຄື່ອນໄຫວນິຕິບັນຍັດ, ປະກອບສ່ວນສ້າງ ແລະ ປັບປຸງລັດແຫ່ງອຳນາດນິຕິບັນຍັດສັງຄົມນິຍົມຫວຽດນາມ ໃຫ້ສົມບູນແບບ”. ໃນບົດຂຽນ ທ່ານ ປະທານສະພາແຫ່ງຊາດ ຫວຽດນາມ ເວື່ອງດີ່ງເຫ້ວ ໄດ້ເນັ້ນຫນັກ ການກຳນົດທິດກ່ຽວກັບການເຄື່ອນໄຫວນິຕິບັນຍັດໃນວິວັດການສ້າງລັດແຫ່ງອຳນາດນິຕິບັນຍັດສັງຄົມນິຍົມຢູ່ ຫວຽດນາມ.

(VOVWORLD) -ກ່ອນນີ້ 5 ປີ, ວັນທີ 12 ກໍລະກົດ ປີ 2016, ສານອະນຸຍາໂຕຕຸລາການ ໄດ້ຮັບການສ້າງຕັ້ງຂຶ້ນ ຕາມເອກະສານຊ້ອນທ້າຍຂອງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS)ປີ 1982 ຢູ່ ລາໄຮ (ຫລືເອີ້ນຫຍໍ້ວ່າ ສານ PCA) ໄດ້ອອກຄຳຕັດສິນ ກ່ຽວກັບກໍລະນີ ຟີລີບປິນ ຟ້ອງຮ້ອງ ຈີນ ກ່ຽວຂ້ອງເຖິງບັນຫາທະເລຕາເວັນອອກ. ພາຍຫລັງທີ່ສານອອກຄຳຕັດສິນເປັນເວລາ 5 ປີນັ້ນ, ສະພາບການຢູ່ທະເລຕາເວັນອອກ ຍັງຄົງສັບສົນຢູ່. ເຖິງຢ່າງໃດກໍຕາມ ສິ່ງບໍ່ອາດປະຕິເສດ ນັ້ນແມ່ນ ພ້ອມກັບ UNCLOS 1982, ຄຳຕັດສິນຂອງ ສານ PCA ໄດ້ກາຍເປັນຂີດໝາຍສຳຄັນ ແມ່ນພື້ນຖານທີ່ມີປະໂຫຍດເພື່ອແກ້ໄຂສັນຕິພາບບັນດາການຂັດແຍ່ງຢູ່ທະເລຕາເວັນອອກໂດຍສັນຕິວິທີ, ແມ່ນພື້ນຖານດ້ານກົດໝາຍສາກົນເພື່ອສ້າງຄວາມເປັນລະບຽບຮຽບຮ້ອຍຢູ່ທະເລ.

(VOVWORLD) -ຕອນເຊົ້າວັນທີ 20 ກໍລະກົດ, ກ່າວຄຳເຫັນທີ່ວາລະໄຂກອງປະຊຸມຄັ້ງປະຖົມມະເລິກ, ສະພາແຫ່ງຊາດຫວຽດນາມ ຊຸດທີ 15, ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຝູຈ້ອງ ໄດ້ເນັ້ນໜັກວ່າ, ໂດຍແມ່ນອົງການຜູ້ຕາງໜ້າສູງສຸດຂອງ ປຊຊ, ອົງການສິດອຳນາດແຫ່ງລັດສູງສຸດຂອງປະເທດ ສສ ຫວຽດນາມ, ສະພາແຫ່ງຊາດຫວຽດນາມ ຕ້ອງເສີມຂະຫຍາຍບັນດາຜົນງານ ແລະ ປະສົບການໃນຕະຫຼອດ 75 ປີຜ່ານມາ, ສືບຕໍ່ປ່ຽນແປງໃໝ່, ຍົກສູງຄຸນນະພາບ ແລະ ປະສິດທິຜົນການເຄື່ອນໄຫວ ເພື່ອຕອບສະໜອງຄວາມຮຽກຮ້ອງຕ້ອງການ, ໜ້າທີ່ການເມືອງຂອງປະເທດຊາດໃນໄລຍະໃໝ່ເປັນຢ່າງດີ.