(VOVWORLD) - ປະຊາຊົນໃນທົ່ວປະເທດ ແລະ ຊາວຫວຽດນາມ ອາໄສຢູ່ຕ່າງປະເທດໄດ້ສຳຜັດ ແລະ ເຂົ້າຮ່ວມການປະກອບຄຳເຫັນໃສ່ຮ່າງເອກະສານຢ່າງເປັນທາງການ ເພື່ອຍື່ນສະເໜີຕໍ່ກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ ຄັ້ງທີ 13 ນັບແຕ່ວັນທີ 20 ຕຸລາ 2020 ເປັນຕົ້ນໄປ.

(VOVWORLD) - ລັດຖະບານຫວຽດນາມ ມານະພະຍາຍາມຜ່ານຜ່າສິ່ງທ້າທາຍ, ຕັດສິນໃຈບັນລຸໄດ້ເປົ້າໝາຍ “ຄວບຄູ່” ແມ່ນທັງຄວບຄຸມ, ຈຳກັດໂລກລະບາດໂຄວິດ- 19, ທັງຟື້ນຟູ, ພັດທະນາເສດຖະກິດ-ສັງຄົມ ແລະ ຕັ້ງໜ້າເຊື່ອມໂຍງເຂົ້າກັບສາກົນ.

(VOVWORLD) -ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີຫວຽດນາມ ຫງວຽນຊວັນຝຸກ ແລະ ພັນລະຍາ, ທ່ານນາຍົກລັດຖະມົນຕີຍີ່ປຸ່ນ Suga Yoshihide ແລະ ພັນລະຍາ ໄດ້ເດີນທາງມາຢ້ຽມຢາມຫວຽດນາມ ແຕ່ວັນທີ 18-20 ຕຸລາ. ວັນທີ 19 ຕຸລາ, ໄດ້ດຳເນີນບັນດາເຫດການຈຸດສຸມຂອງການຢ້ຽມຢາມຄື: ການເຈລະຈາລະຫວ່າງນາຍົກລັດຖະມົນຕີສອງທ່ານ, ເຂົ້າຢ້ຽມຂ່ຳນັບທ່ານເລຂາທີການໃຫ່ຍ, ປະທານປະເທດຫວຽດນາມ ຫງວຽນຟຸຈ້ອງ, ພົບປະກັບທ່ານນາງປະທານສະພາແຫ່ງຊາດຫວຽດນາມ ຫງວຽນທິກີມເງິນ. ນາຍົກລັດຖະມົນຕີສອງທ່ານກໍ່ ແລກປ່ຽນບັນດາເອກະສານຮ່ວມມືຕ່າງໆ. ການຢ້ຽມຢາມໄດ້ປະກອບສ່ວນພັດທະນາ ການພົວພັນຄູ່ຮ່ວມມືຍຸດທະສາດທີ່ເລິກເຊິ່ງກ້ວາງຂວາງລະຫວ່າງຫວຽດນາມ-ຍີ່ປຸ່ນໃຫ້ດີກ່ວາອີກ.

(VOVWORLD) -ໂດຍໄດ້ຮັບຄຳເຊື້ອເຊີນຈາກທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ, ທ່ານນາຍົກລັດຖະມົນຕີ ຍີ່ປຸ່ນ Suga Yoshihide ຈະເດີນທາງມາຢ້ຽມຢາມຫວຽດນາມໃນເດືອນຕຸລາ. ນີ້ແມ່ນຄັ້ງທີ 2 ຢ່າງລຽນຕິດ ທີ່ນາຍົກລັດຖະມົນຕີ ຍີ່ປຸ່ນ ໄດ້ເລືອກມາຢ້ຽມຢາມ ຫວຽດນາມ ເປັນປະເທດທຳອິດ ພາຍຫຼັງດຳລົງຕຳແໜ່ງ. ສິ່ງດັ່ງກ່າວໄດ້ສະແດງໃຫ້ເຫັນສາຍພົວພັນອັນດີງາມ, ຄວາມໄວ້ເນື້ອເຊື່ອໃຈດ້ານການເມືອງ ແລະ ເສດຖະກິດ ລະຫວ່າງສອງປະເທດ, ສະແດງໃຫ້ເຫັນແນວທາງການພົວພັນຕ່າງປະເທດຢ່າງສະເໝີຕົ້ນສະເໝີປາຍຂອງ ຍີ່ປຸ່ນ ຖືການພົວພັນກັບ ຫວຽດນາມ ແລະ ພາກພື້ນ ອາຊຽນ ເປັນສຳຄັນ. ນີ້ກໍແມ່ນປະຖົມປັດໄຈທີ່ສ້າງກຳລັງໜູນໃໝ່ໃຫ້ແກ່ໄລຍະທາງແຫ່ງການຮ່ວມມື ແລະ ພັດທະນາໃໝ່ລະຫວ່າງສອງປະເທດ.

(VOVWORLD) - ໂດຍບໍ່ຫົວຊາຕໍ່ບັນດາຄວາມຫຍຸ້ງຍາກຈາກໂລກລະບາດໂຄວິດ 19, ພັກ, ລັດຫວຽດນາມ ໄດ້, ພວມ ແລະ ຈະມານະພະຍາຍາມຮັບປະກັນສິດເສລີໃນການໄປມາໃຫ້ພົນລະເມືອງຫວຽດນາມແລະຕ່າງປະເທດຢ່າງສຸດຂີດ, ບົນພື້ນຖານດ້ານກົດໝາຍຫວຽດນາມແລະ ສາກົນ.

(VOVWORLD) - ຕາມຂໍ້ມູນຂ່າວສານໃນຕອນເຊົ້າວັນທີ 14 ຕຸລາ ຂອງຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ຂອງ ຫວຽດນາມ ໃຫ້ຮູ້ວ່າ: ບໍ່ພົບຜູ້ຕິດເຊື້ອໂຄວິດ-19 ໃໝ່ໃນ 24 ຊົ່ວໂມງຜ່ານມາ.

(VOVWORLD) -ທ້າຍເດືອນ ກັນຍາ ຜ່ານມາ, ຄະນະກຳມະການເອີລົບ (EC) ໄດ້ປະກາດນະໂຍບາຍໃໝ່ກ່ຽວກັບການເຂົ້າເມືອງ ແລະ ລີ້ໄພ. ຈຸດສຳຄັນທີ່ສຸດຂອງສັນຍາອົບພະຍົບສະບັບໃໝ່ແມ່ນສະເໜີລົບລ້າງໂກຕາຮັບຊາວອົບພະຍົບ.

(VOVWORLD) - ນັບແຕ່ປີ 1976, ຫວຽດນາມ ໄດ້ເຂົ້າເປັນສະມາຊິກອົງການວິທະຍາສາດ, ການສຶກສາ ແລະ ວັດທະນະທຳຂອງ ສປຊ (UNESCO). ຮອດປີ 1977, ຫວຽດນາມ ໄດ້ສ້າງຕັ້ງຄະນະກຳມະການແຫ່ງຊາດ UNESCO ເພື່ອຊຸກຍູ້ການຮ່ວມມືກັບອົງການນີ້. 44 ປີຜ່ານມາ, ຍາມໃດຫວຽດນາມ ກໍ່ມານະພຍາຍາມ ພ້ອມກັບ UNESCO ແລະ ບັນດາປະເທດສະມາຊິກ ແກ້ໄຂ ແລະ ຍົກອອກບັນດາມາດຕະການໃຫ້ແກ່ຫຼາຍບັນຫາທົ່ວໂລກທີ່ ກ່ຽວຂ້ອງເຖິງສັນຕິພາບ, ການພັດທະນາ, ການປົກປັກຮັກສາບັນດາຄຸນຄ່າດ້ານວັດທະນະທຳ, ຄວາມສາມັກຄີ ແລະ ການຮ່ວມມືລະຫວ່າງບັນດາປະເທດ.

(VOVWORLD) - ຄືດັ່ງການໃຫ້ຂໍ້ສັງເກດຂອງວົງການນັກໄຈ້ແຍກ, ໃນກອງປະຊຸມພິເສດທີ່ຖືກດຳເນີນໃນກາງອາທິດນີ້ ຢູ່ ໂຕກຽວ, ປະເທດ ຍີ່ປຸ່ນ, ກຸ່ມ 04 ປະເທດ QUAD ເຊິ່ງລວມມີ ອາເມລິກາ, ຍີ່ປຸ່ນ, ອິນເດຍ ແລະ ອົດສະຕາລີ ໄດ້ໃຫ້ຄຳໝັ້ນສັນຍາຈະສືບຕໍ່ເປີດກວ້າງການຮ່ວມມືເພື່ອປະຕິບັດວິໄສທັດພາກພື້ນ ມະຫາສະໝຸດ ອິນເດຍ - ປາຊີຟິກ ທີ່ເສລີ ແລະ ເປີດກວ້າງ ບົນພື້ນຖານກົດໝາຍສາກົນ.

(VOVWORLD) - ເອກະສານການເມືອງກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມ ຈະໄດ້ຮັບເອົາຄຳເຫັນປະກອບຢ່າງກວ້າງຂວາງຈາກປະຊາຊົນທຸກຊັ້ນວັນນະນັບແຕ່ວັນທີ 15 ຕຸລາ ຈະມາເຖິງ, ພາຍຫລັງ ຮັບເອົາຄຳເຫັນປະກອບຈາກກອງປະຊຸມໃຫຍ່ອົງຄະນະພັກທຸກຂັ້ນ. ຫນຶ່ງໃນບັນດາຈຸດໃຫມ່ຂອງເອກະສານການເມືອງຄັ້ງນີ້ ແມ່ນວາງເປົ້າໝາຍພັດທະນາປະເທດຊາດຮອດປີ 2025 – 2030, ວິໄສທັດຮອດປີ 2045, ສ້າງຂີດໝາຍສຳຄັນ, ສູ້ຊົນນຳຫວຽດນາມ ກາຍເປັນປະເທດພັດທະນາ, ຕາມການກຳນົດທິດສັງຄົມນິຍົມ. ເອກະສານການເມືອງກອງປະຊຸມໃຫຍ່ຄັ້ງທີ 13 ຂອງພັກ ແມ່ນການສຸມສະຕິປັນຍາແລະ ຄວາມຄາດຫວັງຂອງຊາດຢ່າງແທ້ຈິງ.